大棠紅葉 大棠
大棠紅葉 大棠

元朗大棠紅葉完整路線懶人包!附最新「紅葉指數」+交通安排+賞楓貼士

香港好去處

大棠紅葉慢慢變紅色了,每年11月至12月都是紅葉轉色嘅日子,不少市民都會特意前來元朗大棠,欣賞紅葉盛放景況,以下整合了最新紅葉情報、路線、特別交通安排,以及賞楓葉貼士,最近因疫情又未能出國觀賞紅葉,但其實大棠楓葉美景毫不遜色,一於約朋友去喇!

香港賞紅葉好去處5大地點推介!

【溫馨提示】郊遊時,要尊重自然環境,不要留下垃圾。做好本份,一同享受這城市的美好風景。

撰文:Heidi.M、GW、TL|資料來源:漁農署|圖片來源:新假期編輯部、漁農署

元朗大棠紅葉轉紅! 賞楓葉必去!
漁護署更新大棠「紅葉指數」

每年11至1月都是紅葉季節,要說賞紅葉勝地,元朗大棠必佔首位,大棠坐擁眾多嘅楓香樹,紅葉密緊且繁多,盛放時火紅一遍,相當壯觀!而且全程以平坦路道為主,零難度,大人、小朋友都行到!每年都吸引不少人慕名前來賞紅葉,人流絡繹不絕,假期更是人山人海,就連平日都人頭湧湧!大家嚟嘅時候要互相禮讓,影相可能要比d耐性排隊。而漁護署亦於12月17號,更新「紅葉指數」。

大棠紅葉 紅葉轉為B紅級,相信一班「追紅族」都整裝待發去睇紅葉!
紅葉轉為B紅級,相信一班「追紅族」都整裝待發去睇紅葉!(圖片來源:漁農署)
大棠紅葉 元朗大棠向來都是賞紅葉熱點,每逢假日更是人山人海!
元朗大棠向來都是賞紅葉熱點,每逢假日更是人山人海!(圖片來源:新假期編輯部)

記者現場直擊 大棠紅葉見紅色實況

過去兩星期比較暖,岀發前預計紅葉還未轉色,由大棠山道巴士站下車行大概30分鐘,景象令我眼前一亮!原來部分紅葉已開始換色。見到呢個畫面,唔影返張相就真係對唔住自己啦!即使係平日,都有唔少行山人士同越野單車手岀現,現場情景意外地熱鬧。

大棠紅葉 大自然總是愛給你驚喜,紅葉季節,蓄勢待發。
大自然總是愛給你驚喜,紅葉季節,蓄勢待發。(圖片來源:新假期編輯部)
大棠紅葉 紅葉見紅,唔少「追紅族」都岀動打卡留念。
紅葉見紅,唔少「追紅族」都岀動打卡留念。(圖片來源:新假期編輯部)
大棠紅葉 由大棠郊野公園行上楓葉林沿途其實打卡位處處,拍照時記得唔好強迫棵樹同你擺pose!
由大棠郊野公園行上楓葉林沿途其實打卡位處處,拍照時記得唔好強迫棵樹同你擺pose!(圖片來源:新假期編輯部)
大棠紅葉 一家大小夾哂dresscode 嚟影相,場面好溫馨喲!
一家大小夾哂dresscode 嚟影相,場面好溫馨喲!(圖片來源:新假期編輯部)

賞楓地點資訊、地圖、特別交通安排及小貼士

紅葉季節就到,排隊等車上山嘅情景好快又會岀現,今次記者就由登山熱點朗屏起步,由屯馬綫轉巴士,於大棠山道下車就向紅葉岀發!今年港鐵同樣設有紅葉巴士路線,想行少啲就坐巴士啦!

賞楓地點: 元朗大欖郊野公園(顯示地圖

賞楓地圖:大棠山道

交通資訊:於朗屏港鐵站轉乘港鐵巴士K66到或紅色小巴,在大棠山道巴士總站下車並沿車路步行上山約60分鐘到達楓香林。

要看大棠紅葉,不少人會選擇於朗屏港鐵站轉乘港鐵巴士K66到大棠山道作起點。
要看大棠紅葉,不少人會選擇於朗屏港鐵站轉乘港鐵巴士K66到大棠山道作起點。(圖片來源:新假期編輯部)
大棠紅葉 經過天橋,走到盡頭轉左
經過天橋,走到盡頭轉左(圖片來源:新假期編輯部)
大棠紅葉 一路靠左行會發現白色為欄嘅樓梯,落到底層,行過對面馬路就會發現巴士站
一路靠左行會發現白色為欄嘅樓梯,落到底層,行過對面馬路就會發現巴士站(圖片來源:新假期編輯部)
大棠紅葉 往大棠的班次在平日介乎4至15分鐘一班,星期六則為8至15分鐘,星期日及公眾假期則為10至15分鐘一班。
往大棠的班次在平日介乎4至15分鐘一班,星期六則為8至15分鐘,星期日及公眾假期則為10至15分鐘一班。(圖片來源:新假期編輯部)
大棠紅葉 往年港鐵公司設有K66A紅葉專車,沿大棠山道直上山,唔想行嘅朋友仔,真係要密切留意今年有冇呢條專線!
除咗K66,最近港鐵宣佈將開設K66S及K66A紅葉巴士路線,接載市民去大棠郊野公園觀賞紅葉,大家去睇紅葉又可以多個交通選擇!(圖片來源:新假期編輯部)
大棠紅葉
(圖片來源:新假期編輯部)

賞楓建議路線

  1. 大棠山道路口落車
  2. 沿路直上
  3. 經過大棠郊野公園燒烤場
  4. 經過漁護署苗圃
  5. 大欖林道(中途會有楓樹小沙丘)
  6. Y字路口轉右,到達吉慶橋休憩處
元朗大棠紅葉由黃轉紅! 九巴img class=
賞楓地圖(圖片來源:漁農自然護理處官網圖片)

賞楓注意小貼士

1. 人多擠迫,注意安全,尤其是車道上的車輛

2. 請勿採摘或踐踏植物,愛惜環境

3. 保持清潔,自己垃圾自己帶走

4. 穿著適當的衣服,方便活動

5. 不要擾到附近的居民

此外,由於部分楓香樹生長在一些小沙丘上,不少遊客會爬上沙丘。不過,踐踏這些沙丘會引致塵土飛揚,不單止造成危險,亦會影響土壤結構。大家拍照賞葉時也要注意安全,不要踐踏沙丘啊!

常見問題:

問:去賞紅葉時有什麼要留意?
答:郊遊時,要尊重自然環境,不要留下垃圾。另外,到訪村時,要尊重居民,不要影響他人。做好本份,一同享受這城市的美好風景。

問:仲有無睇紅葉地方推介?

答:香港還有不少地方都有紅葉盛放,像是石龍拱、欣澳等,以下就為大家整合了5大推介,又係時候bookmark定:5大賞楓好去處

去賞紅葉時有什麼要留意?

郊遊時,要尊重自然環境,不要留下垃圾。另外,到訪村時,要尊重居民,不要影響他人。做好本份,一同享受這城市的美好風景。

仲有無睇紅葉地方推介?

香港還有不少地方都有紅葉盛放,像是石龍拱、欣澳等,以下就為大家整合了5大推介,又係時候bookmark定:5大賞楓好去處

撰文:漁農署圖片來源:新假期編輯部、漁農署

最新吃喝玩樂資訊