林香檸手打檸檬茶少冰結果份量超縮水！港人發文怒轟黑店

林香檸手打檸檬茶少冰！

來自中國廣東湛江的林香檸手作檸檬茶在大陸超受歡迎，有「世一」檸檬茶的美譽，總店的月銷售量甚至超過8000杯，人氣爆燈！林香檸手作檸檬茶今年登港，短短幾個月便連開7間分店，其招牌手作檸檬茶味道清香，甜而不酸，更深受一眾食客喜愛。

不過近日就有港人分享指自己於並其中一間分店叫了一杯招牌手打檸檬茶一嚐滋味，事主要求飲品5分甜度以及少冰，但飲品來到就發現份量大縮水，只剩下2成的份量，超級誇張！事主爆嬲發帖大鬧：「少冰都成杯係咁，唔少冰咪茶都冇X埋？」，他狠斥店舖黑店：「呃錢到不得了，可一不可再」、「唔好實，呃錢都唔係咁呃囉」。

事主踢爆1陰濕位！

有網民就詢問事主為何不向店舖反映，事主就解釋指「佢有個杯套包住，我飲咗陣發覺點解咁快飲完，拎走個杯套先知成杯冰！」，再次大呻中伏：「唔會再幫襯啦，好伏呀頂」。

好多網民都曾中伏！

另有部分網民就不可憐事主，直指「條路自己揀….」、「好好地茶記堅檸檬茶唔飲飲埋啲化學嘢」、「再伏都有人舂個頭埋去幫襯，唔係又點開到成行成市割韭菜」、「點解會有人買….」。有網民表示自己都有相似的經歷，就算叫了少冰或走冰，都依然超多冰，「我第一次飲都係咁上下情況，我懷疑揀走冰都會照畀半杯冰，杯杯都咁，真係慳返唔少水架」、「飲過一次 叫少冰都爆冰」、「我上次買咗一杯，飲左4啖，冇晒」。