南生圍
南生圍

南生圍「輻射霧」岀沒注意!仙氣畫面網民熱烈討論 攝影師教你5招捕捉靚景+攝影心得大放送

香港好去處

話咁快又新一年喇!每年都有唔少人鍾意喺12月31日晚上山,喺山上睇新一年嘅第一個日出。而南生圍都係受香港人歡迎嘅睇日出地點之一,而最近更有網民喺Facebook分享一張「輻射霧」日出相,成為熱話之餘,更令網民開眼!即刻睇下係咩一回事啦~

南生圍「輻射霧」岀沒注意!攝影師捕捉奇觀

攝影師Shun Wong喺上周冬至(12月21日),分享一輯相片到Facebook群組「香港風景攝影會」,表示一連兩日到訪南生圍,於日出時分拍攝到地面形成濃霧嘅現象。照片引來逾萬網民讚好,紛紛讚嘆景色如「仙境一樣」,並表示想像不到在香港也能看到如此壯觀嘅美景。

南生圍 就連攝影師自己都估唔到作品會有咁多人like 同share 。
就連攝影師自己都估唔到作品會有咁多人like 同share 。(圖片來源:[email protected] Wong)
南生圍 網民紛紛讚嘆景色好似「仙境一樣」,完全估唔到香港都可以睇到咁此壯觀嘅美景。
網民紛紛讚嘆景色好似「仙境一樣」,完全估唔到香港都可以睇到咁此壯觀嘅美景。(圖片來源:[email protected] Wong)

「輻射霧」係咩嚟?係咪真係有輻射?

大家放心「輻射霧」係無輻射㗎,而佢有另一個非學術性嘅名叫「日岀地霧」,係咪安心哂呢?根據香港天文台嘅資料,輻射霧是透過「輻射冷卻」形成,地面在白天吸收到嘅熱能,到晚上會散熱,地面溫度隨之下降。由於溫差,接近地面嘅空氣會冷卻,水汽會凝結成懸浮在空氣中嘅小水點,形成輻射霧。另外,輻射霧只在初冬至初春出現。

南生圍 拍攝時機只有半小時。
拍攝時機只有半小時。(圖片來源:[email protected] Wong)
南生圍 拍攝時機為上午6時45分至7時15分。
拍攝時機為上午6時45分至7時15分。(圖片來源:[email protected] Wong)

攝影心得大放送,連你都影得到!

Shun 接受新假期記者訪問時建議大家用航拍嘅拍攝方法最能呈現輻射霧嘅震撼。天氣方面最好揀天朗氣清、風勢微弱嘅日子就會較大機會睇到,最後就係練習同堅持,要捕捉奇景唔係一次就得,Shun由去年已經開始嘗試,至少影過接近10次至有今次最為成功嘅作品。仲有一點香港唔係所有地方都會出現呢個現象,佢曾經喺同條件下去過坪輋同大生圍,但只有南生圍成功。

南生圍 此相片攝於2019年,Shun話上年無今年咁大霧同埋無咁靚喔!
此相片攝於2019年,Shun話上年無今年咁大霧同埋無咁靚喔!(圖片來源:[email protected] Wong)
南生圍 大家出發前要留意天文台嘅天氣預測同各種數據,「去一次係唔得嘅,要試多幾次先會成功。」
大家出發前要留意天文台嘅天氣預測同各種數據,「去一次係唔得嘅,要試多幾次先會成功。」(圖片來源:[email protected] Wong)
南生圍 Shun是風景攝影愛好者,此相片青海茶卡鹽田。
Shun是風景攝影愛好者,此相片青海茶卡鹽田。(圖片來源:[email protected] Wong)

拍攝「輻射霧」5大條件你要知

根據過往嘅經驗,Shun綜合出以下5個條件,想影就記得佢,岀年試吓去影順便睇日岀。

  1. 氣溫為攝氏16度以下 ,有助地面水汽凝結懸浮空中形成輻射霧。
  2. 有太陽 ,日岀時才能清晰見到輻射霧,時間非常之短暫。
  3. 天空無雲無雨 ,散熱較快輻射冷卻會比較明顯,有助形成輻射霧。
  4. 濕度90%以上,有助地面水汽凝結懸浮空中形成輻射霧。
  5. 吹2至3級微風 ,散熱較快輻射冷卻會比較明顯,有助形成輻射霧。

常見問題
問:邊度影日岀地霧最靚?
答:南生圍

問:「輻射霧」會幾時岀現?
答:輻射霧只在初冬至初春出現

香港邊度影日岀地霧最靚?

南生圍

「輻射霧」會幾時岀現?

輻射霧只在初冬至初春出現

撰文:天文台、[email protected]圖片來源:[email protected]

最新吃喝玩樂資訊