韓國大熱香蕉牛奶新食法!! 韓國Threads友教路 XX味最有驚喜?
廣告
最近好多人喺Threads上面討論韓國香蕉牛奶🍌🥛～官方前排仲引入咗樽仔款（不過係限定發售！希望快啲再返貨🥹）！見到有韓國人推介咗一款新食法🫣，決定要同大家試試佢🫡～
材料超簡單，有樽仔款香蕉牛奶同埋KOKO KRUNCH就得喇😗（韓國脆友係教用미쯔，但香港買唔到🥲，所以用KOKO KRUNCH代替）～首先將香蕉牛奶放入冰格🧊，雪3個鐘之後拎出嚟，然後喺樽身⅓嘅位置切開🔪，再將KOKO KRUNCH放喺香蕉牛奶冰上面✨！
記者試食完表示唔係好得喎🤔！香蕉牛奶雪到變冰之後味道好淡🥲，同時KOKO KRUNCH嘅朱古力味都唔係好出🍫，如果用미쯔應該會濃味啲🥹！（下次再戰🔥！
橫掂買到另外兩隻味，所以決定比多次機會佢🫡，試埋士多啤梨味同蜜瓜味！
士多啤梨牛奶配士多啤梨乾🍓～將士多啤梨乾放喺士多啤梨牛奶冰上面就得喇🤩！想食得方便啲可以壓碎咗士多啤梨乾先～記者私心超期待呢款啊😍！本身個牛奶冰已經雪到得返淡淡地嘅士多啤梨味🤔，但係因為士多啤梨乾超濃味，兩樣加埋一齊，個士多啤梨味就好有層次感😋，好味🤤～
然後就係蜜瓜牛奶加蜂蜜星星🍈！都係超簡單，將蜂蜜星星放喺蜜瓜牛奶冰上面就完成喇🙌🏻！呢款比想像中更OK～喺三款牛奶入面，蜜瓜牛奶冰嘅味係最出🫨，然後蜂蜜星星又甜，食落都幾夾🤓！
大家又會唔會想試下呢🤩🫡～
在 Instagram 查看這則貼文新假期 Weekend Weekly（@weekendweekly）分享的貼文
圖片來源：新假期編輯部資料或影片來源：「新假期官方IG」
