港男350萬黃金不翼而飛｜母親私賣幫胞弟買樓 結局峰迴路轉

15年心血一夜蒸發 母親私賣黃金助胞弟買樓

該名港男於社交平台Threads發文透露，自畢業後每月都會購買金幣，後來收入增加更「半両半両」地買黃金，全部存放在家中夾萬內，持續了15年。當金價升至每盎司5,600美元（約4.3萬港元）時，他打算趁機出售所有黃金，卻震驚發現「竟然唔見晒……單都無埋」。經查問後得知，原來是母親私下將黃金變賣，用作支付胞弟買樓的首期，涉及金額達200多萬至300萬港元。

母親要求「再儲過」 父親持刀威嚇趕離家

面對兒子的質問，母親竟理直氣壯地回應「細佬就快結婚一定要有樓」，承諾會慢慢償還，更要求他「再儲過」。港男聞言崩潰「喊到癩咗」，與父母激烈爭吵。父親更在廚房取刀威嚇，要求他「即刻走，以後唔好返嚟」，斥責他「冇諗過我為咗錢喺到大吵大鬧，完全唔為細佬做少少嘢」。傷心欲絕的港男最終「執咗啲嘢搬咗去酒店」，前路茫茫。

WhatsApp對話曝光 胞弟承諾分期歸還

港男上載與胞弟的WhatsApp對話截圖，顯示他要求胞弟3天內歸還款項，否則報警。他在訊息中寫道「啲金我儲咗15年，全部都係我嘅心血，我從來冇允許過你哋變賣同據為己有，如果3日內唔畀返晒我，我會報警。我諗清楚，我唔再容忍」。胞弟回覆可支付利息，但港男嚴詞表示「即刻還返晒畀我」，胞弟最終承諾本星期內會歸還至少三分一金額。

網民怒轟父母離譜 建議大義滅親報警

帖文引起網民熱烈討論，大部份人都認為港男父母行為離譜。網民紛紛留言「同做賊冇咩分別，太過分，畀我都會咁做，即時搬仲要以後都唔會聯絡！」、「親情勒索」、「好心痛有咁樣親人」。更有網民建議他「大義滅親」，「報警喇，佢根本無當你係仔！」、「對人仁慈即係對自己殘忍」、「你信佢哋會還？還到使乜要偷你嘅金？醒下啦！」不過亦有網民質疑事件真偽。

結局峰迴路轉 港男自願給予胞弟三分一金額

港男其後在留言區更新事件進展，結局出人意料。他表示自願給予胞弟三分之一金額，餘下三分之二金額胞弟承諾會在2月內歸還，「嗰1/3係我自願畀佢，當係盡埋做阿哥嘅少少責任」。然而他明言未來不會出席胞弟婚禮，「因為見面實在太尷尬」。至於為何不報警，港男解釋「我性格太感情用事，無辦法做到呢步，父母都有唔同嘅病，無必要都唔想行呢步。我係好恨佢哋，但件事叫做暫時協議咗。而我都短期內唔會返屋企住」。