【西貢一日遊】打卡美食路線推介:掃街小食炸Oreo/爆芝熱狗+2層高壁畫+珍珠場工作坊|孖住去邊玩|周末遊懶人包

【西貢一日遊】天氣酷熱,是時候來些夏日活動,例如到海邊走走!說到海邊,又點少得西貢這個地方呢!今次從西貢白沙灣作起點,搭船出海採珍珠整首飾加釣魚,沿路玩到入西貢市中心食掃街美食,睇埋2021年5月中西貢壁畫節剛畫好的全新壁畫,一齊跟住記者周圍遊,來一個西貢食買玩之旅,玩盡西貢區啦!

撰文:GW |拍攝:Tony

西貢一日遊!閨密打卡/情侶路線推介!

1.西貢白沙灣出海採珍珠 DIY首飾+魚排釣魚體驗

第一站來到全港唯一的珍珠導賞工作坊,由白沙灣碼頭集合出發,乘坐約10分鐘的船程即可到達位於西貢麻南笏海域的魚排,魚排四面環海,陣陣海風吹來非常涼爽。在這個為時3.5小時的工作坊中,有專人教導珍珠知識,例如珍珠養殖、保育、在全球貿易中的意義等。

天朗氣清,最適合出走西貢吹吹海風!
天朗氣清,最適合出走西貢吹吹海風!
全港唯一的珍珠導賞工作坊,這裡每年養了大約60,000隻馬氏珍珠貝。
全港唯一的珍珠導賞工作坊,這裡每年養了大約60,000隻馬氏珍珠貝。

大家在開蚌取珠的同時,可以了解珍珠背後的生態意義,而非單純的「珍珠商品」,原來珍珠只是一種觸手可及的天然珠寶,要擁有其實唔難!在開蚌取出珍珠後,就可以親手製作屬於自己獨一無二的首飾啦!而所剩下的蚌肉亦不會浪費,就可以用作現場釣魚的魚餌,不過釣唔釣到就睇你好唔好運啦!

親手開蚌
親手開珍珠貝
親手開蚌取珠,幸運的話可以一隻蚌開到幾粒珠!(不過導師哥哥稱曾經有人連開9隻蚌,連1粒珍珠都無呢!)
親手開珍珠貝取珠,幸運的話可以一隻貝開到幾粒珠!(不過導師哥哥稱曾經有人連開9隻珍珠貝,連1粒珍珠都無呢!)
  • 香港珍珠養殖協會
  • 地址:西貢麻南笏(上船集合點為西貢白沙灣碼頭)(顯示地圖
  • 電話:6978 8050
  • 工作坊舉行日期:逢星期五至日、其他時間可提供包團服務。
  • 價錢:珍珠首飾工作坊(已包入場卷、$20來回船票、珍珠故事、開蚌(保證可選擇乙粒珍珠)、首飾配件(包含一份2件925 純銀配件):$699/1位成人、$799/1位成人及1位4-11歲兒童、$1,498/2位成人及1位4-11歲兒童
  • 網址:按此
  • 電郵:[email protected]
  • 前往方法:乘搭巴士92,96R,101M,292P,792M,在白沙灣碼頭落車即可。

2.Chip In Fish & Chips/必試炸Oreo!

回到岸上餓餓哋,直接前往西貢市中心掃街覓食啦!這間西貢名物,炸魚薯條小店Chip In Fish & Chips其實好多人都識,店內薯條即叫即炸,魚柳採用厚實的鱈魚,咬落啖啖肉呀!當中必試的就是招牌炸OREO,OREO原本甜膩的口感經過油炸以後,反而變得輕盈,微甜香脆的食感令人一試難忘。

西貢名物Chip In Fish & Chips
西貢名物Chip In Fish & Chips
  • Chip In Fish & Chips
  • 地址:西貢敬民街9號(顯示地圖
  • 電話:9761 5091
  • 營業時間:星期一至日11:00am-7:30pm
  • 前往方法:乘搭92號巴士往西貢方向,在總站落車,車程約10分鐘,車費$7.2,徒步3分鐘即可到達。

3.果感生活 清爽消暑鮮果氣泡飲

就在炸魚薯條的旁邊,一間店面小小的果汁店,主打無添加果汁及即叫即製氣泡飲,款款新鮮,每日仲有不同的時令選擇,在炎熱的夏天當然要飲返杯冰涼的果汁消消暑啦!而最特別的是,這裡的氣泡特飲採用包裝而不是杯裝,細細袋拎住行都好方便!

果汁小店 果感生活
果汁小店 果感生活
主打無添加果汁及即叫即製氣泡飲,即叫即製。
主打無添加果汁及即叫即製氣泡飲,即叫即製。
細細包拎住行都夠晒方便
細細包拎住行都夠晒方便。 雜莓鮮橙氣泡飲$28(左)、百香果檸檬氣泡飲$28(右)
  • 果感生活
  • 地址:西貢敬民街9號高勝樓13號(顯示地圖
  • 電話:9041 4504
  • 營業時間:星期一至五12:00am-8:00pm、星期六日11:00am-9:00pm

4.九吋半 啖啖肉熱狗!3重爆芝士+惹味肉醬

位於福民街的熱狗店九吋半,在前年開店時已引起一股熱狗旋風,當中的招牌軟殻蟹熱狗更是成隻軟殻蟹插在熱狗上面,非常震撼,店舖亦做緊買一送一活動(即係軟殻蟹打孖上),不過今次怕食得太飽,要留肚食其他嘢,叫住另外兩款招牌熱狗先啦!

九吋半熱狗專門店
九吋半熱狗專門店
熱狗使用了車打、巴馬臣及Mozzarella 3款芝士,芝士味香濃,口感亦有軟硬之分。肉醬熱狗入口香滑軟嫩,啖啖足料牛肉。 招牌三重芝士熱狗 (左) 肉醬熱狗 (右)
熱狗使用了車打、巴馬臣及Mozzarella 3款芝士,芝士味香濃,口感亦有軟硬之分。肉醬熱狗入口香滑軟嫩,啖啖足料牛肉。 招牌三重芝士熱狗 $68 (左) 肉醬熱狗 $42 (右)
招牌軟殻蟹熱狗 8
招牌軟殻蟹熱狗 $138
  • 九吋半
  • 地址:西貢福民路58-72號高富樓地下37號舖(顯示地圖
  • 電話:6719 3386
  • 營業時間:星期一至日 11:00am-9:oopm
  • 前往方法:向福民路方向步行2分鐘內即可到達。

5.小康之家 即叫即整!必試無激素蝦醬雞翼+黑松露芝士蛋餅

台式小食店小康之家於去年年底開張,主打無激素雞翼、台式蛋餅及炸物,路過就聞到香氣四溢。在菜單中發現一款特別的蝦醬雞翼,憑著好奇心嘗試一下,發現鹹香的風味非常夾,蝦醬香而不鹹口,吃得出調味時的比例經過悉心調整,而黑松露芝士蛋餅油香四溢,餅皮油而不膩,夾著半流心的芝士,黑松露的香氣撲鼻,要試!

小康之家,即叫即整小食,巷仔內掃街夠晒風味!
小康之家,即叫即整小食,巷仔內掃街夠晒風味!
半溶芝士非常吸引 黑松露芝士蛋餅
半溶芝士非常吸引
黑松露芝士蛋餅 $42
食感鹹香,咬落超Juicy!西貢蝦醬雞翼 /4
食感鹹香,咬落超Juicy!
西貢蝦醬雞翼 $38/4
  • 小康之家
  • 地址:西貢福民路58-72號高富樓35號地舖(顯示地圖
  • 電話:5703 7387
  • 營業時間:星期一至日12:00pm-8:00pm(逢星期二休息)
  • 前往方法:九吋半熱狗店轉角即到。

6.全新壁畫打卡 西貢牛牛+2層高卡通風彩繪

連掃4間食店以後,又是時候散步消化吓順便打個卡!香港最大型街頭藝術節HKwalls每年度都會舉行壁畫節,匯集本地藝術家在全港各處的牆壁上創作塗鴉藝術,以前足跡遍布中上環、灣仔等,而今年2021年就在西貢區回歸,壁畫亦在5月中全數完成,有多達22幅呀,有興趣的朋友可以跟著地圖逐個捉!

成日都話屯門牛,其實西貢牛才是始祖呢!
成日都話屯門牛,其實西貢牛才是始祖呢!
2層高卡通風彩繪壁畫,畫得超精細!
2層高卡通風彩繪壁畫,畫得超精細!
  • HKwalls壁畫節西貢區
  • 地址:西貢市中心(顯示地圖
  • 前往方法:向西貢街市方向步行約5分鐘,多幅新壁畫便會出現在你的左右!

最新吃喝玩樂資訊