元朗河背水塘郊遊路線！必影港版嵐山竹林＋區內3大人氣美食店｜香港好去處

新假期 - 好去處

Dec 24 2020 - 18:00

元朗河背水塘行山徑，簡單易行，全程平坦沒有斜路，而且路程短，行完一圈約半小時，新手也能輕鬆駕馭。沿路有水塘、竹林等美景，賞心悅目，行完再到區內品賞美食，休閒自在，以下更附上3間元朗人氣食店，即睇！

【溫馨提示】郊遊時，要尊重自然環境，不要留下垃圾。另外，行山前一定要做足準備，量力而為，注意難道級別，不要獨自一人行山。安全至上，一同享受這城市的美好風景。

撰文：新假期編輯部｜圖片來源：新傳媒資料室

輕鬆易行河背水塘 + 3大元朗人氣美食店！

有些人放假，喜歡出外郊遊，也有些人放假，喜歡四出食好西，那麼為何不將兩者合二為一呢？像今次介紹的河背水塘路線，中途會經過燒烤場，可以行至中段來個小型BBQ，又或者走到終點河背水塘，打卡之後，在回程去元朗覓食，一舉兩得！

輕鬆、快到、易行！河背水塘郊遊路線

周末不想獨留家中，又不想於市區行大商場，可以選擇去郊外呼吸新鮮空氣。不過，又唔想咁辛苦行山，郊遊就最適合不過。記者最崇尚輕鬆郊遊，今次選了這條河背水塘路線，難度只得一粒星，事關只有一段路是斜路，沒有沙石的石屎路，路又夠闊，行半小時就到，沿途會望到顏色柔和的芒草，舒服！

去河背水塘非常簡單，需時短，非常適合即興遊，或者崇尚輕鬆郊遊人士去行！

前往方法：

於元朗或者錦上路搭 71 小巴，尾站落車就會到河背村。

再行十五分鐘，就會見到河背水塘，或者可以行家樂徑，其實是圍住水塘行個圈，所以出返來還是水塘。 — 再行十五分鐘，就會見到河背水塘，或者可以行家樂徑，其實是圍住水塘行個圈，大約行45分鐘，出返來會去返水塘。

家樂徑小樹林景

全程平坦易行，沿路有美景及樹蔭，環境清幽，即使新手也沒有難度，適合一家大小來親親大自然。中間更會途經一段竹林，勁有日本feel，猶如置身於日本嵐山竹林般。

元朗河背水塘郊遊路線！一日遊懶人包＋3大人氣美食店！｜周末遊懶人包 — 中間的一段竹林，人稱港版嵐山，𣊬間去了日本般。（圖片授權：[email protected]）

家樂徑前都有小芒草可以影下。 — 如果遇啱時間，還可看到家樂徑前小芒草（芒草於秋季為最佳觀賞期）可以影下。

河背水塘
路線：元朗－河背村－家樂徑－河背水塘
時間：由元朗搭小巴（約30分鐘）－河背村去河背水塘（約30分鐘）－家樂徑（約45分鐘）
難度：★☆☆☆☆（上水塘條斜路有點斜，其餘輕鬆郊遊）

行完成個水塘，體力下降，當然要去食嘢補充一下。元朗是美食重鎮，不時有主題食店開業，今次精選 3 間元朗人氣食店，下次入元朗搵食，又多個選擇！

1.本地薑牛肉麵店

原湯純以數十斤牛骨，配以胡椒、洋葱，熬足兩日而成，湯甜味清。店裡以精緻茶壺盛湯，鼓勵客人先喝原湯，再按喜好注入碗中佐麵。麵底用台灣手工乾麵，上桌前也用自家煉製的新鮮葱油、豉油拌過，乾吃有豉香微甜，加湯濕吃則多了一層牛骨的細膩甘甜。

二悅濃湯牛肉麵濃湯是原味牛骨湯，口味較清雅，富牛骨的甘甜，牛腱、金錢肚雖用雪藏貨，但燜煮入味，毫不失色。 — 二悅濃湯牛肉麵 $68
濃湯是原味牛骨湯，口味較清雅，富牛骨的甘甜，牛腱、金錢肚雖用雪藏貨，但燜煮入味，毫不失色。

二悅紅燒牛肉麵一套牛肉麵，包括一壺靚湯，一碗葱油拌麵與牛腱、金錢肚，另附一小碟自家炒的酸菜，很豐富。紅燒湯底辛香惹味，但後勁清甜，單喝也不嗆喉。 — 二悅紅燒牛肉麵 $68
一套牛肉麵，包括一壺靚湯，一碗葱油拌麵與牛腱、金錢肚，另附一小碟自家炒的酸菜，很豐富。紅燒湯底辛香惹味，但後勁清甜，單喝也不嗆喉。

手工肉燥茄子茄子鮮炸，再淋上肉燥，口感豐富，平實滋味。 — 手工肉燥茄子 $25
茄子鮮炸，再淋上肉燥，口感豐富，平實滋味。

MOON MOON 二悅

地址：元朗合益路9號紀業樓地下G舖 (顯示地圖）
電話：9143 3347
營業時間：12nn-3pm ; 6pm-9pm(不定休）（時間會因應疫情而有所調整）
備註：不設加一，只收現金

2. Fushion車仔麵泰式鱷魚湯底

這間車仔麵店以坊間罕見的泰國式湯底如鱷魚湯、冬蔭功湯來做車仔麵湯式，成為區內的話題食店。「車仔麵是香港獨有的飲食文化，無人規定車仔麵必要有甚麼配料，你以為是豬皮、蘿蔔⋯⋯那些只是約定俗成，每個人自選不同配料，已經是一種fusion，那為何車仔麵不可以玩 Crossover？」

元朗車仔麵鱷魚湯咖喱泰式篤篤車雞翼豬大腸金錢肚油麵滷水藥材滷水 — 雞翼豬大腸金錢肚油麵配泰國鱷魚湯 $38
鱷魚湯底用贊比亞出產的鱷魚尾骨、掌骨、鱷魚乾，烘燒過放入魚湯袋，加杞子紅棗來煲，每晚加新骨，日日慢火煲過夜，愈熬愈濃。

元朗車仔麵鱷魚湯咖喱泰式篤篤車冬蔭功湯 — 珍珠元貝白蝦仁墨魚仔河粉配冬蔭功湯 $47
飲湯更方便；湯底入口微酸，辣味溫和，配白灼海鮮，好夾。

篤篤車

地址：元朗馬田路22號安寧大廈地下6號舖（顯示地圖）
電話：2336 3386
營業時間：星期一至四11：00am-9:00pm、星期五11:30am-9:00pm、星期六及日 11:00am-9:30pm（時間會因應疫情而有所調整）
備註：車仔麵每碗最低消費$29；不設加一、只收現金

3.永年士多人龍車仔麵＋無敵辣汁＋30幾款車仔餸

話說上世紀60年代創辦人劉永年，喺屏山一帶以手推車販賣粥麵小食，到70年代搬入元朗現址改為經營士多，兼售腸粉、小食同汽水。直到80年代中期交由兒子劉偉雄接手，鑑於當時考慮到第三代已出世，為咗養妻活兒和應付供樓，於是決心增設車仔麵嚟增加收入。由於口味獨特出眾，所以一直好受元朗同鄰區街坊歡迎，仲成日出現人龍排隊嘅墟冚場面。

南乳豬手蝦籽撈麵，選用本地即日新鮮豬手烹調，豬手注滿南乳鮮咸豆香，豬手皮彈滑，豬手肉腍嫩，加上元朗蝦籽麵同藥材湯底，成為近期大熱新品。

味道不變同時與時代接軌

「永年」近年已交由第三代劉逸軒同劉逸晉兩兄弟，齊心打理呢個承傳三代人嘅家庭品牌。鑑於時代環境急速轉變，兩兄弟決心要注入新氣象，由店面廚房、經營模式、製作手法，以至品牌形象等都嚟個大翻身。先喺屯門自設2,000幾呎中央廚房，確保喺安全衛生又高效嘅電氣化廚房裡面，統一處理所有食材前期製作程序，再喺第朝早將食材送至各分店。

招牌豬大腸，以獨家秘方醃製同炆煮3小時至入味腍身，再放入冰水裡面保持爽彈質感。每條原整分明、乾淨少肥膏（可選半肥瘦腸），入口爽嫩兼有微微藥材香。

韭菜豬紅係另一小食推介！豬血約一立方吋小截手指頭般迷你size，方便快速入味，配以炸蒜，更顯惹味！有別於其他大size豬紅只得表皮有味，呢度嘅豬血外爽內腍，由外至內都超入味。

湯底同辣汁成就永年精萃

隨機問幾位街坊有咩心水推介，發覺每個人答案都好唔同。負責人阿晉笑言：「每個人心裡面都有一碗屬於自己嘅車仔麵。」咁就等我哋重點講吓幾款只此一家嘅味道啦！首先湯底用咗大量老雞、豬筒骨、雞腳、果皮同十幾種藥材，每日熬煮三小時，湯清味濃兼有藥材香。秘製辣汁混合非洲野生小辣椒、大紅椒、印度鬼椒同幾十種香料調配，辛香層次分明、辣勁餘韻持久。

好多人為咗呢個秘製辣汁而經常幫襯，仲有 5種辣度，建議初次品嘗由細辣開始，再慢慢加辣。

腐乳通菜，夏季是通菜當造季節，淋上豆香十足嘅同德興腐乳，香咸爽脆。 — 腐乳通菜 $25，夏季是通菜當造季節，淋上豆香十足嘅同德興腐乳，香咸爽脆。

30幾款車仔餸各有風味

店內有多達30幾款車仔餸選擇，每款都有專門配方調製，真正做到一餸一味！好似日賣過百斤嘅豬腸，就用咗花椒、八角、草果等製成嘅滷水汁煲至入味腍身，爽嫩少肥更零羶味。南乳豬手油潤豐沛；豬紅甜脆惹味；雞翼滿載陳年滷水香。蘿蔔精選皮薄肉嫩嘅當造蘿蔔，更只用最幼嫩嘅蘿蔔芯部分，再加入調味炆煮，因此嚼而無渣、甘香清甜！振興貢丸食落同樣有驚喜。