釣墨魚
釣墨魚

出海釣墨魚!夜釣墨魚團4小時體驗記者試玩!船程15分鐘+即釣即食

香港好去處

廣告

釣墨魚|講到夏天必做活動,點會無出海份!今日記者嚟到油塘三家村碼頭,準備出發體驗人生首次釣墨魚,船程只需15分鐘,仲有經驗老手分享嘅工具同方法,最後更加可以即煮即食,相當吸引,即睇詳情!

出海釣墨魚!夜釣墨魚團4小時體驗記者試玩!船程15分鐘+即釣即煮

每年5至7月都係釣墨魚旺季,當然要把握最佳黃金時機!今次參加呢個釣墨魚散客團由市區出發,25人成行,可以選擇油塘三家村或西灣河嘉亨灣碼頭上船,船程只需15分鐘,非常快捷!今次記者就嚟到三家村碼頭,準備出發體驗人生首次釣墨魚,由於墨魚是夜行活動,所以最早都要夜晚7至8點起行,大約4個鐘返航。

釣墨魚 今次記者就嚟到三家村碼頭上船。
今次記者就嚟到三家村碼頭上船。(圖片來源:新假期編輯部)
釣墨魚 船程只需15分鐘,非常快捷!
船程只需15分鐘,非常快捷!(圖片來源:新假期編輯部)
釣墨魚 喺船頭當然要打個靚卡!
喺船頭當然要打個靚卡!(圖片來源:新假期編輯部)

釣墨魚工具相當簡單,唔需要平時釣魚嘅魚餌,只需手執一個船家提供嘅八爪鉤就可以Ready Go!鉤上方夜光位置可以用作吸光,墨魚就會誤以為係食物,追住個光源,最後就可以用八爪鉤去鉤佢上嚟!新手初次體驗都唔使擔心綁鉤及解鉤等問題,專家會提供協助,通通都會幫你處理好,兩手揈揈就可以上船玩!

釣墨魚 船上會提供釣墨魚嘅工具「八爪鉤」,兩手揈揈就可以上船玩!
船上會提供釣墨魚嘅工具「八爪鉤」,兩手揈揈就可以上船玩!(圖片來源:新假期編輯部)
釣墨魚 另外呢款「米仔鉤」需要自行購買。
另外呢款「米仔鉤」需要自行購買。(圖片來源:新假期編輯部)

新手擢墨魚必學技巧

技巧方面,船家教路,只要將八爪鉤照一照燈光,待八爪鉤吸收光線變得螢光後放下海約3-5米深,然後不時輕輕拉一拉,等墨魚誤以為係食物,就會追上並「攬實」魚鉤,呢個就係「擢墨魚」嘅動作。記者體驗完之後,覺得整個過程都係一個耐力戰,隻手要無間斷咁擢,直頭好似做手部運動咁。

釣墨魚 要將魚線拉至3-5米長。
要將魚線拉至3-5米長。(圖片來源:新假期編輯部)
釣墨魚 整個過程係一個耐力戰,隻手要無間斷咁擢,直頭好似做手部運動咁。
整個過程係一個耐力戰,隻手要無間斷咁擢,直頭好似做手部運動咁。(圖片來源:新假期編輯部)
釣墨魚
(圖片來源:新假期編輯部)

最後連埋船上其他參加者,釣到嘅墨魚都有起碼過百條,單望都相當壯觀!記者自己就只係釣到寥寥幾條,不過用嚟過下手癮都幾開心!

釣墨魚 成功啦!
成功啦!(圖片來源:新假期編輯部)
釣墨魚 釣到墨魚之後唔好即刻將魚線提高,要留喺海面上方幾秒時間等佢完成噴墨。
釣到墨魚之後唔好即刻將魚線提高,要留喺海面上方幾秒時間等佢完成噴墨。(圖片來源:新假期編輯部)
釣墨魚 全船人加加埋埋埋都釣到過百條!
全船人加加埋埋埋都釣到過百條!(圖片來源:新假期編輯部)

4小時任釣 墨魚即釣即食

煮食方面,船家先將墨魚作清洗,然後再燒紅煎鑊,加入墨魚先輕輕煮一次,將水份逼出再倒出。然後第二次燒紅煎鑊,再加入油,倒入墨魚炒香,熟度差不多就加入些蝦醬提香。

釣墨魚 即釣即食,滿足感十足!
即釣即食,滿足感十足!(圖片來源:新假期編輯部)

記者單坐係船上已感受到香氣四溢嘅味道,超級吸引!即釣即煮嘅墨魚口感滑嫩爽口,味道鮮甜,海鮮果然係愈新鮮食愈Happy!如果想屋企人分享美食,都可以選擇拎走自行烹調,又或者帶埋佢哋一齊出海!

釣墨魚 海鮮果然係愈新鮮食愈Happy!
海鮮果然係愈新鮮食愈Happy!(圖片來源:新假期編輯部)

喺船上嘅4個鐘都可以無限任釣,釣到攰亦可以係船上唔同角落打卡影相。如果成班朋友包船的話,仲可以使用船上娛樂設備,包括卡啦OK機等。

釣墨魚 如果成班朋友包船的話,仲可以使用船上娛樂設備,包括卡啦OK機等。
如果成班朋友包船的話,仲可以使用船上娛樂設備,包括卡啦OK機等。(圖片來源:新假期編輯部)

BB Boat Channel

  • Facebook:BB BOAT Channel
  • IG:bb_boatchannel_852
  • 聯絡電話:6652 2308
  • 墨魚團日期:即日起至另外通知
  • 墨魚團出發時間(6-8月):
    星期一至四 730pm(西灣河嘉亨灣)、745pm(油塘三家村)
    星期五至日7pm(西灣河嘉亨灣)、715pm(油塘三家村)
  • 價錢:墨魚散客團$260(25人起成團),散客只包即場烹調,不連晚餐到會;另提供包船服務,詳情可向船家查詢。
  • 上船地點:油塘三家村或西灣河嘉亨灣碼頭

常見問題

釣墨魚團參加費用?

釣墨魚團散客每位…即睇詳情

釣墨魚出發時間?

由於墨魚是夜行活動,所以出海的時間…即睇詳情

撰文:Icy圖片來源:新假期編輯部

最新吃喝玩樂資訊