荔園重現中環!十大懷舊玩樂設施率先睇!

荔園小天地~最多快樂陪住我哋!闊別十八年後嘅荔園!正式宣佈會喺下個月26日重現江湖,預計會開70日。期間會以新科技重現當年的鬼屋、城堡、掟香口膠、大象天奴等充滿集體回憶的遊樂設施,務求大家可以懷舊之餘又有新體驗咁話!事不宜遲!即睇十大懷舊玩樂設施!

新荔園媒體記者招待會情況:

新荔園地圖:

1. 回憶番晒嚟!荔園城堡!

同以前荔園一樣,要入去玩,當然要由城堡大門入,淨係呢個點,香港人回憶番晒嚟!

2. Ironman版大象天奴!

大象天奴!當年荔園動物園裏面嘅鎮園之寶!當然就無可能翻生陪大家,唯有以像真機械設計重現天奴,大家可照舊可以餵佢食香蕉,機械天奴仲識噴水、眨眼、發聲,甚至…排便等動作,洗唔洗咁真呀?!

3. Cult到爆恐龍屋

講起恐龍屋,最懷念以前門口個隻識郁嘅超大怪樣恐龍,超嘅大叫聲每次都嚇親人!而全新十米高的恐龍屋,亮點係長長彎彎的龍尾化成五米高的瀡滑梯,好耐無瀡過咁既嘅瀡滑梯喇!

4. 達德鬼屋?!

新一代香港人以為香港鬼屋係海洋公園原創,但老一輩當然知舊日荔園鬼屋,機械的地獄布景,首創人扮吊頸鬼,更有各式各樣地獄鬼怪嚇大家。中環新版本會以本地一間荒廢小學故事(編按:唔通係達德小學?)為藍本,打造學校鬼怪場景,仲話會用app配合,希望又夠Cult又夠驚嚇啦!

5. 吹到啤啤聲!充氣版動物園?!

當年荔園動物園同樣係破天荒超多動物,獅子、老虎、駱駝、長頸鹿,仲有全球最長的鱷魚,今日「荔園Super Summer 2015」就用60,000個汽球造出數十款充氣動物,成為全港首個大型的氣球動物樂園,動L~

6. 經典掟香口膠

其實係叫掟階磚,但大家會叫做掟白箭!贏香口膠即刻食絕對係必玩遊戲,有得掟綠箭都唔錯!

7. 同動物一齊溜!冰場再現!

當年拍劇場景勝地,亦係情侶拍拖必遊之選,香港唯一的真雪溜冰場。今天重開,變成約200平方米的溜冰場,仲有四款動物造型溜冰輔助器,唔識溜都可以捉實佢哋等人推!

8. 淘氣小木馬

當年屹立荔園正中位置的旋轉木馬,鼓勵已長大了的小學雞,依家可以同自己小朋友一齊坐!

9.老香港回憶!光影文物區!

相信有一半去新荔園的60後、70後、80後都係志在回味過去,所以新荔園找來歷史片段同文物作小展覽。「光影區」展現老香港的衣、食、玩、行。而「藝術區」則展出本地藝術家的作品,講老香港文化,同大家回味「舊屎」。

10. 老歌獻給你!荔園大舞台!

當年的荔園大舞台,易閉過咩咩巨聲咩咩新秀多多聲,梅艶芳、七小福全部係呢度踏出樂壇!即將開幕的荔園大舞台,同大家回味老歌Rock and Roll!

 

荔園 Super Summer 2015
日期:26/6 – 9月初 (約70天)
時間:11am – 11pm(暫定)
地點:中環新海濱

延伸閱讀:

悶蛋生活 廢校叉電

急報!全城超大熱Minions糖香港有得賣喇!

最新吃喝玩樂資訊