日本7仔腹黑優惠！挑戰減肥人士：買沙律菜/即食雞胸 送炸物！｜飲食熱話

日本7仔腹黑優惠！6蚊買包沙律菜已經有得送

這個被稱為是「惡魔之誘惑」的活動，於8月23-27日在東京、千葉、埼玉及神奈川的7仔推出，顧客只需購買沙律菜或即食雞胸，分別有10款及8款選擇（日本的減肥人士真幸福！），即可以獲得指定的「炸物」換領券一張，可於9月3日或之前使用。

指定炸物有春卷、炸牛肉薯餅、即炸咖喱包及炸熱狗4款可以選擇。其實日本人非常節儉，特別在飲食方面，一包沙律菜或一件即食雞胸已經是一味餸，再送一件炸物，就即是加餸，最平一包菜只是108円（約$6.2），這個推廣其實很吸引！$6.2在香港7仔買罐汽水都唔夠！

網民嘆不理解減肥人士心情 獲34萬like！

對於這個優惠，一般人都會覺得很著數吧！但提到低脂、高蛋白質的即食雞胸，就即刻聯想到是減肥或操肌人士的「恩物」（可以揀的話應該都唔會太想食）！所以，有日本網民在twitter發文，貼出7仔店內的宣傳海報並留言：「7-Eleven君，你完全唔顧及我用咩心情去買沙律菜、即食雞胸！」即引起網民熱議回應，like數超過34萬，分享超過6萬，非常厲害！

其實也難怪大家那麼激動，一包沙律菜只是幾十卡路里，即食雞胸約60-120卡路里，但那幾款炸物卻有161-351卡路里（別怪我多事，日本7仔有詳細列明每樣食物的卡路里！），換與不換，絕對是考驗減肥或操肌人士的定力！

日本7仔發言人回應

對於twitter有大量減肥人士傳來「悲痛的聲音」，日本7仔發言人表示：「我們的資料顯示出，買沙律菜或即食雞胸的顧客，有很多都會買炸物，所以才推出這次優惠。但亦因為這次活動而得知，原來買即食雞胸的客人，有很多都非常注重健康。」（吹脹！）