Donki
Donki

Donki激安殿堂被港人力數7宗罪!少日貨+價錢貴 直言:Donki熱潮已過!

飲食熱話

廣告

Donki激安殿堂自從登港以來,一直成為港人掃貨的超市熱點。不過最近於討論區中,有網民怒數Donki激安殿堂7宗罪,更大鬧「Donki收皮都係自己攞嚟」,到底有哪7宗罪,立即睇睇!

連登網民怒插Donki激安殿堂7宗罪
罪狀1.少日貨

去得Donki,自然是會想買到平靚正的日貨。不過有網民則指出Donki的貨物愈來愈少日貨,取而代之是港版貨。例如杯麵是港版杯麵,故讓網民高呼「我想買嘅日本嘢喺Donki搵唔到」、「去買港版我去759買平幾多」、「人哋胡池屋產地日本,喺香港賣嗰啲就大陸」。

 有網民怒數Donki激安殿堂7宗罪。
有網民怒數Donki激安殿堂7宗罪。(圖片來源:Facebook@DON DON DONKI Hong Kong)
 指出Donki愈來愈少日貨。
指出Donki愈來愈少日貨。(圖片來源:Facebook@DON DON DONKI Hong Kong)

罪狀2. 價錢貴不減價

另有網民指Donki激安殿堂於日本是走平民路線,但來到香港貨物價錢卻愈來愈貴,而且到了凌晨還不減價。例如有網民指「入晒成堆港版貨,仲要貴過出面」、「夜晚唔減價真係死罪嚟!如果覺得11點都仲有買正價出血壽司咪再晏啲囉」、「有時食完飯8、9點入去行下,啲壽司擺到霉都唔減」、「Donki啲嘢太貴啦,係貴到痴線嗰種」、「貴到XX,枝洗衣液出面賣緊40幾,佢賣70幾」。

 有網民指出Donki價錢愈來愈貴,且不減價。
有網民指出Donki價錢愈來愈貴,且不減價。(圖片來源:新假期編輯部)

罪狀3.食物質素差

有網民指食物質素愈來愈差,例如有人投訴「芝士蛋糕細舊得嚟又塔晒」、「啲熟食好低質,又貴!」、「啲拖羅放到成舊變咗黑色」、「啲麵包、蛋糕,簡直世紀級難食」。

 Donki 亦有人指食物質素每況愈下。
亦有人指食物質素每況愈下。(圖片來源:新假期編輯部)

罪狀4.職員態度差

亦有網民投訴指Donki的職員態度超差,直言「收個錢好似殺咗佢全家咁」,更有人分享自己過往的經歷,指自己有試過自助付款,結果需要尋求協助,後來有職員黑著面走過來,讓事主有不愉快回憶。

 Donki 更有人投訴職員的態度相當差。
更有人投訴職員的態度相當差。(圖片來源:《愛回家之開心速遞》劇照)

罪狀5. 擴張太快

也有網民指Donki實在擴張太快,很多地區都有分店,但指出「開太多分店,入貨愈嚟愈差,街愈嚟愈多賣同款但更平」,故有人認為其實Donki開在人流旺的地段已夠,但屋邨不用開。

 有網民指Donki擴張得太多,引致質素下降。
有網民指Donki擴張得太多,引致質素下降。(圖片來源:Facebook@DON DON DONKI Hong Kong)

罪狀6.食物好快過期

有網民發現到Donki的貨物有近8成都很快過期,指自己有次一次過購入很多貨物,但回到家發現薯片及醬油的食用期限都是3-6個月。

 Donki 有網民指零食很快過期。
有網民指零食很快過期。(圖片來源:新假期編輯部)

罪狀7.收購物袋錢

最後有網民投訴Donki不會再附送膠袋,要是要購物袋,就需要加至少$2, 這措施讓網民深感不滿,故有人指自己自從不給膠袋後,就沒有再幫襯過。

 亦有人對於Donki購物袋要收費深感不滿。
亦有人對於Donki購物袋要收費深感不滿。(圖片來源:新假期編輯部)

資料來源:連登討論區

圖片來源:新假期編輯部、Facebook@DON DON DONKI Hong Kong、《愛回家之開心速遞》劇照