爆漿pancake
爆漿pancake

台北潮食 | 邪惡芝士 爆漿Pancake

台灣

廣告

上月在台北發現一間人氣甜品cafe Petit Doux.微兜Café Bistro,訂枱都要早2日先有位,如此旺場皆因餐廳早前推出芝士 爆漿pancake ,甫推出便成了店方皇牌甜品,無他,一次過滿足芝士、爆漿兩個願望,令人難以抗拒!今次難得入場,我就試了3款口味:蜂蜜杏桃味(原味)、士多啤梨味及搶先食季節限定口味蘭姆葡萄pancake!邊款最好味?一於睇吓我嘅試食報告啦!

撰文:[email protected]阿妹今晚去旅行|攝影:Twotung

 

Petit Doux.微兜Café Bistro是台灣啤酒品牌金色三麥的姐妹品牌,餐廳8成顧客都是女性,而Menu上所有菜式賣相精繳,影相呃like絕對冇問題!講到最得女士歡心,一定係皇牌芝士爆漿pancake,一共3層結構,最外層是外脆內軟的pancake;中層是Mascarpone cheese;第三層則是煙煙韌韌的麻糬,一次滿足3個願望!為了保持爆漿效果,pancake會即叫即製,需時30分鐘,要食就要畀啲耐性等等!此外,由於Pancake乃大廚精心研製,故餐廳更為此申請中日台專利,大家想食就必須到cafe走一趟!

01 |士多啤梨味Pancake

眾多口味之中,以士多啤梨味最受歡迎,除了賣相討好,味道酸酸甜甜亦非常醒胃。Pancake新鮮出爐口感鬆軟,沾上大廚調製的士多啤梨醬,滿腔滋味。此外,熱辣辣的芝士醬及麻糬又送來第二波驚喜,真正芝味無窮,而士多啤梨醬更可消除麻糬膩濟感,好食到灑花瓣!

02 |蜂蜜杏桃味(原味)Pancake

論爆漿效果以原味最壯觀,新鮮熱辣切件,芝士香氣撲鼻,而Mascarpone cheese更一湧而出,拍片最有效果!雖然原味比士多啤梨味單調,但大廚製作的杏脯果醬香甜如蜜,令人吃不停口。值得一提的是,芝士醬超級熱,大家小心淥到嘴唇啊!

03 |蘭姆葡萄味pancake

店定不時推出季節限定口味,今年春天曾推出櫻花檸檬味,甫推出更大排長龍!來到秋多季,大廚就帶來蘭姆葡萄味,不論pancake還是配料都散發濃郁rum酒香,餡料除有芝士及麻糟,更加入台灣甜品常見的仙草,口感豐富,相信陪女士入場的男士會非常喜歡!

總括來說,3款口味我就最鐘意士多啤梨味,而士多啤梨醬更能夠中和芝士及麻糟的膩濟感覺,食完仲冇咁邪惡!雖然價錢唔算平,不過又真係好好食,下次去台北,一定會encore~!

 

Petit Doux.微兜Café Bistro
地址:大安區信義路二段198巷7之3號(顯示地圖
電話:+886 2 2395 1336
FB專頁:Petit Doux.微兜Café Bistro

最新吃喝玩樂資訊