手掌決定儲錢能力！手薄無肉難聚財、有繭代表搵錢比人用？＠趙振鴻師傅專欄｜星座運程
廣告
打工仔每月出糧，扣除每月使費，基本開支，點儲都儲唔到錢；另外有些人搵得唔多，但可以輕鬆儲錢兼買到首期。其實每個人手掌已經藏著先天訊息，儲到錢定冇錢凈？望下你對手，師傅教你睇掌相，就知道有無錢儲到！
撰文：趙振鴻師傅｜圖片：新傳媒資料室、網上圖片
係咪月光族？睇掌相即知！
每個人手掌心，除了手掌掌紋之外，仲有手掌每個部份有不同代表，今次教大家睇手掌其中幾個位置代表著你的財富。命裡儲唔儲錢，看看手掌便知道，我們的手掌可以睇掌紋之外，仲可以睇手掌軟硬、厚薄、長短等等，其中手掌厚薄亦代表命主是否能幹、理財和自我個性是否很強。每隻手指指未位置稱之為「掌丘」，每個掌丘有不同之代表：
食指：木星丘（巽宮）
中指：土星丘（離宮）
無名指：太陽丘（離宮）
尾指：水星丘（坤宮）
3種有關財富掌相特徵
1. 掌丘微隆：生活無憂
掌中隆起像小山似的地方，稱之為掌丘，中國玄學掌相叫「宮位」。如果掌厚同時掌丘宮位每個部位隆起豐厚，代表一生是富貴之掌，衣食無憂，晚年福祿雙全；反之，手掌掌薄，掌丘平坦而無肉，甚至乎指骨微微突起，代表一生難以累積金錢，辛苦勞碌，貧窮之命。
2. 手掌厚薄適中，有繭辛勞
手掌厚薄並非越厚越好，越薄越差，要配合掌丘之高底。手掌過厚而掌丘隆起仲有繭的話，代表一生營營役役，就算搵到錢的話，不代表是自己使用。
手掌厚而具彈性，為人積極有主動力，忍耐力強，這類掌配合掌丘微隆，一生財運富足，生活較為安定。
方力申之手，手掌有肉而厚，代表有權力，掌丘微隆有累積財富的習慣，但土星丘及太星丘有繭，一生都辛勞得來才可以累積財富。
3. 手薄無肉：缺乏財源
手掌薄而無肉，瘦如乾骨，個性比較脆弱，慾望低而且缺乏安全感，畏首畏尾，當有機會時容易挫失，故一生缺乏財源，怕辛苦少付出，窮苦之手相。
趙振鴻 師傅（閭臻道弟子）
電話：91091558
FB專頁：趙振鴻 玄學顧問
IG專頁：@willchiuiam
YouTube：趙振鴻師傅 八字命理
