出海釣墨魚! 4小時夜釣 市區上船 15分鐘船程即到+專家親教技巧+即釣即煮 即睇墨魚團價錢及詳情|香港好去處

釣墨魚是夏日出海活動之一!每年5月至7月是釣墨魚旺季,今次對釣墨魚零知識的記者就親身出發,約好船家初試釣墨魚,船家更一旁教你釣墨魚技巧,就算新手都無難度釣到,釣到後船家也可提供即席料理,最新鮮的墨魚配上最新鮮的食法,超級鮮甜!即睇墨魚團的參加詳情同價錢啦!

撰文:GW |拍攝:發

釣墨魚團 夏天出海4小時夜釣
市區15分鐘即到 初嘗爆釣+即煮鮮甜魷魚

每年的釣墨魚季節大約在3-8月期間,5月至7月更是釣墨魚旺季。今次參加的墨魚散客團,20人成行,船上空間闊落,總共可以容納25-40人。墨魚團由晚上7點半起行,11點半返航,以為得4個鐘就釣唔到啲咩?少年你年輕了,當晚拍攝船上共8人,總數估計有過百隻收穫,記者當晚雖然釣得3隻左右(有小小心虛),但船家稱第一次釣已算不錯!

(圖片來源:新傳媒編輯部)
今次由油塘三家村碼頭出發(圖片來源:新傳媒編輯部)
(圖片來源:新傳媒編輯部)
登船時小心空隙(圖片來源:新傳媒編輯部)

船家會提供釣墨魚工具,新手也不用擔心綁鉤等問題,專家會提供協助,無論是事前工具的準備、釣墨魚時教你技巧、抑或事後釣到幫忙解鉤,甚至炮製多款不同的料理,通通都會幫你處理好,真係上船去玩去食就得!

(圖片來源:新傳媒編輯部)
船家會提供釣墨魚工具(圖片來源:新傳媒編輯部)
(圖片來源:新傳媒編輯部)
「米仔鉤」需要自行購買。(圖片來源:新傳媒編輯部)

至於技巧方面,船家教路,只要將八爪鉤照一照燈光,待八爪鉤吸收光線變得螢光後放下海約4-5米深,然後不時輕輕拉一拉,墨魚會被發光的鉤所吸引,追上並「攬實」魚鉤,「Chok墨魚」就是在形容這個動作。船家稱,真正高手就會感受到墨魚「攬實」魚鉤的感覺,再拉扯一下將魚鉤鉤實墨魚,直接拉上水,但記者完全感受不到魚鉤被墨魚「攬實」的感覺,看來這就是經驗的差距呢!

(圖片來源:新傳媒編輯部)
八爪鉤吸收光線後會變得螢光,墨魚好快上釣!(圖片來源:新傳媒編輯部)
(圖片來源:新傳媒編輯部)
真正高手會用指尖感受到墨魚「攬實」魚鉤的感覺。(圖片來源:新傳媒編輯部)

旁邊有經驗的朋友,一隻又一隻墨魚釣上水,而記者只釣到寥寥可數的數量,心底不禁都有小小羨慕,不過第一次嚟講有成功釣到已經好滿足!全船結算時釣到超過100隻,屬爆釣情況,船家挑選體型較小的墨魚即場烹調,你可能會問點解要揀細隻而非大隻?因為船家表示細隻口感更好更鮮甜!至於大隻的墨魚就可以帶回家。

(圖片來源:新傳媒編輯部)
全船結算時釣到超過100隻!(圖片來源:新傳媒編輯部)

墨魚即釣即食 水上人食法最原汁原味

今次船家用最傳統的水上人的烹調方法,不去除內臟及墨汁原隻烹調,若客人要求也可代為處理內臟再烹調,但記者就當然要試最原汁原味的食法啦!船家先將墨魚作清洗,然後再燒紅煎鑊,加入墨魚先輕輕煮一次,將水份逼出再倒出。然後第二次燒紅煎鑊,再加入油,倒入墨魚炒香,熟度差不多就加入些小美極醬油提香,這時船上經已滿溢香噴噴的味道,超級吸引!

即釣即煮的墨魚口感滑嫩爽口,味道鮮甜,起初以為墨味會有怪味,但原來會帶有一種獨特的香氣,鮮釣墨魚與街市購買的墨魚確實有分別,試過可能返唔到轉頭!如果想帶回家,自行烹調享用也可,但既然來到,就不如試試船家的料理啦!

(圖片來源:新傳媒編輯部)
船家先將墨魚作清洗(圖片來源:新傳媒編輯部)
(圖片來源:新傳媒編輯部)
燒紅煎鑊,加入墨魚先輕輕煮一次。(圖片來源:新傳媒編輯部)

船家預計今年的墨魚高峰期可持續至7月底左右,想參加的朋友就要抓緊墨魚季的尾巴,一嘗爆釣快感及即席料理的美味體驗!墨魚船無論是包船、散客團都歡迎,不用擔心人數不足就參加不了的問題。另外,除了釣墨魚外,這裡也提供日間夜間釣魚團,讓大家也可以多一個活動選擇。

(圖片來源:新傳媒編輯部)
船家預計今年的墨魚高峰期可持續至7月底左右,想釣要快啦!(圖片來源:新傳媒編輯部)
(圖片來源:新傳媒編輯部)
即釣的肥肥白白的墨魚與街市買的,口感真的有很大差別!(圖片來源:新傳媒編輯部)
  • BB Boat Channel
  • Facebook:BB BOAT Channel
  • IG:bb_boatchannel_852
  • 聯絡電話:6652 2308
  • 墨魚團日期:即日起至另外通知
  • 墨魚團出發時間:7:30pm-11:30pm
  • 價錢:墨魚散客團$240(星期一至四)、$260(星期五至日及公眾假期)(20人起成團);另提供包船服務,詳情可向船家查詢。
  • 上船地點:中環、尖沙咀、觀塘、油塘、筲箕灣

最新吃喝玩樂資訊