免費拜神雞疑被人17元轉售圖利　網民鬧爆：真係乜X嘢人都有

免費拜神雞疑被人17元轉售圖利

事緣有網民早前在Facebook群組「珍惜食物」（香港、九龍、新界區）免費轉贈1隻拜神雞，可到旺角領取。不過，群組內有眼利網民發現，疑似同一隻雞之後竟出現在另一個二手買賣及換物群組內！有「賣家」在群組用相同圖片發帖，表示「雞$17，快交收優先上水」，令人懷疑有人免費領取後轉售圖利。網民笑言「我客觀覺得人free一隻雞出嚟，跟住佢17蚊賣返出嚟囉，除非唔係」。

網民鬧爆轉售行為揭發賣家是飛機友

事件曝光後，大批網民替善心事主不值，紛紛痛批轉售免費品的行為，「隻雞直情一模一樣」、「好kam」，更有人標籤免費贈雞的原帖主，提醒有人領取拜神雞轉賣。不過，有網民認出該名「賣家」，指對方是二手交易群組的「飛機友」，即只是扮出售二手物品，「呢個大話連篇飛機友，不斷轉換頭像，大家小心佢」。群組內一片聲討聲，網民無奈慨嘆「香港真係乜X嘢人都有」。

原帖主澄清對方借圖搞事未有領取

面對網民質疑，免費贈雞的原帖主則回應帖文澄清，相信對方是「借圖搞事」，並未有領取其雞隻，「$17賣成隻雞，買嗰個都唔敢食」。事主的澄清令事件出現轉折，網民亦開始將矛頭指向該名「飛機友」的不當行為。根據食安中心的食物衛生守則，有潛在危害的即食食物在攝氏4度至60度環境下陳列或留存的時間不得超過4小時，提醒市民注意食物安全。