外賣
外賣

港人怒轟香港外賣包裝缺1個細節欠貼心:連外賣都輸深圳一截

飲食熱話

廣告

現時不少港人都會北上飲飲食食,甚至會在當地餐廳買外賣,將其美食帶回香港!近日就有港人鬧爆香港連外賣都不如大陸,直指香港餐廳外賣包裝欠缺1個窩心細節,認為香港的餐廳根本沒有考慮客人的感受,引起網民熱論。

港人鬧爆香港連外賣都做唔好:凍野同熱野擺埋一齊

近日,就有網民在Facebook群組「深圳大陸吃喝玩樂交流 (By Runhotel)」發帖文分享在香港叫外賣的感受,當中表示香港的外賣包裝比不上內地:「所謂見微知著,係香港叫個外賣,凍野同熱野擺埋一齊,商家完全唔覺得有問題。係大陸叫外賣,好多都識將個凍飲另外裝。呢D啲微細既操作,反映出商家識唔識係客人角度出發,為客人提供貼地服務。」帖文引起不少網民討論!

港外賣 香港 內地
(圖片來源:小紅書)
港外賣 香港 內地 網民鬧爆香港外貌居然凍野同熱野擺埋一齊
網民鬧爆香港外貌居然凍野同熱野擺埋一齊(圖片來源:Facebook@深圳大陸吃喝玩樂交流 (By Runhotel))

有網民非常認同樓主的想法,表示內地的外賣無論是服務還是包裝都非常人性化,令食客滿意:「以前係有紙皮隔開都有用,而家真係亂咁黎擺埋一齊」、「我呢兩日叫米線都係,罐可樂嚟都變咗熱可樂」、「就算叫外賣都係啦!香港叫唔夠錢、遠啲舖頭又話唔送,外賣公司又係,要逼你開信用卡,即係歧視冇信用卡嘅人!大陸叫杯奶茶仔,窿窿罅罅嘅地方都可以同你交收」、「香港係咁,唔好要求太高」、「冇倒瀉已經算唔錯」

港外賣 香港 內地 不少網民非常認同樓主的想法,表示內地的外賣無論是服務還是包裝都非常人性化
不少網民非常認同樓主的想法,表示內地的外賣無論是服務還是包裝都非常人性化(圖片來源:TVB《愛回家之開心速遞》劇照)

網民幫口撐香港外賣:芝麻綠豆事都咁小心眼

不過亦有網民認為樓主要求多多,香港的外賣一向都是如此包裝,又指出內地的外賣屬於過度包裝,非常不環保!假如真的對外賣有意見,不妨向香港商家的提出要求,並加$1的膠袋稅:「其實唔同地方唔文化傳統同做法姐,幾十年來都係甘,冇乜好踩,唔滿意可以叫佢分開裝,等同分湯一樣,最多為加1,2蚊比佢」、「我叫外賣都唔需要咁好服務,環保就好」、「樓主要香港將可樂分開裝入袋,可以!根據法例,加你一元膠袋稅,你願意嗎?」、「芝麻綠豆事都咁小心眼」、「你比得起錢,我相信包到識飛都得,食平嘢就唔好彈啦,係大陸住人工物價同香港都唔一樣,點比?兩個地方都有好有壞,我哋香港搵錢喺大陸洗梗係爽!」

港外賣 香港 內地 網民認為樓主要求多多,十足西客!
網民認為樓主要求多多,十足西客!(圖片來源:TVB《愛回家之開心速遞》劇照)

關鍵詞
飲食熱話
圖片來源:小紅書、Facebook@深圳大陸吃喝玩樂交流 (By Runhotel)、TVB《愛回家之開心速遞》劇照