見工做筆試用電話搵答案有冇問題？網民反應兩極：做嘢個個都用Google VS 不如叫Siri幫你面試

撰文：經一編輯部｜ 圖片：連登、Unsplash｜原文刊於經濟一週

藍籌公司中層 問題冷門

日前，有網民於連登討論區以「見工做written test用電話搵答案有無問題？」為題發文，表示女朋友見工時，筆試部分沒有寫明不可使用任何電子產品或者任何方法查找答案，於是她便用電話查答案，結果不用進入面試階段便被直接請走。

樓主之後補充，女友見的是一間藍籌港資公司的文職中層職位，並指筆試問題不是基本知識，而是偏冷門的問題。詢問網民上網找答案有沒有問題。

支持者：出黎做野個個用Google

帖文一出，引起網民兩極回應，有網民支持樓主女友的做法，理據多數是現時時代不同，平時工作個個都會用Google，甚至有網民指自己曾經收到朋友見工時打電話求助：

• 「出黎做野個個用Google，感覺似垃圾中資。」
• 「一定查，您唔查見同一份工嘅interviewee都會查。」
• 「無講明就得架啦，何況出到黎做嘢有邊個唔google。」
• 「有咩問題，咁唔通written test考計數，我拎計數機出黎計又唔得？」
• 「支持樓主，2021年仲好似封建時代咁唔畀呢樣唔畀嗰樣，人人唔識都google㗎啦，請個人返去唔識咪又係google，唔通又唔畀人google？」

「試過朋友做written時打嚟問我點做，佢最後有offer。」

網民笑問：面試可以叫Siri代答？

不過，亦有大量網民認為樓主女友的做法不妥，主要是認為見工與平時工作情況不同，並認為樓主女友應該問清楚可不可以用工具，更有人笑問面試時是不是可以可以叫Siri代答：

• 「但你唔係做嘢，係見工呀老細。」
• 「第一次見工？做test唔俾查唔係默認㗎咩，除非條題目寫明可以用。」
• 「做test用tools問清楚係常識。」

「你不如話interview個陣，有咩唔識答拎埋部siri嚟答。」

「偏門問題」其實是「基本知識」

另外，有大量網民認為可能在該公司的標準，這些「偏門問題」其實是「基本知識」，想請不用Google都能回答問題的員工，因此認為樓主女友未夠能力勝任此工作：

• 「人地都想你寫到啲關於份工嘅知識姐，咁都要上網睇，就知再落去都無謂，人地都覺得你無準備喇。」
• 「中層，佢應該都有d能力啦，洗唔洗查呀。」
• 「咩都google 唔使請你啦，問得嘅即係你應該識嘅，咁都答唔出，咁垃圾仲以為自己好醒？」
• 「如果係冷門題目，公司角度應該都係想用條問題去篩選一個乎合佢地資格既識既candidate去做呢個位，唔識就reject，唔洗去further process做interview。」
• 「你到時做野係咪下下google?如果到時用自身判斷，咁interview唔畀用google都好正常。」
• 「人哋間公司可能就係expect你啲冷門嘢係基本knowledge。」
• 「你條女冇錯，但間公司想搵個唔google都識嘅，所以你條女唔合要求。」

請定唔請決定權在公司

有網民就理性地指，樓主女友的個案沒有絕對對錯，但決定權始終在公司：

「其實你呢個case冇絕對嘅對錯，等於你要完成一個工作都唔一定得一個方法，咁但係請定唔請個決定權喺佢地到，佢地認為你條女用嘅方法唔適合佢地嘅公司，咁咪唔請囉。」

大家又認為筆試時上網找答案有沒有問題？