屯門餐廳新年加一服務費｜街坊不滿初二初三都加：估你係米芝蓮？網民反應意外

屯門餐廳年廿九至初三全程加一

事件源於有街坊在facebook群組「真‧屯門友」發文，分享一間食肆在店外張貼的「2026年春節營業時間」告示。根據告示內容，該餐廳在年廿九、年初一、年初二、年初三均會營業，各日營業時間略有不同，其中初一會較晚開工，由早上11時營業至晚上8時30分。同時餐廳亦清楚列明，在年廿九至初三期間會收取加一服務費，並會四捨五入至整數以免爭議。樓主對此安排表示不滿，特別質疑初二、初三仍要收取額外費用，直言「什麼環境呀？」並諷刺該餐廳「你估你係米芝蓮食店？」

網民力撐餐廳做法合理

帖文發出後卻未獲得預期支持，反而引來大批網民為餐廳辯護。有網民指出新年期間願意營業的茶餐廳本來就不多，「呢幾日會開嘅茶餐廳，一向都得散叫，食個早餐都60至70啦，初二初三畀人工都要工半起……人仲要寫到明」。另有網民認為加一服務費已算合理，「加一已經算好，最要命是逐碟加5至10蚊後再加一」，更有人表示曾見過加二服務費的茶餐廳。部分網民亦為餐廳員工著想，認為新年期間仍要上班服務客人，收取額外費用實屬正常，「雖然加一都唔係員工袋，但人哋新年都要返工，加一好正常啦，有啲公司員工連工半都無為人服務呀」。

街坊圍爐失敗遭網民嘲諷

樓主的投訴非但未獲同情，更遭到不少網民嘲諷。有街坊直言新年期間加一服務費是常見做法，「係咁㗎啦，有乜好鬧，新年期間加一咪算小囉」、「好多地方新年會係加一，肯新年紅日開咪好，好多茶記呢3日休息」。更有網民提及以往的收費模式，指出現時的安排已算寬鬆，「以前過咗冬至就加價，會加到去農曆新年後十五，仲有好多髮型屋、及小部份食店雙計，依家初一至初三先加一服務費」。部分網民更直接嘲諷樓主的經濟能力，「窮就留返屋企煮公仔麵」、「人哋落曬牌（講曬有加乘）你窮可以唔幫襯嗰喎」，認為餐廳已清楚標示收費，消費者有選擇權決定是否光顧。