每年一日限定!香港禮賓府開放日賞花行
每年一日限定!香港禮賓府開放日賞花行

每年一日限定!香港禮賓府開放日賞花行

春天,又係花癡兼龍友出動的季節!除咗去長州賞櫻、去公園影花,有無諗過去禮賓府做一日貴賓,參觀呢個神秘的花園?
禮賓府於3月15號(星期日)開放給公眾,市民除咗可入禮賓府嘅花園觀賞各種花卉外,仲可以參觀埋行政長官喺禮賓府舉行活動同埋接待賓客的地方,夠晒玩成日!

圖片來源:ceo.gov.hk
圖片來源:ceo.gov.hk

點解要參觀禮賓府?

1869年景貌 (圖片來源:ceo.gov.hk)
1869年景貌 (圖片來源:ceo.gov.hk)
禮賓府飯廳 (圖片來源:ceo.gov.hk)
禮賓府飯廳 (圖片來源:ceo.gov.hk)

其實禮賓府除咗係行政長官住所同辦公室之外,仲係法定古蹟,受《古物及古蹟條例》保護。佢嘅建築外型典雅,既有新古典建築風格的華麗氣派,又略帶熱帶格調,有濃厚殖民地色彩。歷任28位香港總督中,25位曾以禮賓府(過去稱為總督府,1999年改名)為官邸和辦公室。
自1968年起首次開放以來,每年都吸引好多市民同遊客參觀,上年更有超過13,000人參觀!參觀者除可飽覽滿園花卉樹木,仲可以欣賞屬於英喬治亞時代建築風格混合日式瓦片的禮賓府獨有建築特色。

開放日觀賞節目重點

1. 音樂表演

今年開放日請咗香港警察樂隊演奏,加埋學校音樂節獲獎的學生樂團一齊表演,聲勢浩大!公眾可以一邊聽住悠揚音樂,一邊遊覽參觀,都幾relax呀!

2.花草樹木

綻放中的杜鵑 (圖:ceo.gov.hk)
綻放中的杜鵑 (圖片來源:ceo.gov.hk)
繡球樹 (圖:info.gov.hk)
繡球樹 (圖片來源:info.gov.hk)

貴為行政長官的府邸,花園都寧舍大,種的花花草草自然特別多!今次開放日可觀賞超過四十種植物,當中包括杜鵑花、煙火樹、跳舞蘭、玫瑰海棠、魔術鈴、迷你蝴蝶等,仲有被康樂及文化事務署收錄於《古樹名木冊》上的繡球樹。

3. 公眾導賞服務

開放日特設導賞點(位於後花園噴水池旁),為市民介紹香港禮賓府歷史,每節約三十分鐘。除咗導賞服務,今次開放日仲特別喺市民遊覽路線沿途設QR Code,市民用手機就可以瀏覽相關資料。
下頁續:去禮賓府你要知

實用資訊

禮賓府點去?

1.乘搭城巴3B、12、12M、40、40M或103(過海路線)/ 新巴13或23,於堅道明愛中心下車,步行10分鐘即可抵達。

2.乘搭公共小巴路線10或31,於香港動植物公園下車,步行約5分鐘。

3.乘搭港鐵,於中環站下車,從K出 口,經香港上海匯豐銀行大廈及皇后 大道中,再沿花園道向上步行約15分 鐘即可抵達。

小貼士
由於預計當日參觀者眾多,政府發言人話會視乎輪候人數,喺下午5點前截止輪候,建議市民由上亞厘畢道東閘入,參觀完再由正門離開。記得抓緊時間呀!
如果行完都未夠喉,仲可以去埋附近的動植物公園地圖)和香港公園地圖)!

禮賓府入場「宜乜忌乜」?

由於禮賓府都是個敏感地帶,所以入場人士的行為都有一定的規限,就算攜帶的物品都有列明禁止,例如:

禁止物品:擴音或強光裝置、橫額、旗幟、示威物品、大型物件、利器﹙例如刀、剪﹚、挖掘工具、含酒精飲品、寵物、爆炸品、易燃物品、化學及有害物質;以及其他會傷人、損毀建築物或政府財物或妨礙公共秩序的物品;

禁止行為:訪客不得在場內:(i)吸煙;(ii)損壞、塗污或改動任何建築物、政府財物、標誌或設備;(iii)採摘花卉、挖掘泥土、攀爬樹木、損害植物或以其他方式破壞花園;(iv)喧嘩、喊口號或投擲物件;(v)展示旗幟或標語;以及(vi)妨礙公共秩序、阻塞通道或滋擾他人。
 

禮賓府
開放日期:2015年3月15 日(星期日)

開放時間:10:00 – 17:00
地址:中環上亞厘畢道(地圖
網頁:http://www.ceo.gov.hk/gh/chi/openday.htm

延伸閱讀:大埔賞花滋味遊。歎抹茶軟糕多士 + 抵食私房菜

最新吃喝玩樂資訊