兩餸飯英文點講？網民出post求救點同外國同事解釋留言勁有創意｜飲食熱話

Oct 15 2022

兩餸飯英文點講？早前有網民於Facebook群組發帖，向大家請教「兩餸飯」英文點講，即使引來網民瘋狂留言！當中有不少網民的答案都極具創意及很搞笑，大家如果正在坐地鐵或巴士，又或於辦公室內，不建議睇以下的內容，否則笑出聲嚇親其他乘客或同事就唔好啦！

兩餸飯英文點講？最多人like答案：食夠三餸啦，Let’s go eat Samsung！

早前有網民於Facebook群組「扮工室Online」中發帖，表示公司新來了一個外國同事，打算請他食兩餸飯，問大家「兩餸飯」英文點講，即引來不少網民留言！兩餸飯自疫情開始便人氣急升，除了減少堂食之外，亦因為經濟環境轉差，大家都要慳荷包，抵食夾大盒的兩餸飯自然受歡迎，所以很多網民為它改名為「Poor Guy Rice」、「Economic downturn set」。

兩餸飯英文街坊大讚權發有水準！ — 兩餸飯英文點講？自疫情開始，兩餸飯變得很受歡迎，更有網民出帖出教英文點解，好介紹給老外同事。（圖片來源：新假期編輯部）

兩餸飯英文有網民於Facebook群組發帖，向大家請教「兩餸飯」英文點講。 — 有網民於Facebook群組發帖，向大家請教「兩餸飯」英文點講。（圖片來源：FB「扮工室Online」群組截圖）

另外，留言有超過一半都是亂答的，如「Double Zone Rice」、「hong kong subway」、「Omakase」等，但都很有趣；當中最爆笑的留言是「食夠三餸啦，”let’s go eat samsung”」，即刻得到400多個like！另一個爆笑答案是學香港人在Subway揀配料的叫法：「This This and rice 2餸，This this this and rice 3餸，This this this this and rice 4餸 etc」，有網民留言頒個創意獎給他！筆者就覺得另一個留言「lunch box pro max plus」更有創意，不過應該唔只兩餸，叫pro max plus，應該要加大、加料，或者是貴價食材的餸！

兩餸飯英文留言之中最多like就是這個「lets go eat samsung」！ — 留言之中最多like就是這個「lets go eat samsung」！（圖片來源：FB「扮工室Online」群組截圖）

兩餸飯英文 Subway揀配料用this this this，揀歌餸飯都可以this this！ — Subway揀配料用this this this，揀歌餸飯都可以this this！（圖片來源：FB「扮工室Online」群組截圖）

跟Panda Express叫Rice with 2 entries？

去過美國的人，應該都會見過甚至幫襯過Panda Express這間中式快餐連鎖店，於大型shopping mall、超市、主題樂園附近，總會見到那個紅白色的圓形熊貓招牌！所以，留言當中，都有些人提及Panda Express：「2 or 3 entrees plate，美國一早就有Panda Express都係兩餸飯嗰種，不過勁難食」、「2 items combo. That’s how it is called in Panda Express. Rice with 2 choices entrees」。講講下，大家開始表示掛住Panda Express的Orange Chicken（橙汁雞）及Kung Pao Chicken（宮保雞），這兩樣都是Panda Express的招牌菜！

兩餸飯英文 Panda Express是美國極具規模的中式快餐連鎖店。 — Panda Express是美國極具規模的中式快餐連鎖店。（圖片來源：FB@Panda Express）

兩餸飯英文 Panda Express的兩餸飯。 — Panda Express的兩餸飯。（圖片來源：FB@Panda Express）

兩餸飯英文 Panda Express的「兩餸飯或麵）」叫做「Plate：1 side & 2 entrees」，「三餸飯或麵）」叫做「Bigger Plate：1 side & 3 entrees」。 — Panda Express的「兩餸飯（或麵）」叫做「Plate：1 side & 2 entrees」，「三餸飯（或麵）」叫做「Bigger Plate：1 side & 3 entrees」。（圖片來源：Panda Express官網截圖）

兩餸飯英文網民提出美國Panda Express叫兩餸飯做Rice with 2 choices entrees。 — 網民提出美國Panda Express叫兩餸飯做Rice with 2 choices entrees。（圖片來源：FB「扮工室Online」群組截圖）

兩餸飯英文然後大家開始討論掛住Panda Express兩餸飯... — 然後大家開始討論掛住Panda Express兩餸飯…（圖片來源：FB「扮工室Online」群組截圖）

東南亞國家叫法：Economy Rice

搞完笑，睇完美國快餐店點叫，其實還有很多熱心網民提供正確的叫法。例如，在東南亞一帶如新加坡、馬來西亞的話，就會叫做Economy Rice或Economic Rice。亦有網民指英文的正名應該叫Combination meal，或簡稱Combo。另有網民截圖，指香港中文大學英文系助理教授指兩餸飯應名為Rice with two choices of sides，筆者就覺得，乾脆畀張相個外國同事睇就搞掂！