暑假好去處！「國際綜藝合家歡2025」節目巡禮 多元藝術體驗等你發掘
開幕節目：少林武魂 感受真正中國功夫震撼
想同小朋友一齊大開眼界，欣賞硬橋硬馬真功夫？咁就唔可以錯過開幕節目《少林武魂》喇！呢個武術劇場喺由河南省少林武術館嘅精英弟子擔綱演出，個個身手不凡，好似小朋友心目中嘅超級英雄咁！
《少林武魂》的故事好感人，喺講喺少林寺學武嘅慧光，點樣喺惡人手中救番失散多年嘅媽媽。當中仲有連場激戰，包括拳法、器械、氣功等，盡顯中國武術內外兼修。呢個節目2009年喺百老匯演出技驚四座，仲得到美國戲劇獎項提名，二十幾年世界不斷巡演，今次第一次呢香港，千奇咪錯過呀！
《少林武魂》
演出日期：7月11至13日
演出地點：香港文化中心大劇院
節目全長：約1小時40分鐘（包括15分鐘中場休息）
適合年齡：4歲或以上
BB出奇蛋 專為9至24個月寶寶而設 感官探索之旅
邊個話藝術一定係大個啲嘅小朋友先識欣賞？由挪威嘅迪維舞蹈團創作嘅《BB出奇蛋》就係一個專為9至24個月嘅BB同爸爸媽媽度身訂造嘅互動舞蹈演出！
一踏入劇場，就進入咗一個充滿各式各樣「蛋蛋」嘅奇幻世界——有啲軟綿綿，有啲毛絨絨，有啲仲會閃閃發光！每一隻蛋都蘊藏住神奇魔力，等住BB嚟發掘。喺呢個親密又溫暖嘅空間，BB可以同爸爸媽媽一齊踏上一場感官啟蒙之旅，感受舞蹈、色彩同柔和燈光帶嚟嘅快樂。
《BB出奇蛋》
演出日期：7月18至20日
演出地點：葵青劇院黑盒劇場
節目全長：約40分鐘（不設中場休息）
適合年齡：9至24個月嬰幼兒及其家長
五線譜上的全運會 音樂同運動Crossover原來可以咁好玩
估唔到音樂同運動嘅crossover可以咁精彩！《五線譜上的全運會》由鋼琴家陳雋騫帶領本地音樂家同精英運動員，聯手將音樂廳打造成熱鬧嘅運動場，呈獻一場充滿節奏同動感嘅獨特演出，夠晒gimmick！
喺呢個Show，你會見到啲平時諗都冇諗過嘅配搭：冇乒乓波都可以打出清脆嘅乒乓聲？彈琴唔使坐定定，跑嚟跑去都可以彈出緊張刺激嘅音樂？大提琴同二胡好似劍擊比賽咁樣一來一往？冇錯！空手道、欖球、武術、乒乓球、劍擊等運動項目，會同爵士鼓、尺八、二胡、大提琴、鋼琴等樂器嚟個大激鬥，畀你感受運動嘅節奏點樣帶動音樂，音樂嘅能量又點樣激發運動員嘅潛能。想知加埋一齊有幾夾幾好玩？快啲買飛體驗吓啦！
《五線譜上的全運會》
演出日期：8月2至3日
演出地點：荃灣大會堂演奏廳
節目全長：約1小時10分鐘（不設中場休息）
適合年齡：3歲或以上
同場加映 ：精彩工作坊同活動
「國際綜藝合家歡」除咗有一系列精彩嘅舞台演出，仲有好多「加零一」嘅親子工作坊同延伸活動，等小朋友可以親身參與，加深對藝術嘅體驗！例如配合《少林武魂》嘅「集合吧！少林弟子！」親子武術工作坊（7月12、13日），可以跟少林小子學番兩招；配合《咕嚕咕嚕深海找爸爸》嘅「深海動物發光圖鑑」親子創作工作坊（7月31日、8月1日）同「Bada的海底世界」後台導賞（8月2、3日），齊齊製作海洋生物；仲有配合《五線譜上的全運會》嘅「樂器對對碰」親子音樂工作坊（8月1日），帶你同小朋友一齊近距離感受二胡、尺八同鋼琴嘅精彩合奏，玩轉傳統與現代樂器，開展一場音樂冒險之旅！。
另外，千祈唔好錯過7月上旬喺香港文化中心大堂舉行嘅「國際綜藝合家歡展覽」，可以免費入場打卡影靚相！而喺7月13日，仲會有「國際綜藝合家歡 @ 大本型」外展節目，將精彩表演帶到社區。想了解更多工作坊同活動詳情，就要留意返「合家歡」網頁啦(www.hkiac.gov.hk)！
立即行動 購票詳情
大家由5月16日起可以透過城市售票網售票處、自助售票機、網上（ www.urbtix.hk ）、流動購票應用程式及電話購票熱線（3166 1288）買飛。記得留意各種購票優惠計劃，全日制學生、長者、殘疾人士同看護人等等都有半價優惠，買多幾個節目或者團體購票都有折扣㗎！
夏天咁多節目等緊你哋，快啲約埋啲friend一齊買飛，同小朋友一齊投入「國際綜藝合家歡2025」嘅藝術世界，過一個開心又有意義嘅暑假啦！想知更多節目資訊，可以瀏覽 www.hkiac.gov.hk。
(Presented by：LCSD)
