【全新打卡位】香港動植物公園【邂逅!市中森】藝術作品展+網上公眾活動
【全新打卡位】香港動植物公園【邂逅!市中森】藝術作品展+網上公眾活動

【全新打卡位】香港動植物公園【邂逅!市中森】藝術作品展+網上公眾活動

想喺假日遠離煩囂,感受吓大自然美景,同時又可以欣賞到藝術作品,呢個作品展一定適合你!藝術推廣辦事處推出 「邂逅!市中森」公共藝術項目,由香港動植物公園(兵頭花園)的歷史、集體回憶、文化想像及自然生態角度出發,透過不同媒介藝術創作呈現,一共有17組藝術家/藝術團隊參與。同時亦會舉辦網上公眾活動,等大家可以一同參與藝術創作!

17組藝術家/藝術團隊展出作品

坐落喺金鐘地標附近嘅香港動植物公園,其實即係細個經常聽到嘅「兵頭花園」,集百年古蹟、 古樹名木、瀕危絕種動物於一身,今次仲有埋本地藝術家參與,創作屬於公園集體回憶嘅作品,令香港動植物公園嘅文化氣息再度提升!17 組藝術家/藝術團隊,包括唐納天、陳曦靜、 張康生、張惠文、深食、即興項目、葉曉文、李卓媛、梁家泰、梁美萍、吳海賜、 蘇秀儀、董永康、黃耀霖、黃榮法、王禾璧以及&dear,聯同是次藝術項目策劃夥伴 (影像藝術) 光影作坊及音樂演出夥伴香港創樂團,用藝術創作帶大家以另一角度認識香港動植物公園。

精選展品:《城市中的動物》

自從1876年起,香港動植物公園就開始利用當時嘅原始建築飼養少數雀鳥同哺乳類動物。直至而家,公園仍然有大約一半地方用嚟飼養瀕臨絕種動物,包括婆羅洲猩猩、紅頰黑猿、霍氏樹懶、美洲紅鸛同盾臂龜等約160隻雀鳥、70頭哺乳類動物和30頭爬行類動物。所以動物對於香港動植物公園嚟講都係其中一種最有代表性嘅象徵。

而藝術家張惠文嘅畫作作品《城市中的動物》,就將公園裡嘅動物以擬人化形式以畫作融入香港唔同嘅地方,非常可愛。

【全新打卡位】香港動植物公園【邂逅!市中森】藝術作品展+網上公眾活動

【全新打卡位】香港動植物公園【邂逅!市中森】藝術作品展+網上公眾活動

作品名稱:《城市中的動物》

藝術家:張惠文

作品位置:散落於公園不同角落

精選展品:《曾經》

由藝術家張康生創作, 以光影記錄古樹的質感、線條、形態,並疊加以光線呈現樹幹紋理,創作出一幅幅如詩如畫的浮凸影像,將公園嘅風景以影像形式捕捉,留低一刻作為永恆記錄。

【全新打卡位】香港動植物公園【邂逅!市中森】藝術作品展+線上工作坊

作品名稱:《曾經》

藝術家:張康生

作品位置:避雨亭(噴水池 花園平台旁)

其他精選展品:《情迷島中園》 、《尋聲》 、《移動丘陵》

除咗影像及畫作作品,公園另外會展出唔同嘅裝置藝術品同藝術活動,讓公眾以多角度認識藝術家們眼中嘅香港動植物公園。

【全新打卡位】香港動植物公園【邂逅!市中森】藝術作品展+線上工作坊

作品名稱:《情迷島中園》

藝術團隊:深食

作品位置:避雨亭(噴水池 花園平台旁)以及活動形式進行

【全新打卡位】香港動植物公園【邂逅!市中森】藝術作品展+線上工作坊

作品名稱:《移動幽靈》

藝術團隊:梁美萍

作品位置:訪客中心

【全新打卡位】香港動植物公園【邂逅!市中森】藝術作品展+線上工作坊

【全新打卡位】香港動植物公園【邂逅!市中森】藝術作品展+線上工作坊

作品名稱:《尋聲》

藝術團隊:即興項目

作品位置:噴水池平台花園

除咗上述精選作品,仲有更多不同藝術作品於【邂逅!市中森】期間限定展出,記得把握機會過嚟欣賞吓喇~稍後會有不同類型嘅網上公眾活動,讓公眾除咗觀賞作品外,亦可以一同參與藝術創作~詳情可以去「我地藝術」Facebook專頁了解吓:www.facebook.com/apo.artOUR

【邂逅!市中森】項目詳情

項目網頁:https://www.lcsd.gov.hk/CE/Museum/APO/zh_TW/web/apo/hi_flora_fauna.html

舉辦日期:2021年1月16日-2021年6月30日

費用:免費入場

地點:香港動植物公園

地址:香港中環雅賓利道

開放時間:

噴水池平台花園:上午 5 時至下午 10 時

溫室/ 教育及展覽中心:上午 9 時至下午 4 時半

其他:上午 6 時至下午 7 時

涼亭作品《幻想終端 7120》運作時間:上午 10 時至下午 6 時

註:因應新型冠狀病毒的最新情況,公園部分設施包括溫室及哺乳類動物區暫時關閉,部分作品因此暫不開放參觀。請各位出行前留意公園網頁的最新消息。

(Presented by LCSD)

最新吃喝玩樂資訊