港鐵老伯手放女童胸前｜目擊者指曾見揉胸動作 網民激辯：保護定非禮？
港鐵老伯手放女童胸前 目擊者指曾見揉胸動作
該名目擊乘客在社交平台上傳照片，顯示車廂內有老伯攜同女童搭乘港鐵，當時車廂仍有空位並非擠迫狀態，兩人站在車門邊位置。照片可見女童背脊挨靠老伯，而老伯則將手放在她胸前環繞。目擊者形容離開時還見到「個老人家隻手喺度揉個胸咁」，認為情況奇怪故拍照詢問網民意見，表示不確定「係我多慮咗定係咩」。根據女童身穿的校服和學生證頸繩，有網民認出她就讀沙田大圍某小學。
網民要求即時報警 認為應向校方反映保護女童
大批網民看到照片後認為老伯行為可疑，強烈建議目擊者應該「見疑即報」。有留言指出「如果並非誤會就保護咗女童；如果係誤會，正常屋企人只會感激有人保護囡囡」，建議樓主可以將照片電郵給小學，讓女童親人或師長提高警覺。更有網民質疑「你有無影到佢搓個胸嘅影片？我覺得要保護女童，因為佢嘅父母未必會知，以為交俾信任嘅人」。部分留言特別提到現時小學生年紀雖小但已開始發育，認為老伯的手部擺放位置更加不恰當。
大批網民批評老伯缺乏邊界感 指男女授受不親是常識
更多網民嚴厲批評老伯不懂避忌，紛紛留言「君子不立危牆之下」、「男女授受不親」等。有人直言「我話知你係佢阿爺定係佢老豆，個女仔已經高到你心口即係有咁上下大，你都無邊界感」，認為作為成年人應該懂得分辨敏感位置。女性網民更表示「我係女人都唔會掂小朋友個胸」、「我係媽媽，除咗細時要幫佢沖涼嗰陣，都無咁放過隻手喺我囡嘅呢個位置」。有留言質疑為何不讓兩人一起扶手，認為現時車廂並非無位企，這樣擁抱細路反而危險。
部分網民認為反應過敏 指責帶有色眼鏡看人
然而亦有部分留言認為網民反應過分敏感，為老伯辯護指「伯伯呢個高度攬住妹妹都係驚人撞到佢保護佢啫」、「唔好成日帶有色眼鏡去做人」。有人質疑「如果佢有心搞個𡃁妹，就唔會大庭廣眾摸啦」，批評「求其影張相就人格謀殺個阿伯」。不過支持舉報的網民隨即反駁「對於呢啲事敏感啲好」、「好多兒童被性侵都係熟人所為」，認為即使擔心女童被撞亦有其他保護方法，例如「其實可以捉膊頭或者叫佢自己緊握扶手」。
