港人買大家樂早餐外賣打開驚見牛扒超燶邊！嬲爆投訴經理竟然咁覆

Oct 20 2023

有港人投訴早前自己於大家樂買早餐外賣，回到公司打開驚揭牛扒超燶，令他不禁狠插「燶到咁都可以畀客食」，最後更向經理投訴此事！

港人買大家樂早餐驚見牛扒超燶邊！

這名港人於大家樂叫了一份早餐，打開驚揭塊牛非常燶，表面已見到如黑炭般的燶邊。事主感到憤怒：「大家樂牛扒早餐，燶到咁都可以畀客食」，由於事主實在套氣憤，沒有辦法當無事發生，最後決定請兩個小鐘事假，特意返去該店舖向經理對質：「依舊咩呢？」、「點可以出品咁嘅食物畀客」，對方回覆：「話會同廚房講，提醒及教導下佢地，唔好出劣品畀客」。事主對經理的回答感到驚訝：「咁要教？咁都要提醒廚房同事？晨早就聽笑話」，最後對方
指可以更換給事主，但事主表示已成肚火因此拒絕。

網民指責事主應要事先檢查外賣

此帖引來眾人熱烈討論，有部分人就指責事主自己沒有事先檢查外賣，「自取唔check，目標就係等影相呢日，恭喜你等到，不過繼續食繼續唔check，好快手機相片爆內存」、「外賣都要睇吓，周時有甩漏」。亦有不少人鬧事主麻煩兼抵死：「一陣唔熟又話生，真係難服侍」、「行得入去預咗」、「唔識批走燶皮嚟食？」。不過亦有人怒轟大家樂質素下降：「大家樂全日早餐，d扒好細塊，牛肉薄過紙⋯已經好耐冇食，寧願出面食粥」、「原來仲有人食大家樂」。