年花
年花

買年花推介|無年宵花市點算好? 盤點香港5大花農種植場 挑選心水年花!附路線及前往方法

香港好去處

買年花|仲有兩星期左右就到農曆新年,過年唔少人都會買年花佈置家居,令屋企增添新年氣氛之外,更希望透過年花寓意,為自己及家人添好運!可惜疫情反覆,今年年宵花市被取消,除咗旺角花墟外,仲有無其他選擇?今次記者就為大家介紹香港5大農莊,直接搵花農買心水年花!

全港商場新春主題打卡位
深水埗玩具街平掃年貨直擊

買年花推介|盤點香港5大花農種植場

1. 粉嶺鶴藪農耕菜 如意吉祥水仙花

水仙花係過年必買嘅年花之一,寓意吉祥。祝願親友同自己家庭幸福好運;如意吉祥,萬事稱心。喺粉嶺流水響嘅鶴藪農耕菜,種植水仙花四十幾年,所有水仙都係親自開頭、浸水、上盆,每一盆都係心血之作。農莊溫馨提示客人可以自備水仙盆嚟買企頭,呢個做法相當環保,另外如果客人屋企有好多水仙盆唔知點處理,可以帶啲水仙盆畀農莊回收。

年花 無論係單托定雙托農莊都有出售 ,至於頭數,由6頭至12頭都有,仲有特大頭添!
無論係單托定雙托農莊都有出售 ,至於頭數,由6頭至12頭都有,仲有特大頭添!(圖片來源:[email protected]鶴藪農耕菜)
年花 種出嚟嘅水仙花又肥又矮又壯,超靚!
種出嚟嘅水仙花又肥又壯,超靚!(圖片來源:[email protected]鶴藪農耕菜)
年花 每粒水仙頭都係由花農親手刮刮刮、搣搣搣、浸浸浸、砌砌砌。
每粒水仙頭都係由花農親手處理。(圖片來源:[email protected]鶴藪農耕菜)

鶴藪農耕菜

地址:大窩村楊園(顯示地圖)
前往方法:粉嶺火車站搭52B往流水響小巴,楊園舖仔落車,再致電負責人
聯絡方法:9224 8127

2.大埔偉財記 鴻運當頭蝴蝶蘭

講到年花又點可以唔提蝴蝶蘭呢?唔同顏色嘅蝴蝶蘭,有唔同嘅花語,眾所周知紅心蝴蝶蘭就鴻運當頭、黃色就象徵生意興隆等……另外,蝴蝶蘭嘅花形既優雅又有氣勢,花之四君子之一嘅佢,的確買盆返屋企絕不失禮。位於大埔林村新塘嘅偉財記,款式齊,數量多,佔地廣! 總有一款啱你心意。

年花 款式齊,數量多!
款式齊,數量多!(圖片來源:[email protected]偉財記)
年花 太多花種三心兩意唔知揀邊款?花埸提供已拼合嘅蘭花,花款均為小盆款式,放係辦公室枱頭或屋企茶几就最fit啦!
三心兩意唔知揀邊款?花埸提供已併合嘅蘭花,花款均為小盆款式,放喺辦公室枱頭或屋企茶几就最fit啦!(圖片來源:[email protected]偉財記)
就連年花都有「神」嘅岀現,夠創意之餘一定呃到like!
就連年花都有「神」嘅岀現,夠創意之餘一定呃到like!(圖片來源:[email protected]偉財記)

偉財記

地址:大埔林村新塘 (鄰近許願樹)(顯示地圖)
前往方法:由大埔墟搭九巴64K 或 小巴25K,於新塘站落車
駕車人士由大埔出發前往林村,經過均益士多前行150米,就會見到
營業時間:上午9時至下午7時
電話:6272 0002蘇生/9603 0543 蘇生

3.信芯園農莊 長壽花劍蘭

正所謂各花入各眼,有人買花鍾意一盆盆,亦有人鍾意買花一支支,長壽花劍蘭可以話係一枝獨秀!一枝花最勁可以開到十朵,而換水又唔洗太頻密,花嘅盛放期大概有10日左右,計啱時間買,就年初一到十都花開富貴!元朗信芯園農莊喺上年12月已經喺社交平台向大家分享會動工種植劍蘭,你睇,係劍蘭花海呀!負責人信哥更於1月發帖文劍蘭會公開岀售。

元朗信芯園農莊金百合黃劍蘭盛開
年花 今年種植共20萬支劍蘭。
今年種植共20萬支劍蘭。(圖片來源:[email protected]信芯園農莊)
年花 劍蘭花蕊不斷向上開,有「步步高陞」之意。
劍蘭花蕊不斷向上開,有「步步高陞」之意。(圖片來源:信芯園農莊)
年花 劍蘭枝
劍蘭$10枝(圖片來源:信芯園農莊)

信芯園近日亦再於Facebook表示,因人手問題,暫不提供外購和送貨服務。農場每日上午9時至下午6時開放,農曆新年照常營業。

年花
(圖片來源:信芯園農莊Facebook截圖)

信芯園農莊

  • 開放日期:2021年12月12日起至另行通知
  • 開放時間:9am-6pm
  • 地址:新田信芯園(顯示地圖
  • 費用:入場時即場付入場費手帶$50
  • 前往方法:信芯園農莊村內完全沒有任何車位,請使用公共交通工具入場,由元朗前往:九巴76K、紅色小巴17、綠色小巴75、76;由上水前往:九巴76K、紅色小巴17,可以於石湖圍落車,步行5分鐘即可到達。
  • Whatsapp:96216012
  • FB:信芯園農莊

注意事項:

1. 請聽從農夫及工作人員指示
2. 嚴禁吸煙和亂拋垃圾,違者即時會被驅逐離開
3. 如花因遊人行為被破壞,必須即時繳付以當日花價
4. 收費、開放安排以農夫及工作人員即時決定為準
5. 開放安排可能因應疫情會有所改動,請留意我們最新消息
6. 請勿擅闖農地或偷取農作物
7. 單車不可進入農場範圍,請停泊於青山公路單車停放處
8. 未經批准,農地範圍嚴禁使用三腳架及反光板,以保障其他遊人安全
9. 如欲帶狗入場必須手抱,農場一帶鄉村有兇猛惡犬,請自理狗隻安全
10.落田前請除下背囊及收起雨傘/陽傘,以防背囊或雨傘/陽傘掃爛花朵。如有損毀,農場有權要求涉事人以當日花價作出補償

11. 除婚攝及商業攝影以外不須預約

4. 錦上路財記花園 旺人緣姻緣桃花

呢間有30多年經驗種植本地桃花嘅花場,咁多年嚟都係客人親自搵上門,從未擺過年宵或花墟。佢哋嘅桃花得到咁多人慕名而來,全因佢哋有齊各種大小尺寸嘅桃花,品質同樣有保證。無論大屋細屋都入到屋呀!

年花 桃花可以旺桃花緣、旺人緣 更可以大展鴻圖。
桃花可以旺桃花緣、旺人緣 更可以大展鴻圖。(圖片來源:[email protected]錦上路財記花園)
年花 大家揀桃花嘅時候戴好口罩。
大家揀桃花嘅時候戴好口罩。(圖片來源:[email protected]錦上路財記花園)
年花 一棵桃花至少要種兩年先可以岀售,花農用盡心機同汗水照顧㗎!
一棵桃花至少要種兩年先可以岀售,花農用盡心機同汗水照顧㗎!(圖片來源:[email protected]錦上路財記花園)

錦上路財記花園

地址:石崗錦上路財記花園(顯示地圖

任何查詢:93018969 郭先生

5. 田香花園 大吉大利·桔

除咗買年花,當然仲有年桔!而家嘅年桔唔一定再係大大盆,細細棵一樣都有。貼返張揮春上去,新年嘅感覺返晒嚟,對氣味敏感嘅朋友,嚟到一定味到一陣桔嘅清香味,精神!

年花 嚟到一定味到一陣桔嘅清香味!
嚟到一定味到一陣桔嘅清香味!(圖片來源:[email protected]田香花園)
年花 細細棵一樣都有。
細細棵一樣都有。(圖片來源:[email protected]田香花園)
年花 年桔放置期約1個月。
年桔放置期約1個月。(圖片來源:[email protected]田香花園)

田香花園

地址:元朗大樹下東路大旗嶺新路口(顯示地圖)
前往方法:首先,坐小巴73元朗朗屏開出丶的士丶自駕都係大樹下天后廟落(天后廟停車場免費)落車之後,搵(大樹下公廁)沿路行3分鐘
電話:95004530 陳生/91431875 陳太

常見問題
問:想問年花有邊度好介紹?
答:直接去花場同花農買,例如到:鶴藪農耕菜、偉財記、信芯園農莊、錦上路財記花園、田香花園

問:新年有咩地方去?
答:想新年行大運兼影相打卡,可率先看全港逾26間商場新春主題佈置:全港商場新春主題打卡位

想問年花有邊度好介紹?

直接去花場同花農買,例如到:鶴藪農耕菜、偉財記、信芯園農莊、錦上路財記花園、田香花園

有無拍拖好去處推介?

為大家推介香港13大情侶拍拖好去處!包括鄉村遊、城市影相好去處、寫意的近郊離島遊等,沿路風光明媚,絕美打卡位超多,一於記低佢趁假日來個浪漫二人遊啦:13大情侶拍拖好去處推介

圖片來源:[email protected]鶴藪農耕菜、[email protected]偉財記、[email protected]信芯園農莊、[email protected]錦上路財記花園、[email protected]田香花園

最新吃喝玩樂資訊