港女於海港酒家食$298松葉蟹 上枱蟹膏蟹肺全失蹤 店員回應不知所謂！

港女出文大鬧：膏肺全失蹤！店員回應離哂譜

海港酒家於本港共設有20+分店，為大家所熟悉。適逢假日，大家總想找間好餐廳滿足口腹之慾。有女網友在Facebook群組「香港茶餐廳及美食關注組」上發文表示，本以為可以用優惠價$298食松葉蟹十分「抵食」，料知上菜時不但蟹蓋已開，蟹膏與蟹肺亦全部失蹤。

事主一怒下，便去詢問店員為何沒有蟹膏，店員卻回應「松葉蟹是沒蟹膏的」，事主理解不能，唯有繼續追問為什麼蟹殼本體已經被打開，店員則沒有回應便走開，完全無視事件，令人嬲爆。

蟹膏失蹤事件 原來已經有前科？多位網民分享中伏經歷

亦有網民分享早前試過外賣3隻松葉蟹，同樣沒有蟹膏。當時職員則表示，因為太多客人投拆其蟹膏為黑色，所以及後全部松葉蟹不會再附有蟹膏，更反指客人又不是吃膏蟹，沒有蟹膏也沒關係。職員回應串爆，亦惹網民懷疑店家所售的蟹並不新鮮，是「死蟹」或「雪藏蟹」。

網友留言兩極化！一分錢一分貨預咗啦 VS 下次唔好貼錢買難受

貼文一出已獲近千個讚好及留言，引起不少網友留言討論。部分網民為反對派，認為事主應該清楚以廉價購得的食品都沒好結果；亦有部分網民同情事主，叮囑下次可以退貨或叫經理當面對質。

反對事主派

有網民指日本松葉蟹本來都屬貴價食材，市價一般都需$300-$500以上不等，酒家現售$298又怎能抱有期望。留言指出「$298唔包膏嫁」、「正常人見過嚟個價，已經知道有問題，不會上當受騙！」，更有諷刺言論如「當交智商稅囉」、「哩盤嘢係畀你影相唔係要嚟食㗎，麻煩你打完咭畀返我吖」。

支持事主派

滿心歡喜到酒家用餐卻得不償失，換來一肚氣，支持事主派亦有留言一起閙爆店家「太過份」、「擺明係賣死蟹啦」、「剩返少少膏俾客人都好呀，一滴不留就真係狼死D。」，更有精明分析者指「會唔會係重用蓋，然後蒸兩梳急凍貨扮新鮮貨？」､「聽聞講啲蟹膏會留番畀日本料理」等。