2021仲夏城市設計漫遊!#ddHK設計#香港地    7組跨區《維港蛻變》主題散步旅點陸續登場!
2021仲夏城市設計漫遊!#ddHK設計#香港地    7組跨區《維港蛻變》主題散步旅點陸續登場!

2021仲夏城市設計漫遊!#ddHK設計#香港地 7組跨區《維港蛻變》主題散步旅點陸續登場!

香港係全球知名嘅國際旅遊城市,一向深受中外旅客青睞!不過以往香港人一放假總愛飛到外地旅遊,但喺新常態帶嚟嘅轉變下,大家都紛紛轉投本地遊懷抱,各種主題形式嘅本地遊變得大受歡迎!假如你正計劃緊6月有咩活動節目好去處,咁以下介紹呢個由香港旅遊事務署呈獻、香港設計中心主辦嘅創意旅遊項目「#ddHK設計#香港地」,就要寫低落bullet journal度啦!

 

蛻變中的城市新海濱「露天城區設計廊」

為期三年嘅「#ddHK設計#香港地」(Design District Hong Kong),主題由首年滿載詩意仰望香港城市軌跡變遷嘅《連城:給香港的情書》;到次年細味描繪流行文化為大街小巷所帶嚟嘅沖擊靈感嘅《Pop﹗靈感在轉角》;再到今年壓軸以「蛻變」點題,冀望透過7組連繫香港地特色嘅創意作品,讓遊人通過自助漫遊路線,好好感受「蛻變」中嘅維港海濱有幾多元精彩。

《維港蛻變》將維港海濱7組創意設計裝置串連出多條長度不一嘅散步、跑步及步遊路線,畀你以喜愛嘅節奏方式欣賞箇中樂趣。
《維港蛻變》將維港海濱7組創意設計裝置串連出多條長度不一嘅散步、跑步及步遊路線,畀你以喜愛嘅節奏方式欣賞箇中樂趣。

 

6月3日傳媒導賞團當日天朗氣清,為整個展覽帶嚟一個好開始!
6月3日傳媒導賞團當日天朗氣清,為整個展覽帶嚟一個好開始!

 

同場亦搵到充滿香港情懷嘅本地設計師Chocolate Rain嘅公仔作品。
同場亦搵到充滿香港情懷嘅本地設計師Chocolate Rain嘅公仔作品。

 

地方營造+設計思維=社交距離下盡興玩

香港向來以韌性城市見稱,遇到難關仍能靈活地變通。因此,香港設計中心主席嚴志明教授表示:「今次香港設計中心希望通過『#ddHK 設計#香港地』嘅『維港蛻變』,利用7組各具特色嘅創意設計,試驗式連結出一條步行及跑步旅遊路線,引領公眾深度探索香港,同時希望大家「宅渡假」時能從每個設計當中得到片刻放鬆身心靈嘅愜意時光。」

大會和設計團隊喺6月3日齊聚首喺導賞團,為傳媒率先講解每件作品,出發前先嚟個大合照留念。
大會和設計團隊喺6月3日齊聚首喺導賞團,為傳媒率先講解每件作品,出發前先嚟個大合照留念。

 

「火龍吐珠」維港路線圖寄香港走出疫境

百多年前,香港原來亦曾走出「疫境」:大坑一帶居民以舞火龍驅走瘟疫,此後舞火龍漸漸發展成為百年文化傳統盛事,唔少市民同遊客慕名而來,之後更被列為國家級非物質文化遺產。設計#香港地嘅總策展及策劃人,香港設計中心業務發展及項目總監林美華女士(Sam)表示:「『維港蛻變』嘅設計裝置錯落有致地分佈喺維港海岸線,畫龍點睛嘅設計構成從高空俯瞰,有如火龍吐珠之吉祥意象,在「疫境」中祝福這片『香港地』。」

展覽嘅開首作品《首》,其龍首設計靈感源於大坑舞火龍及避風塘舉行嘅「龍歸滄海」儀式。而喺傳媒預覽當日,國家級非物質文化遺產火龍傳承人陳德輝(輝哥)就特別為火龍做咗祈福儀式。
展覽嘅開首作品《首》,其龍首設計靈感源於大坑舞火龍及避風塘舉行嘅「龍歸滄海」儀式。而喺傳媒預覽當日,國家級非物質文化遺產火龍傳承人陳德輝(輝哥)就特別為火龍做咗祈福儀式。

 

起點作品以地區傳統與遊樂設施回應新常態

「維港蛻變」總共有七組設計裝置,包括《首》 、《#一齊一個人》、《漣.輪》、《聲之穹蒼》、《維港放小息》、《靜觀自然》以及《川流不熄》。而家就等我哋嚟探索一下兩組座落喺起點,由本地建築師團隊一口設計工作室創作嘅作品先!

 

《首》@銅鑼灣避風塘海濱(展出期:6 5日起,初步至620

創作者/單位:梅詩華Sarah Mui及張國麟Alan Cheung@一口設計工作室

正如前文提及舞火龍傳統有驅走瘟疫嘅祝福意義,因此作品借用咗火龍意象嚟作為「維港蛻變」整個設計展覽嘅開首作品,其龍首設計與大坑舞火龍傳統中,喺避風塘舉行嘅「龍歸滄海」——將火龍送入海中嘅結尾儀式大有淵源。為嚴謹起見,更邀請到大坑坊眾福利會、國家級非物質文化遺產火龍傳承人陳德輝(輝哥)親自監製,以珍珠草紮成龍首並插上火紅嘅長壽香,手工極為講究。而龍身則參考咗中國園林常見嘅水中假山石造型,塑造出靈活生動嘅舞動形態;同時寄託住一種美好期許,亦與「維港蛻變」策展結尾嘅委約作品《川流不熄》首尾呼應。

當大家走近《首》時會發現龍身原來係由多組高低錯落嘅#ddHK設計字體嘅設計裝罝。作品嘅龍首設計與大坑舞火龍傳統中喺避風塘舉行嘅「龍歸滄海」——將火龍送入海中嘅結尾儀式大有淵源。
當大家走近《首》時會發現龍身原來係由多組高低錯落嘅#ddHK設計字體嘅設計裝罝。作品嘅龍首設計與大坑舞火龍傳統中喺避風塘舉行嘅「龍歸滄海」——將火龍送入海中嘅結尾儀式大有淵源。

 

《#一齊一個人》「亭台」式戶外家具系列中8款各有特色嘅裝置作品,分別散落喺銅鑼灣避風塘海濱,希望藉設計思維拉近疫情下人與人之間嘅無形連繫。
《#一齊一個人》「亭台」式戶外家具系列中8款各有特色嘅裝置作品,分別散落喺銅鑼灣避風塘海濱,希望藉設計思維拉近疫情下人與人之間嘅無形連繫。

 

#一齊一個人》@銅鑼灣避風塘海濱(展出期:6 5日起,初步至620

創作者/單位:梅詩華Sarah Mui及張國麟Alan Cheung@一口設計工作室

防疫期間,人與人之間都需要保持社交隔離,令大家對戶外空間嘅使用行為亦作出改變。呢組名為《#一齊一個人》嘅「亭台」式戶外家具系列,可以畀公眾同時進行遊戲、放空、清潔雙手等活動體驗,並以跳脫創意激發大家思考疫情期間,點樣無顧慮地共享設施。由一個人靜靜地坐著發白夢,到一個人玩氹氹轉、搖搖板、音樂停等。呢啲望落好似「一個人」但其實又係「一齊」嘅坐位,既能讓公眾排走孤獨寂寞感,同時又能夠享有一個安靜嘅沉澱空間,好好獨自靜心思考,渡過一個又一個不凡嘅「一個人的時光」。

《#一個人#運動》(左)一邊望住無邊際海景,一邊做平衡運動,爽! 《#一個人#平衡》(中)唔係面對面,而係調轉面玩嘅迷你搖搖板,你又試過未? 《#一個人#空間》(右)只要經過此裝置,頂部球體即會不斷自轉,可同時供1至2人玩。
《#一個人#運動》(左)一邊望住無邊際海景,一邊做平衡運動,爽! 《#一個人#平衡》(中)唔係面對面,而係調轉面玩嘅迷你搖搖板,你又試過未? 《#一個人#空間》(右)只要經過此裝置,頂部球體即會不斷自轉,可同時供1至2人玩。

 

《#一個人#自轉》(左)要「反住面」玩,唔駛面對面玩嘅氹氹轉,係咪好吸引呢? 《#一個人#合十》(右)要合十做咩呢?原來係清潔消毒雙水。
《#一個人#自轉》(左)要「反住面」玩,唔駛面對面玩嘅氹氹轉,係咪好吸引呢? 《#一個人#合十》(右)要合十做咩呢?原來係清潔消毒雙水。

 

《#一個人#光影》當有人走近時,裝置就會隨即發出閃閃特效燈光。
《#一個人#光影》當有人走近時,裝置就會隨即發出閃閃特效燈光。

 

其他精彩藝術裝置,包括:

(模擬圖) 《漣.輪》即將推出 創作者/單位:張晞Hay Cheung@ Double V
(模擬圖) 《漣.輪》即將推出 創作者/單位:張晞Hay [email protected] Double V

《漣.輪》即將推出

創作者/單位:張晞Hay [email protected] Double V

本地活動及視覺設計團隊 Double V,利用2,000多塊彩色板塊重現灣仔海岸形態嘅演變史。裝置上嘅板塊會隨著水池嘅水流拍動,互相敲擊,仿如香港急促嘅生活節奏。公眾可透過作品嘅專屬應用程式,向水池許下願望,或細聽設計團隊收集得來嘅灣仔人物故事,由此認識灣仔嘅歷史變遷。

 

《聲之穹蒼》@灣仔海賓長廊灣仔北水上運動主題區
《聲之穹蒼》@灣仔海賓長廊灣仔北水上運動主題區

《聲之穹蒼》@灣仔海濱長廊水上運動及康樂主題區展出期:65起,初步至620

創作者/單位:澳洲設計團隊ENESS &本地設計團隊雅卓創意

12道充氣「門窗」,每個均高達4.5米高、闊3米長,全部皆內置多色LED燈及擴音器。當公眾穿梭漫步於色彩斑斕嘅充氣拱門下時,就會聽到由香港唔同角落收集到嘅聲音,同時讓眼睛、耳朵乃至心靈都能通過門窗去欣賞曲徑通幽,無窮無盡嘅畫境和意境之美。

 

《川流不熄》@中環海濱活動空間 創作者/單位:Patrick Shearn of Poetic Kinetics, US
《川流不熄》@中環海濱活動空間 創作者/單位:Patrick Shearn of Poetic Kinetics, US

《川流不熄》@中環海濱活動空間展出期:65起,初步至615

創作者/單位:Patrick Shearn of Poetic Kinetics, US

入場時間:下午1時至晚上10時(晚上9時30分最後入場)

由美國知名設計工作室Poetic Kinetics嘅藝術家Patrick Shearn操刀,以其最具代表性嘅「Skynet」系列創作出嘅動態懸空雕塑,並且成為今次設計#香港地嘅壓軸作品!面積約700平方米,由超過45,000條色帶組成,倚傍維港及港島北嘅繁榮景致晝夜隨風飄揚,並與「維港蛻變」喺銅鑼灣避風塘海濱嘅火龍頭作品《首》作首尾呼應。中間一條反光帶猶如貫穿古今嘅時光之河,展現無盡生機及向那流光溢彩的未來延展無盡可能。置身作品之下,遊人可沐浴在它嘅悠揚動感之中,感受香港繁榮鬧市嘅川流不「熄」,卻又感覺恬靜如一。

最後,大會仲好貼心咁設計咗多條,分別長150米、250米、500米同750米嘅路線,畀大家隨心進行散步、跑步同城市步遊,以唔同嘅節奏方式欣賞「#ddHK設計#香港地」嘅箇中趣味。

 

「設計#香港地」網站:www.designdistrict.hk
「設計#香港地」FB:www.facebook.com/designdistricthk
「設計#香港地」IG:instagram.com/designdistricthk_ddhk/

 

(Presented by Hong Kong Design Centre)

最新吃喝玩樂資訊