露營營地推介｜粉嶺四季休閒農莊開業！近流水響160,000呎營區 露營裝備齊全 BBQ＋戶外電影＋觀星都有

露營營地推介｜粉嶺四季休閒農莊開業！
佔地160,000呎 大人去chill小朋友放電一流

四季休閒農莊位於粉嶺流水響附近，農莊佔地160,000呎，夠哂空間感呀！農莊內設有露營區、燒烤區、停車場區、兒童遊樂設施等……仲有超大塊真草地，感覺完全唔似喺香港。為咗配合防疫措施，現時每個營帳最多可容納4人入住，人均消費$125起。另外，營地係寵物有善，毛孩都可以入營㗎！

設露營用品租借服務 帶漏嘢唔洗怕

相信每位「營」人喺岀發時，對執拾露營袋都抱疑問，帶多定帶少？攞定唔攞？唔攞就用都無得用救命呀！放心呢個營地正正睇中呢點，設有租借服務如:Cookset、爐具、營具、營帳等裝備……唔識起營，營區內會有職員幫大家手

就連食物方面，大家都可以預訂，咁睇嚟兩手揈揈去露營不是夢。

營內設有多個洗水間同冷熱水淋浴間，淋浴間內安裝浴室寶令淋浴間保持乾爽，減少細菌滋生。以上兩個地方每一至兩小時就會進行大清潔，當然其他設施同草地都唔例外啦！補充一點，洗手間外放置風筒方便大家使用，呢個真係會吹頭髮人士嘅恩物。

營內營外同樣多嘢玩 交通方便

附近有行山熱點流水響水塘及鶴藪水塘，打卡位仲有天空之鏡、紅葉(12月至2月)、落羽杉(12月至1月)等等。享受露營兼欣賞靚景，交通方面位於八仙嶺郊野公園範圍內，只要喺粉嶺站，轉乘52B小巴，落車行一段路就到達流水響水塘。

四季休閒農莊

使用營地係需要預約㗎，而預約名額將會以先到先得方式處理，如需預約可到以下連結。
預約連結：https://forms.gle/Fm1217WdP4ZhPWtT7

常見問題
問：新嘅露營區位於咩位置？
答：新露營區四季休閒農莊，位於粉嶺流水響附近。

問：有無拍拖好去處推介？
答：為大家推介香港13大情侶拍拖好去處！包括鄉村遊、城市影相好去處、寫意的近郊離島遊等，沿路風光明媚，絕美打卡位超多，一於記低佢趁假日來個浪漫二人遊啦：13大情侶拍拖好去處推介