拍MV勝地! 東龍島輕鬆影唯美山系靚景 |周末遊懶人包
拍MV勝地! 東龍島輕鬆影唯美山系靚景 |周末遊懶人包

拍MV勝地! 東龍島輕鬆影唯美山系靚景 |周末遊懶人包

一到周末,就想遠離繁囂,去個渺無人煙之地,過一個懶洋洋的下午。今次為大家介紹一個寧靜小島-東龍島。東龍島的營地區,有無敵大海景之餘,旁邊又有山系人士大愛的樹林景,絕對是一個輕鬆郊遊同時又可以影靚相的好地方!正因為景色唯美,有不少MV都在此取景,仲有明星愛到此地露營呢!即刻帶大家輕鬆郊遊東龍島,出發!
路線:西灣河(搭船)-東龍島碼頭(第一站:近炮台營地士多)/(第二站:近假日士多)-東龍洲炮台

東龍洲小知識:

  • 東龍洲又名東龍島,是香港西貢區最南端的島嶼
  • 島嶼面積達2.42平方公里
  • 東龍島炮台特別地區,內有東龍洲炮台遺址
  • 炮台於康熙年間(1662年至1722年)建造,作為防禦海盜之用
  • 營地區是漁農自然護理署的指定露營地點之一,最少可以容納7個露營單位

跟住容祖兒、杜小喬做唯美女神!MV取景勝地!

自然美景,配上燦爛陽光,最容易影到女神照。有不少歌手的MV都在東龍島取景,有容祖兒《與蝶同眠》、黎曉陽《永遠很近》和KillerSoap《告訴我》等。海浪有節奏地拍打著礁石,鏡頭從背面拍著主角,望著激起的浪花,寧靜而唯美。記者實測,真的隨手影都影到靚相(當然,配合陽光和風就令畫面構圖更美)

海景:

東龍島_郊遊_山系
《永遠很近》MV截圖
東龍島_郊遊_山系
《永遠很近》MV截圖
《與蝶同眠》MV截圖。如沒有陽光都不要緊,可將圖片轉做灰間色調也很有味道。
《與蝶同眠》MV截圖。如沒有陽光都不要緊,可將圖片轉做灰暗色調也很有味道。

樹林景:

《永遠很近》MV截圖
《永遠很近》MV截圖
東龍島_郊遊_山系
《告訴我》MV截圖

何韻詩:一個唔覺意,又去咗加拿大

如果有留意開instagram的朋友,都會見好多明星除了愛跑步,最近也愛行山或露營,而何韻詩也是其中一員。她到了東龍島後,仲話一個唔覺意去了加拿大,可想而知東龍島都帶點外國郊外的味道。

Hocc Goo(@hoccgoomusic)張貼的相片 張貼

一個唔覺意,又去咗加拿大。 Hocc Goo(@hoccgoomusic)張貼的相片 於 張貼

前往方法:

有2個地方可以搭船到東龍島:分別由西灣河出發,或者油塘鯉魚門三家村出發

今次就選擇了從西灣河出發!登船地點在筲箕灣避風塘碼頭,西灣河港鐵站A出口,向嘉亨灣方向一直行就到。

東龍島_郊遊_山系
於愛秩序灣海濱公園直行,就會見到登船位置。

東龍島_郊遊_山系

東龍島_郊遊_山系
上到船,就可以買船飛。售票員會問你即日來回定單程,視乎你會唔會在東龍島露營定即日來回。
東龍島_郊遊_山系
船期表(官方相片)

第一站:東龍島碼頭(近炮台營地士多)

由西灣河出發,大約45分鐘會到東龍島第一站。船員會問你想行山定純粹到營地,想行山就第一站下船,想輕鬆到營地就第二站下船。

東龍島_郊遊_山系
下船後會見到旁邊的海水是很美的藍綠色,很清澈,景色很美。
東龍島_郊遊_山系
沿著炮台營地士多這條路,一上會見到合全士多,再向左行,一條直路行,會去到另外三間士多,是第二站落船的地方。
東龍島_郊遊_山系
由第一站行去第二站大約15分鐘,一條直路,非常易行,風光明媚。

東龍島_郊遊_山系

第二站:東龍島碼頭(近假日士多)

由第一站行到第二站,大約十五分鐘,沿途風光明媚,亦非常易行。之後就會見到其餘三間士多,有假日士多、新創意士多和南園士多。如果早去的朋友,可以在士多食個Brunch,再入去炮台營地區。

東龍島_郊遊_山系

東龍島_郊遊_山系

第三站:唯美景致-東龍洲炮台特別地區

影相位一:無敵大海景

食飽飽就入去我哋的重點項目,影!靚!相!行入去東龍洲炮台特別地區之前,沿途會見到無敵海景,可以行埋落去,坐在海邊觀海又得,行到出少少海邊位置影相又得,點影都靚!

東龍島_郊遊_山系

東龍島_郊遊_山系

東龍島_郊遊_山系
個人建議,穿白色或者淺色系衣物去影相會比較唯美,哈哈。

影相位二:崖邊海景

行到入去會先見到樹林,左右兩旁會有海景,其實兩邊都好影,視乎你唔想影埋懸崖峭壁感覺的相片。

東龍島_郊遊_山系
入到東龍洲炮台,會先見到一片樹林,左右兩旁都有海景。
東龍島_郊遊_山系
於樹林左邊的海景,對面會見到清水灣高爾夫球場。
東龍島_郊遊_山系
在樹林的右邊有個位置,行過去就會見到一片海。不過,行過去都要小心點,有點陡峭。

影相位三:山系旅人最愛翠綠樹林

影完海景,影樹林景。樹木分佈不算茂密,都有不少位置比人去影相。如果想行山的話,可以繼續向上,路途都幾舒服,可以輕鬆行。

東龍島_郊遊_山系

東龍島_郊遊_山系
可以試試以藍調影樹林景,都幾有味道。

第四站:營地野餐

玩到攰,可以去樹林前的位置,有一大片位置可以BBQ,或者野餐。當日去就見到有家庭帶埋狗仔一齊野餐,位置夠大,而且乾淨,都幾舒服。

東龍島_郊遊_山系
環境寧願,適合露營。記者當日就見到有兩三個營。
東龍島_郊遊_山系
有不少家庭都愛在這裡郊遊,小朋友玩得都幾開心。
東龍島_郊遊_山系
當日就帶了抹茶醬配餅乾,好好吃喔!

第五站:碼頭睇日落

尾班船在17:30開出,去到碼頭等船無嘢做,又可以影下相,剛好可以影到日落照。

東龍島_郊遊_山系

東龍島環境舒服,又有海景,又有樹林景,的確是郊遊的好去處。值得留意的一點,是大家去郊遊時,不要遺下垃圾喔,因為記者當日見到海景好靚,不過就有不少垃圾在旁,你都唔想影靚相時見到垃圾吧。

東龍島 垃圾

東龍島
路線:西灣河愛秩序灣海濱花園(顯示地圖)-東龍島碼頭(第一站:近炮台營地士多)/(第二站:近假日士多)-東龍洲炮台
時間:由西灣河去東龍島碼頭(約1小時)
難度:✩✩✩✩✩(零難度,輕鬆去郊遊)
前往方法:2個方法,分別由西灣河出發,或者油塘鯉魚門三家村出發

想知更多吃喝玩樂資訊,快啲Like Katietong Facebook啦!

KATIETONG

 

最新吃喝玩樂資訊