同事請恩恤假｜老闆要求「影先人大頭相」記錄 HR呻：我唔想收到
廣告
一名人事部職員近日在網上分享令人震驚的職場經歷，指公司有同事因家人離世需要請恩恤假，明明已經提交死亡證明文件，但老闆竟然提出匪夷所思的額外要求。這個要求不但涉及對逝者的不敬，更讓負責處理的HR感到相當為難和無奈。
老闆要求拍攝先人大頭相作記錄
該名打工仔在facebook專頁「奴工處」投稿，透露同事因家人離世向公司申請恩恤假，雖然已經遞交家人的死亡證明文件，但老闆卻要求對方必須「影喪禮證明」，更明確規定要「影到先人大頭相」，事後再交給人事部作為記錄。身為該公司人事部職員的樓主對此感到極度無奈，直言「我唔想收到」這些照片。
網民怒轟老闆涼薄無人性
事件曝光後立即引來大批網民圍轟，紛紛斥責老闆涼薄無人性，留言痛罵「CXS公司」、「如唔信可以唔俾放，俾放就唔好搞咁多嘢」。有網民更以諷刺語調揶揄「影咗唔代表係嗰個人喎」、「宜家AI咁勁，相都有可能係假㗎嘛，咁驚俾人呃，老細親自去睇咪得囉」，甚至建議「其實可以再做足啲，抬埋先人去公司俾老細確認」、「直接叫佢嚟，親自驗埋個親人有無心跳」。
HR被建議惡搞報復老闆
不少網民更建議該名HR索性「攬炒」反擊，「Print出嚟擺喺老細枱頭，話已經收到白事證明」、「等老細記住先人個樣，晚晚夢見」。另有留言則強烈勸喻該公司員工及早離職，「老細好唔尊重亦都好涼薄，喺度做HR應該每日都俾人問候全家」、「Quit啦～咁無同理心，然後同佢講：『他朝君體也相同』」。
打工仔分享請恩恤假被刁難經歷
事件亦引來不少打工仔分享類似的被刁難經歷，「曾幾何時我都以為啲老細再冷血，都唔會拎紅白二事嚟玩啲伙計，直至我親眼見過同事拎白事假，個老細竟然唔批」。有網民更透露「試過喪禮交死亡證話唔得，因為死亡證係死嗰日，唔係喪禮嗰日」，另一名網民則分享「早幾年我老竇走咗，公司話明14日內交死亡證，仆X公司就兩日兩日咁追我交文件，又話驗屍嗰份唔算數，搞到我情緒崩潰」。根據香港《僱傭條例》，恩恤假並未涵蓋在法定假期內，能否獲批需視乎僱傭合約和公司政策，而一般公司只會要求員工提交訃聞或死亡登記核證副本作證明。
