【MBTI香港排名2026】港人性格大顛覆！最常見竟然係呢種高敏感人格

INFP調停者稱霸香港MBTI排行榜敏感同理心爆燈

根據16Personalities網站香港地區測試結果顯示，最常見嘅MBTI人格依次係INFP（13.54%）、ENFP（12.68%）、ISFJ（10.21%）。排第一嘅INFP代表內向、直覺、情感同感知，呢類人情感豐富、敏感而有同理心強，善於共感他人，能與人建立深厚且真摯嘅連結，同時滿懷理想主義，希望為社會帶來好改變。而香港「I人」佔50.4%，稍多於「E人」嘅49.6%；情感型（F）更達57.7%，明顯高於理智型（T）嘅42.6%。

網民熱議港人性格大顛覆務實精明形象完全不符

測試結果一出，隨即引發網民熱烈討論。有網民直言「香港人咁現實，點會係INFP最多？」、「我身邊啲朋友個個都好實際，唔似得咁理想主義」。亦有人質疑統計準確性，認為「呢啲測試吸引嘅人群本身就有偏差」。不少網民更笑言「難怪香港咁多人有情緒病，原來大家都係高敏感人士」，引起一輪自嘲式討論。部分心理學愛好者則分析，香港人表面務實，內心可能真係充滿理想同情感。

專家解釋參與誤差問題ENTJ務實派反而最稀有

統計學上有「參與誤差」概念，某些調查本身會更吸引特定人群參與，導致結果出現偏差。喺MBTI測試中，性格偏重情感（F）、直覺（N）嘅人，本身就更有興趣了解自己，較傾向參與測試，從而推高佢哋喺樣本中嘅比例。反而更務實嘅ENTJ或ESTP，參與測試嘅人數較少，樣本量亦較細。最少見嘅三種人格分別係ENTJ（1.94%）、ESTP（2.53%）、INTJ（2.69%），呢啲恰恰係大家印象中最「香港人」嘅性格類型。