80歲嫲嫲陷網戀騙局因一件事 欠債廿萬寧死不屈｜女生憂心結局
80歲嫲嫲遇上神秘男子 狂送金錢欠債廿萬
該女生在連登討論區發文表示，嫲嫲一直給人「女強人feel」的感覺，經常與老友記行山，生活相當充實。然而自從去年不知如何認識了一名男子後，一切都發生了巨大轉變。該名男子不斷稱呼嫲嫲為「寶寶」，並以「俾聯合國扣留」等荒謬理由要求金錢援助。嫲嫲深信不疑，不但「係咁畀錢對方」，更四處向人借錢，最終欠債「十幾廿萬」元。家人無奈幫忙還債，但嫲嫲仍未醒覺，繼續源源不絕地送錢給對方。
家人採取強硬措施 嫲嫲寧死不屈堅持送錢
面對嫲嫲的執迷不悟，女生與家人決定採取行動，「畀好少家用」並「block埋佢銀行戶口」，每星期只給嫲嫲1,000元生活費。詎料嫲嫲竟將所有錢用來購買點數卡送給對方，「而家仲要寧願自己都唔食」也要繼續這段虛假關係。該名男子持續以「俾聯合國扣留」為藉口騙取金錢，更多次更換「AI gen出嚟」的WhatsApp頭像。家人不斷勸說指對方是騙徒，但嫲嫲「完全聽唔入耳，仲係覺得係真」，甚至「當晒全部親人係仇人唔信佢」。家人曾經報警求助，但因證據不足未能處理。
女生憂心嫲嫲健康惡化 害怕被騙至賣樓
女生透露，嫲嫲已年屆80歲，「最近探佢佢瘦咗好多好虛弱」，令她非常擔心「會唔會呃到過身」。由於嫲嫲的住所登記在其名下，女生最害怕的是「驚佢連層樓都賣埋」。家人現在「都冇晒計」，只能直接購買食物給嫲嫲，避免給予太多現金，但始終無法根治問題。女生無奈表示「唔想望住老竇繼續白白畀錢佢畀人使」，因此向網民求助尋找解決方法。
網民分析原因獻計 建議假扮騙徒轉移目標
網民在留言中分析，嫲嫲遇上網騙的根本原因是孤獨寂寞，「呢啲冇計，老人家寂寞，寧願畀錢買夢，唔係話事實唔擺在眼前，而係佢自己唔肯醒，對方呃無可呃就會自動消失，你哋而家唯一可以做嘅就係睇實啲佢（包括資產）」。有網民建議採用「以毒攻毒」的方法，由家人假扮騙徒令嫲嫲轉移目標，「你拎佢電話幫佢block咗個個人，自己開account扮佢，同佢日日傾」，這樣既能滿足嫲嫲的情感需求，又能將錢財控制在自己人手中。另有網民建議使用強硬手段，「del contact（刪除聯絡），del WhatsApp account（刪除WhatsApp帳戶），換電話號碼」、「唔好畀錢佢，幫佢買晒所有食物必需品，再format（格式化）過個電話，換sim card號碼，斷佢米路」。
