亞博Show前pre-party 青衣城識食開餐推介！

炑八韓烤：韓式風味BBQ炸雞 圍爐點燃韓流激情

去亞博追韓團睇星，一於show前嚟青衣城食個韓式BBQ同炸雞熱定身啦！炑八韓烤一直都係唔少韓燒控嘅蒲點。餐廳主打多款靚料烤肉，其中「特上和牛紅蝦套餐」特選和牛肉質夠Juicy入口即溶！配埋隻隻都咁大隻嘅新鮮紅蝦，啖啖肉又爽甜，海陸雙重享受！套餐仲有埋脆卜卜嘅韓式炸雞，BBQ配炸雞，十足韓劇風味！套餐一次過試勻幾款招牌菜，CP值超高！約埋班frd子一齊嚟炑八，除咗套餐仲可以嗌多幾款食物開心share，推介必試炑八五花腩、牛肋骨，同埋醬汁鰻魚，啖啖肉夠晒飽！一班朋友睇show前圍爐燒吓肉，飲嘢傾偈，成個氣氛勁relax又開心，食飽飽準備嗌爆全場！

薈欣：越式滋味 show前開聲醒神

想入場前 natural high，不如先嘆個開胃醒神越式菜，薈欣主打地道越南風味，充滿異國風情！招牌菜「順化蕃茄牛腩煲」用料十足，牛腩炆得夠腍夠入味，食落酸甜開胃！想清淡啲可以揀「熟牛肉湯粉」，湯底清澈鮮甜，牛肉嫩滑，河粉爽口曖胃又舒服，開聲醒神一定要試吓！食肉獸必試「炭燒西冷羊扒」，外面焦香，內裏肉汁豐富，鍾意食羊嘅朋友仔千祈唔好錯過喇！

Beans：文青打卡Cafe 閨蜜暢談「追星經」

難得同閨蜜一齊追星，當然要一齊食餐好！Beans Cafe環境舒服又有格調，啱晒約埋閨密嚟打卡再去睇concert。佢哋嘅「蟹膏甲羅燒黃金蟹肉意大利粉」係必食推介，蟹膏份量十足，撈埋鮮甜蟹肉同意大利粉一齊食，啖啖充滿海洋氣息！想食得健康啲可以揀「南非和牛肩胛片配生菜沙律及意大利羅勒醬」，和牛肩胛片肉質嫩滑，配搭新鮮沙律菜同清香嘅羅勒醬，清新無負擔！如果係甜品控，「法式吐司配煙肉及希臘式乳酪鮮果杯」就絕對係你杯茶，法式吐司外脆內軟，蛋香味濃，配上鹹香煙肉、幼滑乳酪同新鮮生果，口感豐富得嚟又唔會太甜膩，做下午茶或者飯後甜品都一樣咁滿足！

Sushiro 壽司郎：多款人氣料理 Show前醫肚

剌食、壽司、麵食同甜品咩都想食？去壽司郎就啱啦！首先經典必點新鮮生三文魚同吞拿魚，再隨心嗌多幾款炸物、卷物，唔少壽司都有「迷你飯」選擇，為隆重嘅夜晚打定個底！期間限定仲有【赤醋飯祭】，特別推薦、天然藍鰭吞拿魚極上手卷同松葉蟹軍艦配海膽三文魚子雙味，配上赤醋嘅醋飯更可以突出海鮮鮮味。
壽司郎勝在選擇多，睇show前約friend食個快嘅，定自己一個 I 人靜靜哋食都非常適合，食完壽司郎再搭機場快綫去聽歌，さいこう（saikō）最高！

記得下次去亞洲博覽館睇show前，早啲去青衣城搵間心水餐廳，食飽叉足電再盡情enjoy the show啦！

(Presented by 青衣城)