新任樓奴哭訴交完首期後只剩幾萬元、非常壓抑 網友感同身受:每逢糧尾必抑鬱
 新任樓奴哭訴交完首期後只剩幾萬元、非常壓抑 網友感同身受:每逢糧尾必抑鬱

新任樓奴哭訴交完首期後只剩幾萬元、非常壓抑 網友感同身受:每逢糧尾必抑鬱

好生活百科

廣告

有人認為,窮一生積蓄買樓,能夠「解鎖」置業夢是人生一大成就;亦有人覺得,與其自願當樓奴,倒不如活在當下,以租客身份過日子,好好花錢享受人生。一般人能夠一擲千金置業的機會並不多,即使當上業主,往後面對的壓力不只是有苦自己知,娓娓道來可以更加共鳴。

撰文:經一編輯部| 圖片:unsplash、連登討論區| 原文刊於經濟一週

租客變業主 首期後要捱到出糧

作為打工仔,當你試過「一筆過」畀首期,然後銀行戶口銀碼暴跌,又擔心買樓後樓價升跌難料,那一刻的壓力可能蓋過了理性。

有網民分享了「畀完首期後,預計銀行得返幾萬蚊,壓力大過未買樓前」,正是小市民在樓價高企時入市的真實感受。樓主在帖文表示,自己將近40歲,屬單身一族,他本身是一名租客,單位月租約7,000多元。最近,樓主決定在北區買樓上車,當刻覺得樓價尚算合理,不過「唔係咩筍盤」。

年屆40歲「一炮過」上車 入伙鋪床褥瞓、無錢買洗衣機 新任樓奴:窮得只有幾萬蚊,好唔開心
樓主表示,扣除強積金後月入約三萬元,新買入的單位月供約一萬元。(圖片來源:unsplash)

樓主坦言,這次買樓開支已經計算清楚,只是當時「唔知做乜神推鬼撞,畀完細訂,再畀大訂,精神上一直都未有問題。」

直至將近完成交易,樓主內心突然湧現一種的不安感覺:「近日臨近畀埋尾數,而銀行批咗按揭後,開始好唔開心。」

原來當樓主開支票並且完成交易後,眼見銀行戶口結餘「得返幾萬蚊,叫做返得第一期,就要捱到出糧。」

入伙倍感壓力:連洗衣機都無錢買

那種忽然缺錢的感覺,讓樓主不知所措,同時擔憂入伙後的各樣開支壓力:「打算入伙後直接鋪床褥瞓,連洗衣機都無錢買,打算拎去街舖洗。」

事實上,在樓價高企的年代,花掉大部份積蓄去換取業主身份,總會或多或少擔心自己能否應付其他生活開支。樓主分享,扣除強積金後月入約三萬元,新買入的單位月供約一萬元,雖然「就咁睇條數,仲有兩萬,我唔夠膽話生活唔到。」

有網民分享「畀完首期後,預計銀行得返幾萬蚊,壓力大過未買樓前」,正是小市民在樓價高企時入市的真實感受。(圖片來源:連登討論區)
有網民分享「畀完首期後,預計銀行得返幾萬蚊,壓力大過未買樓前」,正是小市民在樓價高企時入市的真實感受。(圖片來源:連登討論區)

但最困擾的是,銀行戶口餘額一掃而空所產生的不安,「我唔係做政府工,而且開始步入中年,份工都唔夠膽話做到退休唔會畀人炒。」

樓主對比以前自己租屋住,但都叫做手持現金,感覺比較實在;反而上車後,自覺生活質素和心情都大不如前,正正反映了其個人擔憂和上車壓力。

網民安慰:你只係搬咗啲錢去另一度

樓主親身經歷,引起不少共鳴,有網民同樣克服了上述心路歷程,期望入市後,然後見到單位一直升值,內心自然有所安慰;亦人認為,現時低息環境比90年代高息供樓更輕鬆。

  • 人工三萬,供一萬洗一萬,每個月儲到一萬,做多一年已經有十萬積蓄,已經好好
  • 供多幾個月戶口多番d錢個心就會定
  • 其實會驚係好正常,不過唔買都買咗
  • 而家個市咁差,你都未被人炒
  • 一般都愈供愈輕鬆,供樓個數係無變,但人工正常都會加
  • 流動資產再儲就有。怕咩?

「我有朋友2015年ALL IN入市,初頭供到死死吓,仲要之後樓市跌一跌,但而家已經輕鬆好多。」

年屆40歲「一炮過」上車 入伙鋪床褥瞓、無錢買洗衣機 新任樓奴:窮得只有幾萬蚊,好唔開心
網民坦言,期望入市後,然後見到單位一直升值,內心自然有所安慰。(圖片來源:unsplash)

過來人:邊個一開始唔辛苦?

綜合討論區留言,不少現任業主同意,供樓初期比較辛苦,但之後就無習慣,而且「錢無唔見到,佢用第二個方式出現響你面前」;亦不少人提議,三年後可以換樓,又可以加按套現投資。

  • 每代人都有每代人嘅難處
  • 每到糧尾都抑鬱
  • 以前唔會人人一有少少錢就去買樓
  • 大部分計到啱啱好就上車,頭幾年真係會好辛苦
  • 一條麻甩佬有兩萬蚊洗都大壓力,畢業搵一皮都捱到啦
  • 一般都愈供愈輕鬆,因為供樓個數係無變,但人工正常都會加

「樓主講出好多人心聲,近期買嘅人壓力好大,買樓雜費好大,話就話息口低,一個600萬單位,做高成數按揭,連管理費雜費要成兩萬蚊個月。」

租樓派:無野比而家先來買樓更恐怖

另一方面,有網民留意到樓主年近40歲,擔心供樓年期問題,可能到退休仍未供完單位,遂有支持租樓的網民留言,指出現時買樓的壞處。

  • 而家仲買,仲要年紀唔細喎
  • 一向支持租樓
  • 現金無用,最好有咁多錢借咁多錢投資
  • 無樓嘅咪繼續交租
  • 樓奴咪就係咁
  • 自己攞嚟,搵支槍指住你買?

無論哪個年代,小市民買樓都有當刻的難處和掙扎,網民無奈表示,今代同下一代,只要政府仍然對樓市無動於衷,只會一代比一代難,樓奴生活絕對不容易。