儲錢
儲錢

2大無痛儲錢方法!10年後拎返100萬@放飯ForFun專欄|好生活百科

好生活百科

廣告

儲錢幾時都重要,新年開始,除了要花時間安排新一年的工作大計之外,都要好好計劃吓點樣有效儲錢。成日話儲錢辛苦,今日就同大家分享幾個無痛儲錢方法,儲到本金之後,再配合資產增值工具,第一桶金指日可待!

撰文:俄妹@放飯ForFun|圖片:Pexels

專家教路!2大儲錢方法

雖然已經3月,但現在在言起行計劃新一年儲錢大計永遠都唔會遲!

雖然已經3月,但現在在言起行計劃新一年儲錢大計永遠都唔會遲!
有心唔怕遲,日積月累下成本令人驚喜。

第一式 365儲錢法

第一日儲1蚊,第二日儲2蚊,如此類推,難度越來越高。一年下來,可以儲到66,795元。此法的可取之處在於一開始相當輕鬆,亦有閒錢剩下買小禮物獎勵自己,之後就需要一定的自律。以月薪15k為例,一年都可以儲到相當於4個月多的人工,成效不俗。

每日將「散紙」放入豬仔錢罌方便又快捷。
每日將「散紙」放入豬仔錢罌方便又快捷。

第二式 52儲錢法

如果嫌每日要計數好麻煩,可以試吓呢個以每週結算的方法。第一個星期儲10蚊,第二個星期加10蚊,直到第52週,一年就會有13,780元。呢個方法雖然方便,但成效不彰。

52儲錢法(進階版)

若果你想進取而又唔想每日結算,可以用呢個進階版。第一個星期儲50蚊,第二個星期加50蚊,直到第52週,一年可以存到68,900元。方法簡單之餘成效仲比較好。

每週結算一次啱哂怕麻煩的你。
每週結算一次啱哂怕麻煩的你。

儲錢法+資產增值

不論你用以上邊個方法去儲本金,都一定要配合不同的資產增值工具去避免通漲風險同錢滾錢。以下就以年回報6%作例(每年投資年回報6%不是夢,詳細原因可以睇我哋之前的文章),大家可以看到將每年用無痛儲錢方法存到的資金做投資在10年後的總回報。

存錢方法 每年投入資金 總投入資金 10年後總回報
365儲錢法 66,795 667,950 1,000,030.87
52儲錢法 13,780 137,800 206,309.24
52儲錢法(進階版) 68,900 689,000 1,031,546.18

 

10年後就可以無痛地上樓。
10年後就可以無痛地上樓。

我們可以見到如果選擇最容易(亦即儲到最少本金的52儲錢法)的方法,10年後只能得到大約20萬,首期都未必夠。但如果能將365儲錢法或者52儲錢法(進階版)養成習慣,10年後就能成為百萬富翁,分別差成5倍之多!關鍵是選擇一個輕鬆的方法幫自己將儲蓄養成習慣,並持之以恆,配以資產增值工具就可幫你得到合理的回報。

不論儲錢定做任何事,最緊要堅持。
不論儲錢定做任何事,最緊要堅持。
2大無痛儲錢方法 10年後拎100萬@放飯ForFun專欄|好生活百科
俄妹@放飯ForFun

Facebook專頁「放飯ForFun」 成員之一。身為金融理財顧問,我們玩得,同時又對品味有無比執著。做人做事,不論行步路定理財,我們都堅持「做人最緊要搞笑得嚟又有品味」。

撰文:俄妹@放飯ForFun|圖片:Pexels

即睇更多:【投資移民懶人包2020】 移民台灣、澳洲、加拿大及馬來西亞 申請須知+條件+注意事項(持續更新)|好生活百科

新加坡讀書移民 仔女讀書入籍 父母留港搵錢!留學即能取得新加坡永久居留?@放飯ForFun專欄|好生活百科