12星座
12星座

12星座單身的真正原因!巨蟹座衰太急進、水瓶座:太懶!|星座運程

星座運程

廣告

2022就快過咗四分一,唔知大家今年訂咗啲咩計劃呢?其中一樣會唔會係搵到另一半呢?如果已經單身多年,或者你可以從12星座裡探究一下真正單身嘅原因。

12星座單身的真正理由

處女座

處女座單身嘅原因,大多數係因為自己太忙,根本無時間可以花喺戀愛上,基於平衡唔到工作同愛情比重,處女座都會選擇工作為先。到咗假日,處女座又會攞時間去煲劇同瞓覺,而唔係把握時間與異性約會,所以單身往往係因為自己唔好好把握機會。

12星座 處女座藝人代表林家謙
處女座藝人代表林家謙(圖片來源:IG@terencelam0903)

天秤座

天秤座成日覺得自己唔夠好,可能係認為自己唔夠靚、唔夠風趣、唔夠健談,總之覺得自己有滿滿嘅缺點,所以先會一直單身。但實際上單身嘅原因,係因為佢哋一直都將自己睇得渺小,令到個人無晒自信心,所以唔敢主動結識異性。

12星座 天秤座藝人代表AK@MIRROR
天秤座藝人代表AK@MIRROR(圖片來源:IG@_kisang_)

天蠍座

天蠍座認為自己單身嘅原因,係歸咎於身邊無一個異性是符合自己嘅擇偶條件。但實際上單身嘅原因,係天蠍座只要睇到對方有少少缺點,就放咗人哋入黑名單,完全無諗過可能對方缺點只係一張大畫布上面嘅一粒小黑點。

12星座 天蠍座藝人代表Jer@MIRROR
天蠍座藝人代表Jer@MIRROR(圖片來源:IG@jeremylaous)

人馬座

人馬座認為自己單身嘅原因係因為自己太過單純,喺戀愛上無咩經驗,加上經常覺得無人會鍾意自己。但實際上單身嘅原因,係人馬座唔鍾意有束縛,喜歡無拘無束嘅生活,即使身邊可能有一個條件好好嘅異性,都唔會選擇踏前一步。

12星座 人馬座藝人代表Candy@Collar
人馬座藝人代表Candy@Collar(圖片來源:IG@candyw1219)

摩羯座

摩羯座認為自己單身嘅原因,係因為自己是一個工作狂,所有時間都放晒喺工作。但實際上單身嘅原因,係因為佢哋曾經喺感情上受過傷,之後一直利用工作作寄託,久而久之就變成工作狂。加上脆弱嘅摩羯座好驚再次受傷,所以對任何想追佢哋嘅人都會有警戒心,而導致一直單身。

12星座 摩羯座藝人代表Gao@Collar
摩羯座藝人代表Gao@Collar(圖片來源:IG@gagarieo)

水瓶座

水瓶座認為自己單身嘅原因,係因為單身咗一段時間,如果身邊突然多一個人可能會唔適應,所以就保持獨來獨往狀態。但實際上單身嘅原因,係因為佢哋太過懶,懶到即使自己係有心儀對象,都懶得去發訊息搵佢同約佢。水瓶座,記住你唔把握機會,機會就會走㗎喇!

12星座
(圖片來源:IG@edanlui)
12星座 水瓶座藝人代表Edan@MIRROR
水瓶座藝人代表Edan@MIRROR(圖片來源:IG@edanlui)

雙魚座

雙魚座認為自己單身嘅原因,係驚自己戀愛後會無咗自主性。但實際上單身嘅原因,係因為佢哋太過自私,任何事都係先諗咗自己先,唔識去體諒另一半,總之一切以自己利益行先,所以就一直單身。

12星座 雙魚座藝人代表陳凱詠
雙魚座藝人代表陳凱詠(圖片來源:IG@jacechw)

白羊座

白羊座認為自己單身嘅原因,係因為自己太過獨立,唔需要多一個人去照顧自己。但實際上單身原因,係因為白羊座對身邊嘅人過於防範,無時無刻都戴住面具示人,令其他人無機會走入白羊座內心世界,唔知佢哋嘅想法係點。

12星座 白羊座藝人代表芯駖@Collar
白羊座藝人代表芯駖@Collar(圖片來源:IG@lisumlingg)

金牛座

金牛座認為自己單身嘅原因,係因為受到上一段嘅感情傷害,而無法再投入下一段戀情。但實際上單身嘅原因,係因為佢哋內心依然有前度,時不時都認為自己同前度有復合機會,所以無畀機會其他人。

12星座 金牛座藝人代表姜濤@MIRROR
金牛座藝人代表姜濤@MIRROR(圖片來源:IG@keung_show)
12星座 金牛座藝人代表姜濤@MIRROR
金牛座藝人代表姜濤@MIRROR(圖片來源:IG@keung_show)

雙子座

雙子座認為自己單身嘅原因,係因為身邊無一個理想對象,所以亦未有諗過自己可以拍拖。但實際上單身嘅原因,係因為雙子座有時都係一個「宅男」、「宅女」。佢哋嘅社交圈子好細,亦都比較難識到新朋友,到頭來其實係因為雙子座根本無辦法去結識異性。

12星座 雙子座藝人代表Day@Collar
雙子座藝人代表Day@Collar(圖片來源:IG@6y_day)

巨蟹座

巨蟹座認為自己單身嘅原因,係對另一半有太高期望,希望對方係一個成熟穩重嘅人,而且感情可以穩定,唔係拍散拖。但實際上單身嘅原因,係因為佢哋太過急進,令對方感受到有壓力。巨蟹座一開始就會認定對方係終生伴侶,但係唔係每一個人都可以接受得到,所以經常會將曖昧對象嚇走。

12星座 巨蟹座藝人代表Tiger@MIRROR
巨蟹座藝人代表Tiger@MIRROR(圖片來源:IG@tiger_yny)

獅子座

獅子座認為自己單身嘅原因,係自己嘅霸氣同氣場都太勁,令到想追佢哋嘅人都卻步,覺得佢哋有一堵無形嘅牆咁。但實際上單身嘅原因,係因為獅子座太過自我中心,雖然佢哋喺群體上領導能力好吸引人,但係如果你講錯嘢就會得罪佢哋,所以就算係鍾意佢哋嘅都可能會驚咗而無法親近。

12星座 獅子座藝人代表Frankie@MIRROR
獅子座藝人代表Frankie@MIRROR(圖片來源:IG@frankie729)

圖片來源:Instagram