香港獨家!海賊王15款新出3D畫作【尖沙咀好去處】

香港好去處

海賊王One Piece第二階段《勇闖新世界》進軍尖沙咀!今次海賊王入鄉隨俗,換上中式服裝,置身尖沙咀、中環、旺角佈景板與大家合照。屆時有一半都係新嘅3D畫作,兼增設4個「有獎」攤位遊戲,去過第一階段的朋友都會有新體驗。

新品!勇闖新世界3D畫作

增設!4個有獎攤位遊戲

留意,每個攤位遊戲至少要一張遊戲劵,有個仲要兩張先玩到。不過購買$128成人優惠套票,已經包咗一張遊戲劵,但想追加玩落去,就要額外俾錢買遊戲劵喇!(遊戲劵價錢如下:$10/1張;$40/5張;$70/10張)

各攤位遊戲最低收費及玩法

  • 決戰奈美……………………… 1張遊戲劵/5枚代幣
    玩法:海賊王版的擲彩虹,將遊戲代幣擲出去,代幣完整地落在雲的顏色區域便中奬。
  • 巴奇塔…………………………. 1張遊戲劵/局
    玩法:利用槌子把巴奇身上的酒桶敲打下來,能令巴奇的頭部落至底部便勝出。
  • 拋路飛草帽…………………… 1張遊戲劵/局(7頂草帽)
    玩法:將草帽扔出,把草帽套在假山頂端,套得中愈多獎品愈豐富。
  • 狙擊之王……………………… 2張遊戲劵/局(9個球)
    玩法:利用彈弓把球彈出並將敵人擊中,擊中的標靶愈多獎品愈豐富。

坐龍身騎保仔 齊齊進駐香港

放心!未去過第一階段的朋友仔,唔怕miss咗海賊王經典場面、海賊懸賞牆、魚人島迷宮,通通都繼續有展覽。而香港主題3D畫方面,不但保留神奇香港街道畫作,並多咗幅供大家坐係龍身,企上張保仔船,並用積木砌出中銀大廈的畫,仲可以「畫中畫」方式畫出維港景色!

內售!限量版海賊王禮品

作為一個標準的海賊王fans,家中又怎少得海賊王的珍藏!今次加多咗名信片、tote bag、3D海報,一於買晒成套收藏吧。

放心!其他角色,包括卓洛、娜美、山治、喬巴、弗蘭奇、布魯克都有出名信片㗎,全套九張賣緊$48,三張$18,一張$8。

今次大會推出最新優惠,可以$128購買成人門票一張,並附送海賊王大秘寶禮品包一份,包括前進號3D紙船、雙面A2年曆、口袋記事簿、A4文件夾、明信片、紙扇、攤位遊戲券1張。留意!數量有限,送完即止。

購票方法:
全線7-11或香港3D奇幻世界官方網頁

票價:$149(成人)、$100(長者)、$98(小童及學生)

香港3D奇幻世界.勇闖新世界

地址:尖東加連威老道96號希爾頓中心1樓 (顯示地圖)
營業時間:10:00 – 22:00
電話:2721 9720
網址:www.hk3dm.com.hk

 

延伸閱讀

率先睇!全球首個海賊王3D藝術館

最新吃喝玩樂資訊