長沙灣冰室食下午茶未坐夠1小時被趕！事主怒轟侍應態度離譜

下午5點47分落單6點半即被趕走事主不值

事主在facebook群組「長沙灣街坊」發文投訴，指當日下午5時47分與朋友到該冰室點咗兩個下午茶餐，原本見「卡位夠多，約人傾計就最好」，豈料食到一半就遭侍應多次收碟。當時事主仍有1大塊豬扒未食完，制止侍應時竟被告知「現在下午茶時間已過，要做晚市了，想叫我們走」。事主怒斥冰室未有寫明用餐時限，當時座位亦非爆滿，侍應態度惡劣令人難以接受。

網民群起公審冰室服務態度離譜

事件曝光後，大批網民替事主不值，紛紛留言炮轟該冰室做法。有網民直言「澳牛有對手了」、「不足1小時又過分啲！」，更有人建議「咁喺門口寫定下午茶限坐30分鐘，大家清清楚楚可選去定唔定，唔係氹咗入來然後迫人走」。不少網民認為「5:47落單，6:30被人趕，仲快過快餐店喎」，批評冰室服務態度有問題。

部分網民為冰室辯護稱應體諒晚市黃金時間

不過亦有網民為冰室辯護，認為「其實1個下午茶，食30分鐘乜都食完」，又指「晚市黄金時間啲客多就難搞，體諒下」。有網民建議冰室應該在5點時向客人說明「下午茶last order，同埋講你6點前一定要走」，這樣既可避免爭拗，亦能讓顧客有心理準備。事主則回應指「開得餐廳就預咗人哋坐返一頭半個鐘㗎啦！就算爆棚要人走，都要好聲好氣㗎！」