外賣員大戰屋苑保安狂爆粗「X你老X」｜因一件事驚動警方到場
廣告
一段外賣員與屋苑保安員激烈對峙的影片近日在社交平台瘋傳，畫面中外賣員因被禁止使用升降機而情緒失控，對保安員狂爆粗口，最終驚動警方到場調停。然而事件真相卻引起網民熱烈討論，質疑影片並未完整呈現事件始末。
外賣員狂爆粗「X你老X」保安員冷靜擋升降機門
影片顯示外賣員持手機拍攝保安員，情緒激動地指控「呢3條保安員，唔知做乜x嘢，確認咗㗎啦同個客，唔開𨋢畀我，𨅝住我部𨋢，唔畀我上樓」。當外賣員在升降機內時，一名保安員冷靜地擋住升降機門不讓他上去，外賣員隨即大鬧「開唔開𨋢呀？你玩乜X嘢呀？6樓呀，做乜X嘢呀？」保安員嘗試勸阻「你咪講粗口囉，你宜家咩事？」但外賣員不停辱罵「X你老X，玩X夠未呀？」、「我宜家X你老X呀，做乜X嘢呀企喺度，碌X咁，你想玩乜X嘢？」並將鏡頭迫近保安員臉部。
警方到場調停勸「唔好嘈啦」
事件最終驚動警方到場處理，畫面轉到屋苑外圍時，外賣員仍然叫囂「你大晒呀宜家，影咩咪影咩囉，影你咪認你囉，你老XX呀，唔X影得嘢呀？」警員一直在旁安撫並勸說「唔好嘈啦」，要求他返回自己的電單車。影片後段有旁白聲稱是外賣員同行，批評保安員「高貴過九龍站上蓋、半山嗰啲豪宅」，指當事人已向顧客確認及作出登記，保安員應解鎖升降機讓外賣員使用。
事發地點非日出康城網民質疑別有用心
雖然影片重複提及「日落康城」，網民都意會是指「日出康城」，但據了解事發地點並非日出康城。有網民留言指影片畫面顯示的地方非日出康城，質疑片主別有用心。關於保安員的做法，有人認為是想為難外賣員，批評「個保安員成尊佛咁頂住度門又唔出聲就奇X怪。你一係認為佢唔合資格嘅就出聲叫佢走，一係就畀人上樓」，亦有人建議「佢唔畀你上樓，你咪打畀個客，叫個客自己落嚟攞囉」。
網民質疑事件真相「咁冇前傳你又咁嘅態度」
不過許多網民提醒不應「跟車太貼」，因片段沒有提到事件起因，難以了解真相。網民留言「擺明玩嘢，可能前面已經有口角爭執」、「咁冇前傳，你又咁嘅態度，佢哋正常係要外賣登記至可以上，唔相信佢哋會針對任何唔識嘅人」。更有人批評外賣員態度「惹火」，「拍片嗰個都有問題」、「聽呢條友個語氣，都唔慌尊重人哋，人哋咪唔尊重你」，認為不能簡單判斷誰是誰非。
