新店直擊!誠品生活尖沙咀店正式試業!【尖沙咀好去處】
新店直擊!誠品生活尖沙咀店正式試業!【尖沙咀好去處】

新店直擊!誠品生活尖沙咀店正式試業!【尖沙咀好去處】

講咗咁耐,誠品生活尖沙咀店今日(10月1日)終於正式試業喇,以後唔洗特登過海都可以行誠品!講到明係誠品生活,除咗書之外就梗係有其他嘢賣啦,今次引入咗42個品牌,當中仲超過一半係來自台灣添!

誠品生活 尖沙咀
除咗星光行入口,亦都可以進海港城經天橋出入

尖沙咀分店有兩層,單層面積比銅鑼灣分店大,行起上嚟比較舒服,兩層分別以創意生活同人文藝術為主題,有得買又有得食。不過正因為又有書賣,又有唔同品牌嘅專櫃同食店,所以行起上嚟都有少少迷茫,感覺規劃得有d亂。

行落有d似文青版百貨公司,不過就冇特別劃分區域,有d亂
行落有d似文青版百貨公司,不過就冇特別劃分區域,有d亂
雖然係誠品生活,但係亦都有書賣
雖然係誠品生活,但當然都有書賣
誠品生活 尖沙咀
除咗櫈之外,呢度仲有枱添,咁就可以更加舒服咁睇書喇

Bonjour烘焙坊

作為全間誠品生活唯一嘅熱食賣點,離遠已經聞到香味。一邊睇書一邊聞住麵包香,都真係幾寫意。

誠品生活 尖沙咀

誠品生活 尖沙咀
為咗配合香港人口味,特別推出咗丹麥菠蘿,將牛角包同菠蘿包結合埋一齊($20)
左邊呢個仲大過人頭嘅巧克力金桔,唔知要食幾耐先食得晒呢? ($22/ 半個,$40/個)
左邊呢個仲大過人頭嘅巧克力金桔,唔知要食幾耐先食得晒呢? ($22/ 半個,$40/個)

掌生穀粒

掌生穀粒主張純正蜂蜜精神,將8大果蜜帶到嚟香港。以往要由台灣一樽樽咁搬返嚟香港先有得食,而家喺尖沙咀就有喇!不過價錢就比台灣貴,要方便定係要價錢平,就大家自己決定喇。

誠品生活 尖沙咀
攝影師哥哥早排先喺台灣辛辛苦苦咁搬咗d蜜糖返嚟,點知而家香港都有,一路影一路話早知唔洗搬得咁辛苦啦!($218-$268)
呢度嘅冷泡茶亦好出名,而且每樣茶都改咗個好靚嘅名,好似「董的小情歌」、「許家的日出天光」等等
呢度嘅冷泡茶亦好出名,而且每樣茶都改咗個好靚嘅名,好似「董的小情歌」、「許家的日出天光」等等

御前上茶

相信大家對呢個品牌都唔陌生,而全間誠品生活入面,御前上茶係唯一一間有設置座位畀客人進食嘅店舖,亦係唯一一間甜品店。

誠品生活 尖沙咀

誠品生活 尖沙咀

諾亞半熟蛋糕

越開越多嘅諾亞半熟蛋糕,亦都進駐埋誠品生活。

誠品生活 尖沙咀

Nicole’s Kitchen(香港品牌)

雖然唔係過江龍,不過呢間本地代表亦好吸引,果醬全部由創辦人以天然食材親手製作,食落唔會太甜,清清哋啱啱好。

呢款紅酒無花果果醬,坊間少見,而且味道特別($120)
呢款紅酒無花果果醬,坊間少見,而且味道特別($120)
誠品生活 尖沙咀
除咗果醬,亦有賣手工XO醬,鮮味十足而且唔太辣,記者都忍唔住買咗樽($250)
顧客可以即時試食,試到啱為止
顧客可以即時試食,試到啱為止

除咗以上嘅品牌之外,誠品生活亦有賣其他台灣食品。

誠品生活 尖沙咀
呢隻蜂蜜乳酪絲絕對係食唔停推介,不過香港嘅售價就有d貴喇($119)

林果良品

以手工紳士鞋見稱嘅林果良品,以男裝為主打,不過部份鞋款有較細尺碼,女仔亦啱著,但香港店暫時不設訂造,只可以買現貨,想訂造嘅都係要去返台灣分店先得。

誠品生活 尖沙咀

呢對巴爾莫勒爾皮底靴,係香港特別限量款,連台灣總店都冇得賣($2380)
呢對巴爾莫勒爾皮底靴,係香港特別限量款,連台灣總店都冇($2380)

廣富號

為咗紀念進駐香港,廣富號亦推出咗香港特別版貨品,包括麻雀圖案散紙包、地道小食證件套等等,誠意十足!

呢款麻雀圖案散紙包,仲可以訂造唔同嘅麻雀,有齊42款($120)
呢款麻雀圖案散紙包,仲可以訂造唔同嘅麻雀,有齊42款($115)
地道小食證件套($120)
地道小食證件套($120)

grion

grion最出名嘅係佢嘅環保袋,不過行到入去,記者反而被其他小物吸引住!

誠品生活 尖沙咀

以水松木壓製而成嘅證件套同埋各種配件都好有特色
以水松木壓製而成嘅證件套同埋各種配件都好有特色
惡搞各種卡通人物嘅明信片,好想帶晒佢哋返屋企!
惡搞各種卡通人物嘅明信片,好想帶晒佢哋返屋企!

想知道更多其他品牌同埋工作坊嘅詳情,就要留意10月5號出版嘅第839期《新假期》喇!

誠品生活

地址:尖沙咀梳士巴利道3號星光行2-3樓(顯示地圖
營業時間:10am – 10pm

延伸閱讀
歐洲家品大哥 Habitat 襲港!精選十大必買家品!【銅鑼灣好去處】
率先睇﹗ 「 H&M 家品部 」抵買之選
新假期周刊 電子書:
ios:https://itunes.apple.com/hk/app/xin-jia-qi-zhou-kan/id722179449?mt=8
Android:https://play.google.com/store/apps/details?id=com.weekendhk.newsstand2&hl=zh_HK

新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!
想最快接收第一手的旅遊飲食資訊?Easy!
1. 先分別讚好「新假期周刊」及「新假期Jetso 」兩個Facebook專頁
2. 在「讚好」按鈕下揀選「搶先看」,搞掂!
see first template

最新吃喝玩樂資訊