Homeland荃灣店身份證優惠！中4個字享8折＋全新捲捲意粉系列

Homeland荃灣店身份證優惠！中4個字享8折

為慶祝荃灣店三周年，Homeland 特別推出身份證優惠，於星期一至四晚市（下午五時起）惠顧堂食，凡身份證號碼中含有 1、3、6、9 的客人，全單即可享有低至8折優惠，含1個數字95折、2個數字9折、3個數字85折、4個數字8折，即刻搵吓身邊有無朋友仔中獎啦！除此之外，於星期一至五午市堂食，四人同行可享 一人免費，而且全單免加一服務費。（以最低價套餐計算，每位客人需點選一份午市套餐）荃灣街坊lunch time 可以多個選擇！

三周年限定新品：全新捲捲意粉系列

為慶祝三周年，Homeland重磅推出QQ捲捲意粉系列，以獨特嘅捲捲形狀意粉同大廚特調醬汁，喺傳統西餐入面注入新鮮感！全新系列於荃灣及旺角分店同步供應，意粉控必試！首推蘭王松露煙腩卡邦尼QQ捲捲意粉（$158）濃郁嘅松露香氣已經撲鼻而來，卡邦尼意粉配上蘭王蛋，蛋香濃厚，加上煙腩肉嘅鹹香和松露嘅獨特風味，層次感爆棚。捲捲意粉好掛汁，每一口都充滿醬汁嘅濃郁味道。另一款金沙蟹黃蟹肉QQ捲捲意粉（$178）將金沙嘅鹹香和蟹黃嘅濃郁完美融合，鹹香細膩，賣相超吸引！韓式玫瑰醬龍蝦QQ捲捲意粉（$228）韓式玫瑰醬帶點微辣同奶香，配上新鮮龍蝦肉，肉質鮮嫩，味道濃郁，辣中帶香，令人一試愛上。