司徒夾帶炮轟連鎖店燒鵝令人失望：「好乾，味道亦平凡」

司徒夾帶炮轟連鎖燒鵝店

司徒夾帶與友人一同去到某間連鎖餐廳用餐，他們點了其招牌燒鵝，但狠插燒燒鵝味道令他失望，肉質非常乾，「食落去嗰種乾嘅程度，有啲似鴨」，而且味道亦非常普通。從圖片可見碟上還剩下約十件的燒鵝，司徒夾帶解釋指「唔係食到一半，而係大家唔願意繼續食落去」，而他同行的友人則表示另一間人氣燒鵝店一樂更好食，不過司徒夾帶認為同樣都退步。其次，司徒夾帶指燒鵝定價「好得意」，上庄要價$300，下庄要價$400，但半隻只係$460。

不過司徒夾帶亦有讚其他菜味道出色，由生炒糯米飯、杏汁燉白肺湯、甚至連皮蛋酸薑味都好好食，但指出餐廳憑燒鵝打響名堂，但水準卻如此差，實在令人失望：「始終整個品牌就等同燒鵝，燒鵝唔得就有啲難搞」。

網民超認同：難食咗！

雖然司徒夾帶並沒有開餐廳名，但精明的網民憑著其形容及餐廳的菜式，認出該餐廳為鏞記酒家。有不少網民都認同司徒夾帶，直指餐廳近年來質素直線下滑，「燒味嘅嘢，我覺得無一次標準，次次質素都參差」、「唔識人真係唔好入去…」、「難食咗好多年，寧願食甘牌」。