女兒外套驚現巨蜂｜港媽徒手捉蜂放生 專家認出恐怖真身：攻擊性好強
港媽徒手捉蜂過程驚險
該名港媽在facebook群組「大埔 TAI PO」發帖分享事件經過，當時女兒想穿著外套，但發現有蜜蜂伏在外套上，對方嚇到即時脫下外套。港媽見到疑似大黃蜂被外套蓋住，隨即「大力撳實佢」，再用紙巾包裹，發現黃蜂被重壓下有內臟流出，但因仍有生命，她不想弄死對方如此殘忍，便將牠放生「掉出街」。從她上傳的照片可見，巨蜂頭部為橙黃色，胸部則為黑色，外型呈黃黑相間，嘴頭如「鉗」狀。
滅蟲專家確認虎頭蜂身份
「觀林蟲害」滅蟲專家鄭國鏗看過網上照片後，直指巨蜂是「虎頭蜂」，「雖然睇唔到佢對腳，但似係『擬大虎頭蜂』，未係最大隻嘅虎頭蜂品種」，強調絕對具有攻擊性，又指「呢個小姐都幾勁，咁都捉到」。他解釋虎頭蜂飛行速度快，攻擊性強，因其尾針可以無限次刺人，而且有毒液，他坦言亦曾試過中招，「感覺係好似比幼針針你，但之後會持續痛幾日，睇咗急症，傷口都要幾個月先散瘀」。專家建議如有虎頭蜂飛入屋，應「首先冷靜關晒門、隔離咗佢先」，然後立即找滅蟲公司處理。
網民警告虎頭蜂報復心理
網民看過照片後紛紛認出是虎頭蜂，並發出警告「睇個樣似虎頭蜂，好毒」、「小心，攻擊性好強」、「試過俾佢匿咗喺褲袋，一伸入去俾佢整咗嘢，痛咗一個禮拜」。更有不少留言指出虎頭蜂「好記仇」，擔憂港媽放生對方後會被「報復」，「虎頭蜂會記仇，如果你唔殺佢放生咗佢嘅話，佢有機會帶其他蜂返嚟攻擊你」、「有次屋企開窗飛咗一隻入嚟，之後我KO咗佢，隔咗一陣佢家族成員圍攻個窗，好在我KO佢之前關好窗，開埋抽氣扇」。有網民更形容港媽的行為「同徒手捉蛇一樣勁」，提醒「拮一嘢即刻入廠有排痛」。
網民震驚港媽膽量過人
事件在網上引起廣泛討論，網民對港媽的膽量感到震驚，「你夠薑用紙巾揸住」、「咁樣捉小心佢籮柚」等留言不斷湧現。有醫護人員分享類似經歷，「我哋醫院有個姑娘就係俾呢啲蜂匿咗喺條褲腳度仲針到，去咗急症室，半日返唔到工啊」。不少網民提醒港媽要小心後果，「樓主祝你好運，呢幾日最好閂晒窗噴嘢」、「你呢次大劑啦，呢隻蜂返去吹雞，拖成竇嚟搵你都似」，擔心虎頭蜂會帶同伴回來報復。
