台灣嘉義大熱星星地瓜球！手工捏製空心脆皮外酥內Q

台灣大熱星星造型地瓜球！

嘉義朴子人氣地瓜球小店「可以可以地瓜球」，最近推出的星星造型地瓜球一出場就相當搶鏡，憑住可愛外形同手工製作的賣點，迅速成為打卡新寵。這款地瓜球唔再係傳統圓滾滾模樣，而係做成一粒粒立體星星，未食先吸引到大家影相！

星星地瓜球最特別之處，在於外皮係由店員逐粒手工捏製，並唔係用模具壓出來，所以每一粒都帶少少手作感，形狀會有細微差異，反而更顯可愛。 這種做法雖然較費工夫，但亦令地瓜球表面有更多邊位，炸起來外層更容易形成脆口效果，咬落去會比一般圓形地瓜球多一份香脆層次。味道方面，星星地瓜球保留傳統地瓜球最受歡迎嘅本色：入口先係炸得金黃香脆嘅外皮，之後帶出地瓜自然清甜同煙韌彈牙的內裡。地瓜本身嘅甜味唔會過分濃重，而係偏向樸實、天然、帶少少焦香，十分適合做夜市小食。

在 Instagram 查看這則貼文新假期 Weekend Weekly（@weekendweekly）分享的貼文