【西九文化一日遊】6大必影Check Point!電影取景熱點+花樣年華試身室+港版「彩虹眷村」|香港好去處(新假期APP限定)
【西九文化一日遊】6大必影Check Point!電影取景熱點+花樣年華試身室+港版「彩虹眷村」|香港好去處(新假期APP限定)

【西九文化一日遊】6大必影Check Point!電影取景熱點+花樣年華試身室+港版「彩虹眷村」(新假期APP限定)

西九區近幾年愈嚟愈多地方進行活化,變成全新打卡景點!9月頭香港旅遊發展局(旅發局)更加聯乘國際藝術家團體,喺西九文化區展出大型藝術裝置,記者一於為大家盤點西九區6大必影Check Point,帶大家遊走油麻地、佐敦和西九文化區一帶,今個秋日可以盡情打卡!記得下載新假期APP睇足本內容!

撰文:Icy|來源:香港旅遊發展局、新假期編輯部、IG

【西九文化一日遊】6大必影Check Point!

電影取景熱點+花樣年華試身室+港版「彩虹眷村」

Check Point 1:美都餐室|電影取景熱點穿越時光重拾昔日懷舊風情

位於廟街轉角位嘅美都餐室,屹立迪麻地五十年,至今依然保留60年前嘅裝潢,入到去就有如穿越時光重返昔日香港。二樓雅座充滿本土情懷,倚窗嘅卡位更加喺人氣打卡熱點,可以享受玻璃窗外透入嘅絲絲日光,唔少人甚至會專程租借旗袍過嚟留影,影出嚟嘅相都會滲透濃濃嘅舊香港情懷。

西九文化一日遊!X個必去影相Check Point +太空館微笑「菠蘿包」+3層樓高巨型發光雲朵|香港好去處(新假期APP限定)
著住旗袍坐喺窗邊卡位影相,就好似穿越返去60年前一樣,好多電影及劇集都曾經喺度取過景,非常有名氣!(圖片來源:[email protected]
如果想增添復古感,都可以加以調色,用軟件營造多啲顆粒感,就算著返現代嘅服裝都會睇落有懷舊feel。(圖片來源:IG@venus.ws)
如果想增添復古感,都可以加以調色,用軟件營造多啲顆粒感,就算著返現代嘅服裝睇落一樣會有懷舊feel!(圖片來源:[email protected]
美都餐室食物味道平平,但多數人都會因為被店內懷古裝潢吸引而到訪。(圖片來源:IG@naoju.photography)
美都餐室食物味道平平,但多數人都會因為被店內懷古裝潢吸引而到訪。(圖片來源:[email protected]

Check Point 2:天后廟油麻地書院文青必訪「隱世書店」

油麻地天后廟舊年被列入法定古蹟,廟內南側位置活化成「油麻地書院」,稱作「隱世書店」,喺一間自助書店,提供專題書籍及文創產品。店內更加有唔同打卡位比你影相,有迷你榕樹頭及麵檔模型等,重現廟外昔日氣氛。

書本不舊喺文青必備道具,用嚟傍身可能好用過白花油!(圖片來源:香港旅遊發展局)
書本不舊喺文青必備道具,用嚟傍身可能好用過白花油!(圖片來源:香港旅遊發展局)
呢個位充滿舊式宮廷feel,好似返咗古代咁。(圖片來源:香港旅遊發展局)
呢個位充滿舊式宮廷feel,好似返咗古代咁!(圖片來源:香港旅遊發展局)
麵檔模型非常逼真,眼前嘅配料真喺好似食得咁!(圖片來源:香港旅遊發展局)
麵檔模型非常逼真,眼前嘅配料彷真度高到好似食得一樣!(圖片來源:香港旅遊發展局)

Check Point 3:油麻地果欄|七彩壁畫塗鴉 盡現果欄日常

油麻地果欄喺全港數一數二嘅水果批發市場,主要喺凌晨時段先會有人進行批發工作,日頭經過你未必會留意呢個地方,但其實附近有好多壁畫以及塗鴉,色彩斑斕,非常「打卡able」。唔只去台中彩虹眷村先有七彩壁畫,去油麻地都一樣可以好似去旅行咁影到靚相!

圖案亦好有果欄特色。(圖片來源:香港旅遊發展局)
圖案亦好有特色,完全展現到果欄的日常。(圖片來源:香港旅遊發展局)
店鋪鐵閘上都有塗鴉。(圖片來源:香港旅遊發展局)
店鋪鐵閘上都有塗鴉。(圖片來源:香港旅遊發展局)
記者建議盡量唔好著太多花紋圖案嘅衫,著淨色衫會更加突出個人!(圖片來源:香港旅遊發展局)
記者建議盡量唔好著太多花紋圖案嘅衫,著淨色衫會更加突顯人物!(圖片來源:香港旅遊發展局)

Check Point 4:東南樓藝術酒店|花樣年華試身室 懐舊旗袍體驗

東南樓藝術酒店喺油麻地港鐵站隔離,前身喺海鮮酒家,活化後集酒店、共享空間、藝廊於一身,不時會舉辦工作坊及展覽,酒店內仍然保留部分懷舊裝飾,啱晒鍾意影復古懷舊相但平時又搵唔到地方嘅朋友仔!

綠色菱格牆身本身已經夠復古,拎埋電話用嚟做道具fit晒!
1樓特設「花樣年華試身室」,可以試穿六、七十年代服飾,非常吸引。試身室旁邊更加有個舊式電話主題房,拎埋電話用嚟做道具fit晒!(圖片來源:香港旅遊發展局)
東南樓5樓仲有五感茶藝體驗,平時都可以喺度點咖啡或茶。(圖片來源:香港旅遊發展局)
東南樓5樓仲有五感茶藝體驗,平時都可以喺度點咖啡或茶。(圖片來源:香港旅遊發展局)
酒店內仍然保留部分懷舊裝飾,借件旗袍半日喺西九都有排影!(圖片來源:香港旅遊發展局)
酒店內有好多懷舊裝飾,借完衫留半日都有排影!(圖片來源:香港旅遊發展局)

Check Point 5:西九文化區M+博物館|70萬呎文青打卡新熱點

當代視覺文化博物館M+日前公佈會喺今年11月12號開幕,面積會有成70萬呎!總其33個展廳、3間戲院,多媒體中心及餐廳,將會成為香港藝術文化及旅遊嘅新地標,記者都非常期特!雖然仲要等多一個月多啲,但大樓外面都已經有唔少人率先去打定卡,水泥外牆簡約嘅設計,平凡中滲透滿滿文藝氣息,再加埋附近青青草地,文青必去影相!

簡簡單單著一條白色長裙都已經好有仙氣。(圖片來源:香港旅遊發展局)
簡簡單單著一條白色長裙都已經好有仙氣。(圖片來源:香港旅遊發展局)
影相都不妨影埋門外嘅透明吊罩,令到成張相構圖更加豐富。(圖片來源:香港旅遊發展局)
影相都不妨影埋門外嘅透明吊罩,令到成張相構圖更加豐富。(圖片來源:香港旅遊發展局)

(已完結)Check Point 6:西九文化區藝術公園|巨型發光雲朵及七彩繽紛造型公仔

*由於天文台預計未來數天香港會受強風吹襲,在安全考量下,香港旅遊發展局(旅發局)宣布,「Friends With You」大型藝術裝置將提前於10月6日拆卸。

藝術家Samuel Borkson與Arturo Sandoval III組成藝術團體「FriendsWithYou」,創作咗多隻童趣角色,今次同旅發局合作,會喺西九文化區藝術公園海傍位置限時3個星期展出12隻角色造型充氣公仔,適合大人小朋友齊齊影相打卡!其中超巨型雲朵最矚目,入夜後會發出光芒,點亮整片夜空,散發出夢幻嘅感覺,非常適合影相打卡!不時更會有神秘角色化身吉祥物現身,遊走於西九文化區藝術公園,大家不妨去捕足佢地嘅身影,但影相時記得要同角色人物保持返1.5米社交距離啊!

日期及時間:9月23日 4pm – 930pm、9月24日至10月14日11am – 930pm

展出嘅童趣角色包括Little Cloud、Rainbow Worm、Jelly、Rainbow Kid、lil' Flower、Little Mushi等,每隻都非常龐大,打卡啱晒!(圖片來源:香港旅遊發展局)
展出嘅童趣角色包括Little Cloud、Rainbow Worm、Jelly、Rainbow Kid、lil’ Flower、Little Mushi等,每隻都非常龐大,打卡啱晒!(圖片來源:香港旅遊發展局)
招牌角色Little Cloud化身巨型雲朵,足足有至少3層樓高,長度仲長過巴士車身,勁壯觀!(圖片來源:新假期編輯部)
招牌角色Little Cloud化身巨型雲朵,足足有至少3層樓高,長度仲長過巴士車身,勁壯觀!(圖片來源:新假期編輯部)
記得同吉祥物影相都要隔返1.5米距離~(圖片來源:新假期編輯部)
記得同吉祥物影相都要隔返1.5米距離~(圖片來源:新假期編輯部)
新角色「啫喱」雖然唔喺其中一隻充氣公仔,但佢會化身成為吉祥物,周不時突襲西九同大家影相!(圖片來源:新假期編輯部)
新角色「啫喱」雖然唔喺其中一隻充氣公仔,但佢會化身成為吉祥物,不時突襲西九同大家影相!(圖片來源:新假期編輯部)
招牌角色Little Cloud變身成巨型雲朵,足足有至少3層樓高,入夜更加會發光,非常壯觀!(圖片來源:)
巨型雲朵入夜之後更加會發光,好壯觀!(圖片來源:香港旅遊發展局)

即睇更多:香港太空館微笑「菠蘿包」直擊!仲有西九文化區巨型發光雲朵+12個角色造型打卡位|香港好去處

最新吃喝玩樂資訊