港男遊日斥酒店早餐「狗都唔食」｜同場港人1句KO 後續舉動更諷刺
港男大鬧東橫INN早餐質素 同場港人一句KO
Facebook專頁「爸爸嘆世界 Papa Sighs the World」版主發文分享，在沖繩那霸入住東橫INN期間，遇到一位港人「傾了幾句就bye」，翌日早上再次遇見對方時，卻目睹他大聲批評酒店早餐，抱怨「來日本食啲咁嘅嘢」。樓主起初未有出言制止，認為只是旅途上萍水相逢，「我亦不是你老X，無必要教化你」，但該港男繼續怒罵「畀狗都唔食啦」，開始惹來旁人誤會他們是一夥人。樓主遂回覆對方「喔！所以你都唔食！」，男子隨即收聲不語。
港男邊鬧邊食自相矛盾 作家批食相醜陋
令人啼笑皆非的是，該港男之後竟然返回座位繼續享用早餐，樓主形容對方「一路X，一路食」，因此揶揄「又忘記You get what you pay」。他指出沖繩周末酒店房價不菲，即日訂房或需20,000日圓（約1,000港元）一晚，但東橫卻能提供免費早餐及無限量咖啡、果汁等，認為酒店早餐未必令人覺得幸福，「卻保證可以入口和令你溫飽」，根本不應有所埋怨。樓主最後更形容該港男行為自相矛盾，「思想若然膚淺，說話必然刻薄，食相自然也醜陋」。
東橫INN早餐內容曝光 網民為酒店平反
從樓主分享的照片顯示，酒店早餐其實尚算豐富，包含5個獨立包裝的飯糰和1碗麵食，配菜方面則有幾條脆皮香腸、厚切玉子燒，甜品則有Meiji乳酪。不少曾入住東橫INN的港人紛紛為酒店平反，「東橫平靚正喎，最鍾意就係早餐，完全體驗到本地人日常嘅早餐係食咩」、「早餐飯團係日藉姨姨親手包的，這已是無價」、「我試過（食）早餐無位坐要拎返房食！佢個早餐係我每朝準時起身嘅原動力」。有網民更解釋東橫INN的定位，「理解東橫INN背景，大多係日本商務出勤客人，地點方便，簡單早餐食飽，讓他們外出工作就夠了」。
網民狠批港男影衰港人 斥要求高出手低
事件曝光後，大批網民狠批涉事港男「影衰港人」，「一分錢一分貨，有本事唔book間high啲嘅酒店？」、「要求高出手低」、「不合心意便不食，口出狂言只係影衰自己」、「以為自己好X型，不知所謂，狗口長不出象牙」。有網民更諷刺指「佢話狗都唔食，佢又食喎，即係衰過狗」。亦有留言提醒港人外遊時應尊重當地文化，「食唔落別人國家食物就不要去旅行，批評人哋國家食物不如檢討自己的行為」，「曾經有位人士講過：『準備嘢食畀你，由買材料到煮好至少3個鐘，你食落肚只需10分鐘』，學下尊重準備食物畀你嘅人」。
