Instagram
Instagram

聖誕必去浪漫靚景!9個Instagram打卡熱點

香港好去處

仲有兩日就聖誕,仲未諗好去邊好?今年好多商場都不約而同,以飄雪同靚燈飾做賣點,勁有節日氣氛!想去郊區地方靜靜哋過聖誕?都得,宜家紅葉當造,一於趁有幾日假去呼吸新鮮空氣!仲唔快D約埋朋友、男神、女神去以下9個instagram打卡熱點,影相呃Like!

飄雪類

打卡熱點1:D2 place超浪漫飄雪花園!

踏入十二月,四周都充滿聖誕氣氛。荔枝角D2 place呢個超浪漫飄雪天台花園,打卡一流!場內有一個3米高的巨型水晶球,旁邊會襯托住聖誕裝飾,最重要係有多部飄雪機,大家就可以睇到漫天飄雪,超浪漫啊!

Instagram __4
飄雪像真度超高!
Instagram 浪漫飄雪效果是由肥皂泡所造成。
浪漫飄雪效果是由肥皂泡所造成。

浪漫度:✭✭✭✭✭
影相位:✭✭✭✭✩
抵去度:✭✭✭✭✭
評語:風向非常影響飄雪效果,所以要捉緊時機,一見飄雪迎面飄落,就要準備好相機影相啦。

打卡詳情
日期:2015年12月5日開始,每個星期六和星期日,12月24 – 31日
時間:18:00-22:00
地址:長沙灣長義街9號D2 Place天台花園(顯示地圖
費用:免費

打卡熱點2: 全港首個冰上雪地!溜冰x飄雪最浪漫

想過一個浪漫聖誕?咁一定要去太古城!可以一路睇雪一路拖著手仔圍著20呎高聖誕樹溜冰,體驗白色聖誕的浪漫時光!喺12月17至24日,有多場國際級溜冰匯演,邀請咗外國同本地獲獎的溜冰高手大顯身手!

Instagram 白雪每三十分鐘徐徐從高空飄落在一樓冰場上!
20呎的聖誕樹聳立在冰上皇宮中間,白雪每三十分鐘徐徐從高空飄落在一樓冰場上!
Instagram 邀請多位外國及本地獲獎的溜冰高手大顯身手,表演一系列高難度動作如跳躍、凌空轉身等!
邀請多位外國及本地獲獎的溜冰高手大顯身手,表演一系列高難度動作如跳躍、凌空轉身等!

浪漫度:✭✭✭✭✭
影相位:✭✭✭✩✩
抵去度:✭✭✭✭✩
評語:一路溜冰,一路感受飄雪,非常浪漫!

太古城中心
地址:太古城中心一樓冰上皇宮(顯示地圖
日期:即日起至2016年1月1 – 3日
時間:11am – 9pm(每半小時一次)
費用:不同時段有不同票價,詳情留意太古城網站

打卡熱點3:有得影相有得玩!黃埔雪感聖誕玩樂園

未滑過雪嘅朋友,今次有福了!因為黃埔天地聖誕搞咗個雪感聖誕玩樂園,喺室內以人造雪打造成樂園,有得玩雪同坐雪兜,另外仲有工作坊整下聖誕卡同掛飾等,名符其實有得影相、有得玩!不過留意返,個活動係比小朋友嘅!

Instagram 親親雪地!
親親雪地!(圖片來源:黃埔天地facebook
Instagram 香港都有得坐雪兜!
香港都有得坐雪兜!(圖片來源:黃埔天地facebook

浪漫度:✩✩✩✩✩
影相位:✭✭✩✩✩
抵去度:✭✭✭✭✩
評語:活動只適用於小朋友,12歲以上就無得玩,只可以喺外面影下相!

打卡詳情
地址:黃埔新天地時尚坊地庫(顯示地圖
日期:2015年12月25 – 27日,2016年1月1 – 3日
時間:1pm-6pm
費用:
1. 於黃埔新天地任何商舖消費滿港幣$100或以上之即日單一機印發票,可參加其中一項活動。
2.消費滿$200或以上之即日單一機印發票,4 – 12歲小朋友即可參加其中一節聖誕手作坊。
備註:身高限制0.8米至1.4米

燈飾類

打卡熱點4:極浪漫!香港的5000朵玻璃花海!

宣傳都講明「光是浪漫 已經足夠」,60米長嘅玻璃花海,由著名玻璃藝術家製作超過5000朵玻璃花打造而成,夜晚著晒燈真係好浪漫!

Instagram 除咗靚,都好講求環保,全部都係「零發熱」、慳到90%電力嘅環保高科技LED燈嚟㗎!
除咗靚,都好講求環保,全部都係「零發熱」、慳到90%電力嘅環保高科技LED燈嚟㗎!
Instagram mg_6746-copy-1024x682
遠睇近睇都咁靚!
Instagram 仲有玻璃花打造成嘅叢林!
仲有玻璃花打造成嘅叢林!

浪漫度:✭✭✭✭✭
影相位:✭✭✭✭✭
抵去度:✭✭✭✭✭
評語:入夜之後真係好靚,但係始終光線不足,人樣會比較唔出,如果又想影到燈光效果,又想影得清個靚樣,就建議大家黃昏去,把握差唔多天黑嘅嗰10-20分鐘,咁就可以又影到天黑效果,又影到樣喇!

打卡詳情
地址:沙田新城市廣場1期7樓星光花園(顯示地圖
日期:2015年12月3日至2016年1月15日
時間:12nm – 22pm
查詢電話:2684 9175

打卡熱點5:愉景灣過歐陸聖誕 睇巡遊

聖誕節想有d歐陸氣氛唔一定要去旅行,喺香港都可以搵到呢種感覺!新假期有博客就推介愉景灣嘅星願聖誕!

Blogger話:發覺愉景灣都係一個唔錯嘅選擇,貪佢人夠少又有外國聖誕氣氛。聽講今年愉景灣啲聖誕燈飾好靚,好多人post咗相。於是上星期入咗去探路,仲打聽到佢哋今年有個與眾同樂嘅巡遊,Travel佳即刻炮製咗個聖誕一日遊,希望同另一半喺香港過一個歐式聖誕。

Instagram dsc8739-21-1024x683
最Wow嘅夜景,喺係碼頭隔離嘅D’Deck,喺愉景北商場坐免費穿梭巴士過去,一落車向住海傍方向行,就會見到海濱長廊已經幻化成一片星空,大家真喺唔可以錯過。
Instagram 03a-1024x682
愉景北嘅閃亮鹿車、星閃布置,每一樣都充滿驚喜,最啱就係selfie,影低浪漫一刻。
Instagram dsc_7197-1024x684
星閃佈置真係好閃好靚,一定要影相!
Instagram 052-1024x683
講到成個活動嘅重點,當然係D’Deck「聖誕閃爍嘉年華」,而Blogger就咁啱撞到佢哋綵排,一眾公主、王子、歐洲貴族、士兵與小丑沿住海傍, 喺輕快嘅音樂伴隨下巡遊,氣氛同喺德國嘅聖誕市集好似,勾起咗佢嘅回憶!綵排D人都咁high,我估聖誕當日更不得了!

浪漫度:✭✭✭✭✩
影相位:✭✭✭✭✭
抵去度:✭✭✭✭✭
評語:愉景灣有歐陸氣色,有燈飾、有表演、有餐廳,唔洗同人逼,抵去嘅!

打卡詳情

D’Deck聖誕巡遊
地點:D’Deck臨海美食區及愉景灣碼頭(顯示地圖
日期:12月24至26日(星期四至星期六)
巡遊時間:2場,6:30 pm & 8:30pm
(巡遊表演隊伍喺3:30p.m.起會同大家見面拍照留念)

打卡熱點6:海港城亮燈! 鬧市中的迪士尼聖誕大街!

海港城每年嘅聖誕佈置都好有保證,一年靚過一年,今年仲同迪士尼合作添!今年以「Happily Ever After」聖誕大街為主題,將海運大廈露天廣場幻化成一條大街,左右兩旁全部都係一間間屋仔佈景,窗口仲有唔同卡通人物嘅剪影!

Instagram mg_2214-copy
喺呢條聖誕大街入面,有置身於迪士尼嘅感覺,好夢幻!
Instagram 公眾不能行近Elsa同Anna,仲竟然只係紙板公仔,有少少失望。
公眾不能行近Elsa同Anna,仲竟然只係紙板公仔,有少少失望,但影相都唔錯嘅!
Instagram 近碼頭亦有巨型聖誕樹燈飾。
近碼頭亦有巨型聖誕樹燈飾。

浪漫度:✭✭✭✭✩
影相位:✭✭✭✭✭
抵去度:✭✭✭✭✭
評語:的確有置身於迪士尼嘅感覺,好夢幻,可惜太擠逼!

打卡詳情
地址:海港城海運大廈露天廣場(顯示地圖
電話:21188666
網址:www.harbourcity.com.hk

紅葉類

打卡熱點7:元朗 大棠郊野公園

聖誕唔一定要同人逼嘅,去郊外呼吸新鮮空氣都係一個好選擇!位於大棠郊野公園的楓香林,一到冬季肯定會充滿賞楓的人群,聖誕未諗到有咩做,可以去影吓相同摘士多啤梨,夜晚仲可以去BBQ添!

相片:Travel With Stella (連結)

Instagram 圖片來源:Travel with Stella
圖片來源:Travel with Stella
Instagram 圖片來源:Travel with Stella
紅葉量都不少呀!(圖片來源:Travel with Stella

浪漫度:✭✭✭✩✩
影相位:✭✭✭✭✭
抵去度:✭✭✭✭✭
評語:去一去都用咗成日,唔洗再諗活動,又有得打卡,不過可能會多人。

打卡詳情
地點:大棠郊野公園(顯示地圖
前往方法:到西鐵線朗屏站轉乘港鐵巴士K66,至總站下車,行走15分鐘便會看見大棠郊野公園入口

打卡熱點8:根德花園 恬靜賞楓

如果你喜歡恬靜少人的地方,根德道花園就一定滿足到你!位於理想酒店舊址後面,地理位置佔盡優勢,因為九龍塘站一出行幾步就到。花園內的紅楓樹一排列於旁邊,就好像一條道路。可能因為面積小和不有名的關係,大部份時間都只有很少人會來,適合單獨或二人遊覽。打完卡又方便去食飯!

Instagram {"IPTC-DATA":"NMG","data":{"photoID":2058432}}
基於樹齡有老有嫩,變紅的時間和層次會有所不同,頗為特別!
Instagram {"IPTC-DATA":"NMG","data":{"photoID":2058426}}
仔細看看,每塊紅葉都不一樣!

浪漫度:✭✭✭✭✩
影相位:✭✭✭✩✩
抵去度:✭✭✭✭✭
評語:人少少,又方便,影完相去食飯就啱!

打卡詳情
地點:根德道花園 (顯示地圖)
前往方法:港鐵九龍塘站B出口步行5分鐘

打卡熱點9:青衣公園 紅羽飄飄

青衣公園備人工瀑布、荷花湖泊、花影處處,係街坊的呼吸晨運勝地,每年冬天湖邊的落羽松及水松呈黃橙色及暗紅色,針狀葉子微微下垂,落葉時如羽毛般飄落。加上大葉欖仁樹同樣紅卜卜,咁有意景,難怪吸引不少龍友全副武裝採圖!喺紅葉下野餐,一定非常浪漫啦!

Instagram 衣公園面積廣闊,欖仁樹下綠草處處,還有紅松作遠景,是野餐好地方。
衣公園面積廣闊,欖仁樹下綠草處處,還有紅松作遠景,是野餐好地方。
Instagram 落羽松和水松的葉子呈針形而稍彎,欖仁樹的大葉則呈倒卵形。
落羽松和水松的葉子呈針形而稍彎,欖仁樹的大葉則呈倒卵形。

浪漫度:✭✭✭✭✩
影相位:✭✭✭✭✩
抵去度:✭✭✭✭✭
評語:可以賞葉,又可以野餐!打卡一流!

打卡詳情
地點:青衣公園 (顯示地圖)
前往方法:港鐵青衣站C出口步行3分鐘

延伸閱讀:

聖誕禮物10大提案 男生女生埋黎揀

6大呃like聖誕party甜品 零廚藝OK!

bookwwbanner_generic-1024x5361-1024x536

最新吃喝玩樂資訊