屯門一日遊|$100玩盡屯門!情侶食買玩行程攻略 屯門美食掃街+屯赤偽出國打卡|窮遊假期|香港好去處
屯門一日遊|$100玩盡屯門!情侶食買玩行程攻略 屯門美食掃街+屯赤偽出國打卡|窮遊假期|香港好去處

屯門一日遊|$100玩盡屯門!情侶食買玩行程攻略 屯門美食掃街+屯赤偽出國打卡|窮遊假期|香港好去處

想出街玩又想慳錢?新假期新欄目《窮遊假期》幫緊你幫緊你!今次同大家去屯門一日遊,不過講真屯門咁大,一日無可能玩得晒,唯有同大家去重點位打卡同美食掃街啦!同樣地今次只用$100預算,有齊食買玩行程,去勻美食炸髀、靚景屯赤偽出國打卡等,玩足一日人均都係$100左右,夠晒經濟實惠(情侶即雙倍預算~$200)!

撰文:GW |來源:新假期編輯部

【屯門一日遊】教你$100玩盡屯門!情侶完整食買玩行程
1.屯赤隧道 港版邁亞密偽出國打卡

第一站先到今年爆紅的「港版邁亞密」拍照逛逛,自屯赤隧道通車後,在屯門入口附近的浩和街一條超長沿海堤壩成為了全新熱點,老實講位置非常遙遠同偏僻,如不是自行駕車前往的話,需先搭巴士到附近落車後,再走路約20分鐘前往。

(圖片來源:新假期編輯部)
屯赤隧道 港版邁亞密偽出國打卡(圖片來源:新假期編輯部)
(圖片來源:新假期編輯部)
環境雖偏遠,但景觀開揚,絕對值得一來!(圖片來源:新假期編輯部)
(圖片來源:新假期編輯部)
一大片無際草地(圖片來源:新假期編輯部)
(圖片來源:新假期編輯部)
影相好有外國Feel(圖片來源:新假期編輯部)

雖路途遙遠,不過靚景就絕對值得一到,沿海的超長堤壩,加上一大片一望無際的真草地 ,一排排整齊有序的棕櫚樹,配上足有270度的海景,的確很有外國的氣氛,加上陣陣海風送爽,令人心曠神怡。

(圖片來源:新假期編輯部)
270度無敵大大大海景,仲有一陣陣海風,夠晒Chill(圖片來源:新假期編輯部)
(圖片來源:新假期編輯部)
一排排的棕櫚樹,好有外國感覺~(圖片來源:新假期編輯部)
(圖片來源:新假期編輯部)
藍天白雲配草地,無得輸!(圖片來源:新假期編輯部)
(圖片來源:新假期編輯部)
由底影上去顯腿長(圖片來源:新假期編輯部)

消費額:$0

  • 屯赤隧道
  • 地址: 屯門望后石浩和街(顯示地圖
  • 前往方法:屯門港鐵站乘坐K52巴士至望后石站下車,再步行20-25分鐘至浩和街。

注意事項

1. 附近沒有士多餐飲,而且沒有遮陰處,請帶備足夠食水。
2. 海旁沒有欄杆及救生設備,請時刻留意自身安全。
3. 附近沒有時租車位,自駕前往請留意。
4. 自備防蚊措施,宜穿淺色長袖衫褲。
5. 愛護環境,自己的垃圾,自己帶走。
6. 屯赤隧道附近車輛流量較多,請勿隨意走出馬路。

2.屯門兆禧主場天台運動場《ERROR 自肥企画 》拍攝地朝聖

離開浩和街後向蝴蝶灣方向出發,屯門兆禧去年新開了全港首個「籃球 x 平衡車」運動場,佔地逾4萬呎,設有多個籃球場、多用途球場外,更有特色平衡車賽道,場內以天藍色配上橙色,色彩超繽紛,好有年輕活潑的感覺,也為社區注入更多活力,不少人路過都會入去打個卡!

全港首個「籃球 X 平衡車」多用途運動場!免費入場+佔地逾4萬呎+彩色打卡位|香港好去處
屯門兆禧主場天台運動場(圖片來源:新假期編輯部)

尤其在ViuTV節目《ERROR 自肥企画 》中,以兆禧主場作為取景地後,令場地的人氣更上一層樓,引來多人朝聖,筆者當然不例外,既然來到,就入去睇一睇啦!

兆禧主場 Error error自肥企画
兆禧主場成為第二集《ERROR 自肥企画 》主要作戰場景。(圖片來源:新假期編輯部)

消費額:$0

  • 屯門兆禧運動場
  • 地址:屯門湖翠路 201 號兆禧苑停車場上蓋(顯示地圖
  • 開放時間:早上7時至晚上10時

3.屯門新店「泰小子」 地道泰式街頭小吃

打完卡攰攰地仲有啲肚餓,一於入返屯門市中心地區搵食!第二站來到屯門最近新開的「泰小子」,聽聞每日賣200件泰式香蕉煎餅,而且煎餅口味多多,一共有10款任君選擇,包括傳統榛子醬、雙重芝士紫薯味及D24榴槤味等,每款足料吸引,亦有芒果糯米飯、芒椰奶西沙冰、泰式奶茶等,一於歎返杯消消暑!

泰小子於6月屯門開業(圖片來源:新假期編輯部)
屯門新店「泰小子」 地道泰式街頭小吃(圖片來源:新假期編輯部)
Nutella榛子醬香蕉煎餅餅底望落超薄身,食落果然脆口。(圖片來源:新假期編輯部)
Nutella榛子醬香蕉煎餅$35 餅皮煎得香脆,榛子醬香甜不膩口,好食!(圖片來源:新假期編輯部)
芒椰奶西內有沙冰,消暑必備!(圖片來源:新假期編輯部)
芒椰奶西沙冰$28 西米大大粒,芒果肉足料,沙冰口感消暑一流(圖片來源:新假期編輯部)

消費額:$28-$40

  • 泰小子
  • 地址:屯門青河坊3號利寶大廈地下3號舖(顯示地圖
  • 電話:3488 0827
  • 營業時間:星期一至日12nn-9pm
  • Facebook專頁:泰小子 Thaiholic

4.屯門名物 很得輝生炸雞髀

一直沿著青山公路清山灣段覓食,第3站來到不少人專程來到的屯門很得輝炸髀專門店,主打炸雞髀、特色小食和台式飲品,開業3年多已穩穩紮根,儲下了不少食客,今年5月更殺入大角咀開分店,可謂「炸雞髀炸出頭」,一場來到,當然要試試呢隻炸髀到底有幾神!

皇牌生炸雞髀可是店內的生招牌,更有不少人專門慕名而來。
皇牌生炸雞髀$32 店內的生招牌,更有不少人專門慕名而來。(圖片來源:新假期編輯部)

生炸雞髀即叫即炸,外層炸得香脆,不帶多餘油脂,所以不會膩口,內層一咬就爆汁,雞肉鮮嫩可口,因為粉漿夠薄,所以口感特別酥香,重點係夠平,$32大大隻!

為保持質素,挑細每隻240克至260克的雞髀,阿輝指這個Size的雞脾比較嫩滑。
大過塊面就基本啦!(圖片來源:新假期編輯部)
雞肉厚肉多汁,配上辣粉,更加惹味!
雞肉嫩滑,外皮炸得香脆可口。(圖片來源:新假期編輯部)

消費額:$32

  • 很得輝雞髀專門店
  • 地址︰屯門仁愛堂街50號金滿閣地下C2號舖(顯示地圖
  • 電話:91948386
  • 營業時間︰星期二至日6pm-2am、星期一休息
  • FB專頁:很得輝小食

總消費額:泰小子$28+$35+很得輝$32=$95

常見問題:

問:今次窮遊假期在屯門一日遊的預算每人係幾多?
回答:$100。
問:想出街又想慳錢?
回答:新假期新欄目《窮遊假期》幫到你!

最新吃喝玩樂資訊