打卡必去 草間彌生
打卡必去 草間彌生

打卡必去!草間彌生嘅招牌南瓜 以裸眼3D技術 現身滙豐尖沙咀巨型廣告位

香港好去處

廣告

咩話?草間彌生招牌南瓜喺街度都睇到?仲要3D到好似走咗出嚟咁樣?

無錯,大家最近去開尖沙咀嘅話,就千祈唔好錯過喺尖沙咀碼頭旗桿附近嘅巨型LED廣告。最近,草間彌生喺M+嘅展覽開幕,而滙豐作為展覽嘅首席贊助,最近就將藝術帶入大家嘅日常之中,將草間彌生嘅招牌南瓜,勁立體咁呈現出嚟。

而今次,滙豐亦同咗數碼互動作品創作者Henry Chu合作,喺同一位置帶咗佢嘅作品畀大家;呢個作品仲利用咗科技,可以同觀賞嘅行人實時互動。

今次亦係首次有品牌喺呢個廣告屏幕同時利用裸眼3D技術同埋互動元素。快啲睇晒呢篇文嘅介紹,跟住約埋朋友一齊去打卡啦!

展示一:草間彌生巨型3D南瓜活現眼前

大家都應該知,草間彌生嘅展覽最近登陸M+,而滙豐就係M+首個特別展覽「草間彌生:一九四五年至今」 嘅首席贊助;最近,滙豐為咗將藝術帶畀大家,將草間彌生嘅招牌南瓜,融入於戶外廣告之中,並以裸眼3D技術呈現,希望藉此拉近藝術同大眾嘅距離,打破藝術遙不可及嘅印象。

打卡必去 草間彌生 滙豐將藝術融入於戶外廣告之中,希望藉此拉近藝術同大眾嘅距離,打破藝術遙不可及嘅印象。
滙豐將藝術融入於戶外廣告之中,希望藉此拉近藝術同大眾嘅距離,打破藝術遙不可及嘅印象。

呢個廣告,可以話係近期最Hit嘅打卡位之一。廣告屏幕以裸眼3D技術呈現南瓜,佢哋有大有細,仲有唔同形狀,最尾仲會變大,同埋郁動。好震撼!保證大家睇到嗰陣會懷疑自己眼花,要嚟打卡、影Reels一流!夜晚睇嘅話,仲有另一個Feel~ 碌落去睇下有咩打卡貼士啦!

打卡必去 草間彌生 今次廣告展示嘅南瓜有唔同形狀,仲會變大變細同埋移動,影Reels一流呀!
今次廣告展示嘅南瓜有唔同形狀,仲會變大變細同埋移動,影Reels一流呀!
打卡必去 草間彌生 打卡小貼士:當其中一個南瓜變大嘅時候,面向屏幕嘅大家,向左手面行幾步影埋去,就可以影到勁立體嘅大南瓜!
打卡小貼士:當其中一個南瓜變大嘅時候,面向屏幕嘅大家,向左手面行幾步影埋去,就可以影到勁立體嘅大南瓜!

展示二:互動的花瓣 跟住途人郁 人多愈多花

與此同時,滙豐亦同數碼互動作品創作者Henry Chu合作,喺同一個位置帶咗個會同街上行人實時互動嘅作品畀大家。

呢個作品結合咗藝術同埋科技,將街上嘅行人都變成作品嘅一部份。當有人喺廣告板面前經過,螢幕上嘅花就會實時跟隨行人嘅方向移動;當廣告板面前嘅人愈來愈多,螢幕上嘅花亦會實時增加。呢個作品想做到嘅,就係讓藝術走入大眾嘅日常之中;日常中隨處可見嘅面貌,其實都可以係藝術——所有人,都參與到,都可以成為藝術嘅一部份。

打卡必去 草間彌生 呢個作品結合咗藝術同科技,街上嘅行人都變成作品嘅一部份。大家可以企遠啲,連埋路過嘅行人一齊拍返段片。
呢個作品結合咗藝術同科技,街上嘅行人都變成作品嘅一部份。大家可以企遠啲,連埋路過嘅行人一齊拍返段片。
打卡必去 草間彌生 打卡小貼士:大家可以趁好多人係廣告屏面前經過嘅時候,行埋去同啲花花打卡。
打卡小貼士:大家可以趁好多人係廣告屏面前經過嘅時候,行埋去同啲花花打卡。

尖沙咀巨型藝術廣告位詳情

日期:由即日起至2022年12月8日
地點:尖沙咀天星碼頭旗桿附近的九巴總站廣告屏

打卡必去 草間彌生

咁特別嘅戶外廣告,大家快啲約埋朋友一齊去啦!而滙豐嚟緊仲會將藝術由戶外延伸到元宇宙,記得密切留意喇!

資料來源:HSBC

最新吃喝玩樂資訊