茶錢
茶錢

上海菜餐廳4大1小照收5位茶錢 港媽為$6嬲爆!侍應咁解釋

飲食熱話

廣告

不少餐廳、茶樓都有不成文規定,某個年齡以下的小朋友可以免收茶錢,但不代表所以餐廳都有這種安排。日前一名港媽帶與家人幫襯一間上海餐廳,同行包括4個大人1個1歲BB,最後埋單竟收了5個人的茶錢,港媽覺得不合理,於是向職員查詢,得到的回應令她更生氣……

港媽去上海餐廳食飯、4大1小照收5位茶錢

港媽當日與家人去到太古康怡的上海姥姥吃晚飯,人數是4位大人再加港媽的1歲女兒,總共4大1小。港媽指,當日入座時她本身想坐4人梳化位,但其中一位侍應叫她坐5人梳化位,會坐得比較舒服。當他們一行人在5人梳化位坐好時,侍應就收走了一套餐具,港媽就安排女兒坐梳化而不坐BB椅,期間女兒「無用過/食過任何佢哋嘅嘢」。

茶錢 港媽帶同其1歲女兒與家人一起去吃飯
港媽帶同其1歲女兒與家人一起去吃飯(圖片來源:TVB《BB來了》劇照)

港媽為$6嬲爆投訴、侍應解釋:你坐5人枱

到埋單時,港媽發現餐廳竟收了5個人的茶錢,覺得非常奇怪,認為不應該收取1歲女兒的茶錢,於是向職員查詢,職員回答指「因為你哋坐5人枱」,所以收5人茶錢,港媽則認為「bb又冇用佢嘅嘢,點解要收」,因此覺得不忿,心想「咁如果下次3個大人,坐2人枱,係咪收2人茶錢」。於是就把事件放上Facebook群組和網民分享。

埋單時,港媽發現餐廳竟收了5個人的茶錢,覺得非常奇怪
埋單時,港媽發現餐廳竟收了5個人的茶錢,覺得非常奇怪(圖片來源:Facebook@飲食黑店大全 (全港食店質素關注組))

網民分2派:嘲諷樓主「幾蚊都要公審」

網民在這件事上分成2派意見,有網民認為港媽「幾蚊都要公審」的行為實在太肉酸:「出得街食飯唔好咁肉酸啦,為咗個茶位錢喺度公審,想慳錢咁咪唔好帶你個女出街囉,人哋打開門做生意都要交租㗎嘛!」、「你個女唔係人?唔飲唔食坐人個位你覺得冇嘢?食餐飯幾蚊都計得咁辛苦,你都係返屋企煮喇」、「按人頭收費非常合理,如果有最低消費,收你五人錢也正常」,更開始攻擊港媽的低消費能力「4個大人食5個餸(輕盈)加個粗炒都咁肉赤,佢都係返屋企煮淨麵食吧啦」。

撐樓主:1歲都收錢係過份咗、冇用餐廳啲嘢唔應該收茶錢

不過也有網民明白港媽的執著之處,認為「俾得起$6,但唔識分合唔合理」,指出「廿零蚊,不算什麼

如果小孩有入座開位,理應付$,但淨係比張櫈佢坐,冇擺位,收$就不合理」;也有網民指出「1歲都收錢喺過份咗」、「支持樓主,不明文規定,BB係唔收茶錢的」、「理論上茶錢係計有冇開茶位,如果冇開應該唔收」,認為餐廳沒有為樓主的女兒準備BB椅,餐具又收走了,BB又不會喝茶,不應收茶錢,更指餐廳「為咗六蚊,一間食店真係可以幾短視」。

茶錢 有網民明白港媽的執著之處,認為不是付不起錢,但這個情況不合理,不應該付
有網民明白港媽的執著之處,認為不是付不起錢,但這個情況不合理,不應該付(圖片來源:Facebook@飲食黑店大全 (全港食店質素關注組))
茶錢
(圖片來源:TVB《BB來了》劇照)

中立網民:下次問清楚先啦

不過也有網民保持中立,指出入座前問清楚就可以避免爭拗:「做生意,佔座收費無可厚非,入座前可先了解 才考慮會否光顧」、「假設冇講xx歲以下小朋友免費,就照收錢㗎啦,你話冇食嘢,佢話你有食,又係口同鼻拗」、「如果你真係好計較收茶位錢,咁下次你食飯前問定囉!」、「問題不是應不應該收,而係收之前應該講清楚,明碼實價。如果你講明大肚婆要當2個人計算,完全冇問題。只不過人哋有權唔揀你」。

茶錢 有網民保持中立,指出入座前問清楚就可以避免爭拗
有網民保持中立,指出入座前問清楚就可以避免爭拗(圖片來源:Facebook@飲食黑店大全 (全港食店質素關注組))
茶錢 原文截圖
原文截圖(圖片來源:Facebook@飲食黑店大全 (全港食店質素關注組))

關鍵詞
飲食熱話
圖片來源:TVB《BB來了》劇照、Facebook@飲食黑店大全 (全港食店質素關注組)